PAMMILANGNGANG 15:14 - KITTA' MATANGKASA'

¹⁴ Bansa maraeng niaka ammantang ri tangnga-tangnganu, baji' tau sinampekaji kammayatompa lammantang tulia, musti naturuki anjo paratoranga punna assare koro'bang kanre-kanreang ampakasannangai nyawaNa Batara lanri rasanna.

PAMMILANGNGANG 15:14 ပူးပေါင်းရင်းမြစ်များ

KAIMANGNGANG 22:18

ampassareangi mae ri Harun siagang sikamma ana'na kammayatompa sikontu bansa Israel anne paratorang-paratoranga. Punna nia' tu Israel yareka bansa maraeng ammantang tuliamo ri alla'na tu Israel assare koro'bang untu' anrupai tinja'na, yareka koro'bang ero' kalenna, anjo olo'-olo' napassareanga musti laki siagang tenaya callanna sollanna akkulle nitarima.

KAIMANGNGANG 22:25

Olo'-olo' piara nigappaya battu ri bansa maraenga takkulleai nipassareang untu' koro'bang kanre-kanreang. Olo'-olo' kammaya anjo nibilang niaki callanna siagang takkulleai nitarima.

PAMMILANGNGANG 15:13

Anjo kammaya musti nagaukangi tu Israel ri wattunna assare koro'bang. Rasanna anjo koro'banga napakasannangi nyawaNa Batara.

PAMMILANGNGANG 15:15

Anjo sikontu hukkunga siagang paratoranga nipasangkamma ngasengi mae ri kau siagang mae ri bansa maraeng ammantanga ri tangnga-tangnganu, lanri ikau siagang anjo ke'nanga nipasangkammako ri dallekanNa Batara. Na anjo kammaya tappakei sa'genna satunggu-tungguna.