PAMMILANGNGANG 14:32 - KITTA' MATANGKASA'

³² Sa'dangkang ikau lamate ngasengko anrinni ri parang lompoa.

PAMMILANGNGANG 14:32 ပူးပေါင်းရင်းမြစ်များ

PAMMUJI 106:26

Jari assumpami Na'janji angkana laNabunoi ke'nanga ri parang lompoa.

PAMMILANGNGANG 14:29

A'moro-moro ngaseng mako mae ri Nakke. Lanri kammana anjo lamateko siagang latassiaraki maya'nu ri anne parang lompoa. Pantaranganna Kaleb siagang Yosua, tena manna sitau battu ri kau ngaseng umuru' ruampulo taunga sa'genna irateanganna lakkulle antama' ri pa'rasangang Kupa'janjianga mae ri kau.

PAMMILANGNGANG 26:64

Battu ri sikamma tau nidattaraka ri Musa siagang Harun ri parang lompona Sinai, tenamo manna sitau attallasa'.

PAMMILANGNGANG 26:65

Le'ba'mi Nakanang Batara angkanaya lamate ngasengi ke'nanga ri parang lompoa. Na memang mate ngasengi ke'nanga, pantaranganna Kaleb ana'na Yefune siagang Yosua ana'na Nun.

PAMMILANGNGANG 32:13

Larroi Batara mae ri bansa Israel sa'genna Nalappassang ke'nanga a'la'ba' a'lampa ri parang lompoa patampulo taung sallona, sa'genna sikontu anjo tau angngewaya mae ri ia mate ngasemmi.

1 KORINTUS 10:5

Mingka manna nakamma mamo, jaiangangi ri ke'nanga taningaia ri Allata'ala; iaminjo saba'na nasanna' jaina maya'na ke'nanga attambung ri parang lompoa.

IBRANI 3:17

Siagang inaika Nakalarroi Allata'ala patampulo taung sallona? Sai iami anjo ke'nanga dorakaya siagang matea ri parang lompoa?