PAMMILANGNGANG 14:24 - KITTA' MATANGKASA'

^24-25 Mingka tena nakamma anjo mae ri atangKu Kaleb. Ia tena mamminrana mae ri Nakke. Lanri kammana anjo laKuerangi mange anjoreng ri pa'rasangang le'baka napantamakki. Kamma-kamma anne tu Amalek siagang tu Kanaan ammantang ri anjo lapparaka. Mingka anjo daeraya la'jari napatangi jari-jarina Kaleb, anjo atangKu. Ammuko musti ammoterekko siagang a'lampako mange ri parang lompoa mangea ri biring Tamparang Akaba.”

PAMMILANGNGANG 14:24 ပူးပေါင်းရင်းမြစ်များ

1 PATTOTTORANG 29:18

O Karaeng Allata'ala, Ia nasombaya Abraham, Ishak, siagang Yakub, boe-boena ikambe, poro Kijagai sollanna tuli mangngai ummatTa mae ri Katte sangkamma ri kamma-kammaya anne, siagang Kikutulungi sollanna tena le'bakai mamminra mae ri Katte.

1 PATTOTTORANG 29:9

Ra'yaka rella tommi atinna assare ri Batara siagang rannumi pa'mai'na ke'nanga lanri jaina apa akkulle napassareang ke'nanga. Sanna' tommi rannuna pa'mai'na Karaeng Daud.

2 PATTOTTORANG 25:2

Nagaukangi Amazia gau' Nangaia Batara, mingka sitangngaji pa'mai'na.

PAMMUJI 119:145

Akkioka' mae ri Katte siagang sibatu pa'maikku; Kipiali laloa', o, Batara, erokka' mannuruki ri parentaTa.

PAMMUJI 119:80

Poro tena nammengka pa'maikku battu ri katantuanTa, sollanna tena kunggappa siri'.

PANGNGEBARANG 23:26

Parhatikangi baji'-baji', siagang contoi tallasa'na, ana'!

PAMMILANGNGANG 13:30

Mingka Kaleb napakajarreki pa'mai'na tau akkunrarenga ri Musa. Nakana Kaleb, “Anjo pa'rasanganga musti nibunduki nampa nialle memang kamma-kamma anne, lanri nia' kagassinganta untu' ambetai.”

PAMMILANGNGANG 26:65

Le'ba'mi Nakanang Batara angkanaya lamate ngasengi ke'nanga ri parang lompoa. Na memang mate ngasengi ke'nanga, pantaranganna Kaleb ana'na Yefune siagang Yosua ana'na Nun.

LAMPA-LAMPANA 11:23

Na ri wattunna battu Barnabas mange anjoreng, nacini'mi antekamma bateNa Allata'ala ambarakkaki ngasengi anjo taua. Sanna'mi rannuna Barnabas. Na napakainga'mo ke'nanga sollanna jarre' tojeng-tojeng tappa'na ke'nanga ri Batara.

EFESUS 6:6

Teako angkanaya nijagaipako nampa nugaukang anjo kammaya, lanri ero'nuji nipalece ri rupataua. Mingka parallui nugaukang sangkamma atanNa Almasi, mannurukia ri ero'Na Allata'ala sikalepu pa'mai'.

PAOLE 1:36

I Kalebji bawang, ana'na Yefune lantama', lanri tuli majarre'na tappa'na mae ri Nakke. LaKupassareangi mae ri Kaleb siagang jari-jarina anjo pa'rasangang le'baka a'la'ba' najappai.’

PAOLE 6:5

Kamaseangi Karaeng Allata'alanu siagang sikontu pa'mai'nu: Pappicinikangi kammaya anjo lalang ampe-ampe tallasa'nu siagang lalang ri panggaukannu.

KOLOSE 3:23

Jama-jamang apa mamo nugaukang, parallui nugaukang situlusu'na pa'mai'nu; sanrapang angkanaya untu' Batara nanugaukangi anjo jamanga, teai untu' rupataua bawang.