PAMMILANGNGANG 14:41 - KITTA' MATANGKASA'

⁴¹ Mingka nakanamo Musa, “Angngapa nuero' kamma-kamma anne andakkai parentaNa Batara? Tena nalanjari pattujunnu!

PAMMILANGNGANG 14:41 ပူးပေါင်းရင်းမြစ်များ

2 PATTOTTORANG 24:20

Nampa battumo RohNa Allata'ala angkoasai Zakharia ana'na Imang Yoyada. Majumi Zakharia ri dallekanna ra'yaka nampa akkio' angkana, “Nakana Karaeng Allata'ala, ‘Angngapa natena numannuruki ri parenta-parentaKu siagang nucilakai kalennu. Tenamo nujampangiA', jari tena tommo naKujampangiko!’ ”

AYUB 4:9

Sanrapang anging puttusu', kammaminjo larroNa Allata'ala ampanraki ke'nanga sa'genna cappu'!

YEREMIA 2:37

Lanubokoi Mesir siagang la'ba pa'mai' siagang siri'-siri'. INakke, Batara, antollaki ke'nanga tau nupattoanga; tena apa-apa passawallang lanugappa battu ri ke'nanga.”

YEREMIA 32:5

Nampa laniengka' Zedekia mange ri Babel siagang ammantang anjoreng sa'genna Kuhukkung. Manna pole nanabunduki tu Babel, mingka tena nakkulle lambetai. INakke, Batara, anne akkana.”

PAOLE 1:42

Mingka Nakana Batara mae ri nakke, ‘Teako lappassangi ke'nanga a'lampa mange a'bundu', lanri tena nalaKururungang ke'nanga; nibetai ke'nanga sallang ri musunna.’

1 SAMUEL 15:19

Angngapa natena kigaukangi parentaNa Batara? Angngapa ki'lumba-lumbaeng angngalle barang-barang nirampasa', siagang lanri kammana anjo nakipakabirisi' atinNa Batara?”