PAMMILANGNGANG 14:22 - KITTA' MATANGKASA'

²² angkanaya manna sitau anne sikamma taua tena lattallasa' untu' antama' ri pa'rasangang le'baka Kupa'janjiang mae ri boe-boena ke'nanga. Nasaba' taerokai ke'nanga mannuruki mae ri Nakke, siagang tulusu' ero'na ke'nanga ampaccoba-cobaiA'. Nampa le'ba'mi nacini' ke'nanga sioro'na cayaKu, siagang gau'-gau' malompo Kugaukanga ri Mesir siagang ri parang lompoa.

PAMMILANGNGANG 14:22 ပူးပေါင်းရင်းမြစ်များ

PA'JARIANG 31:41

Kammaminjo kukasia' ri wattu anjamaku ri katte ruampulo taung sallona. Sampulo angngappa' taung salloku anjama untu' anggappai anjo ruaya anatta, nampa annang taung pole salloku anjama untu' anggappai anjo bembea siagang gimbalaka. Na lalang siapaya anjo sallona, niaki pissampulo kipinra gajiku.

PA'JARIANG 31:7

Mingka manna nakamma kammaji naballe-balleiku siagang napinrai sa'genna pissampulo gajiku. Mingka tena nilappassangi ri Allata'ala a'gau' ja'dala' mae ri nakke.

AYUB 19:3

Nupa'mole-moleia' nuhina, siagang nusessa' tena siri'nu.

PAMMUJI 106:14

Ri parang lompoa nigodami ke'nanga ri napasuna, na naso'ri Allata'ala.

PAMMUJI 106:26

Jari assumpami Na'janji angkana laNabunoi ke'nanga ri parang lompoa.

PAMMUJI 78:41

A'mole-molei ke'nanga naso'ri Allata'ala, nasusai Kaminang Matangkasaka, Allata'alana Israel.

KALAPPASSANG 14:11

Nampa nakanamo ke'nanga ri Musa, “Tenaka jera' ri Mesir, sa'genna nuerang ikambe sollanna anrinni ri tampaka mate ngaseng ikambe? Cini'mi apa kajarianna anjo panggaukannu!

KALAPPASSANG 15:24

A'moro-moromi anjo taua mae ri Musa siagang akkuta'nammi ke'nanga ri ia angkana, “Apamo laniinung?”

KALAPPASSANG 16:2

Anjoreng ri parang lompoa anjo, a'moro-moro ngasemmi ke'nanga mae ri Musa siagang Harun.

KALAPPASSANG 17:2

Jari a'moro-moromi ke'nanga ri Musa nakana, “Sarei ikambe je'ne' inung.” Appialimi Musa angkana, “Angngapa nu'moro-moro anso'ri Batara?”

KALAPPASSANG 17:3

Mingka sanna' ngaseng turerena ke'nanga siagang tuli a'moro'-moromi ke'nanga ri Musa. Nakana ke'nanga, “Angngapa nuerangi ikambe assulu' ri butta Mesir? Nukellai ikambe siagang ana'-ana'na ikambe kammayatompa olo'-olo'na ikambe mate napakamma turere?”

KALAPPASSANG 17:7

Anjo tampaka niarengi Masa, lanri anjorengi ri tampaka tu Israel naso'ri Batara wattunna akkuta'nang ke'nanga angkana, “Apaka Narurungangki' Batara yareka tena?” Anjo tampaka niareng tongi Meriba, lanri anjoremmi ri tampaka akkunrareng tu Israel.

KALAPPASSANG 32:1

Ri wattunna nacini' bansa Israel angkanaya sallo dudumi Musa natanaungapa ammotere' Musa battu ri monconga, mingka tuli ammantanna rate, battumi ke'nanga allipungi Harun na nakana ri ia, “Taniassengai angkana apa kajariang ri Musa, anjo tau angngerangaki' assulu' battu ri Mesir; jari papparekammi ikambe se're rewata akkullea ampimpingi ikambe.”

KALAPPASSANG 5:21

Nakanamo anjo sikamma mandoroka, “Naassengi Batara panggaukannu! LaNahukkungko sallang! Passabakkang ikaumi sipa'rua nanikabirisi ikambe ri karaenga siagang sikamma pagawena, sa'genna ero'mo ke'nanga ambunoi ikambe.”

YESAYA 42:20

Israel, jai nucini', mingka tena nuparhatikangi, tassungkei tolinnu, mingka tena nullangngere'.”

DANIEL 1:20

Sampang nia' napabattu karaenga passala', iamintu parallua nipakasingara' siagang nitangara', naassemmi karaenga angkanaya panggappana siagang pappitangara'na anjo appaka turungka a'lappi sampuloi baji'na nasikamma panggappana siagang pappitangara'na sikontu pacinika siagang sanro cara'deka ri sikontu kakaraenganna.

MALEAKHI 3:15

Mata kalenta anciniki antekamma mate'nena tau tampoa. Tena napila' salewangang bawang tau ja'dalaka, mingka punna naso'ri kasa'baranNa Allata'ala lalang kaja'dallanna ke'nanga, tena tonja namangngapa-apa.’ ”

PAMMILANGNGANG 11:1

Ri se'reang allo appakkaramulami bansa Israel akkunrareng mae ri Batara passabakkang sikamma kasukkarranna ke'nanga. Nalangngere'na kunrarenna ke'nanga, larromi Batara siagang appabattumi pepe' mae ri ke'nanga. Anjo pepeka a'lemere'mi ri tangnga-tangngana ke'nanga na nakanre sa'genna ammutung sipa'gang pakkemaanna ke'nanga.

PAMMILANGNGANG 11:4

Lalang pa'jappanna anjo tu Israel nia' todong bansa maraeng amminawang. Ero' dudui anjo ke'nanga angnganre dageng, nampa appakkaramula tommo tu Israel akkunrareng. Nakanamo ke'nanga, “Ah, coba nania' mamo dageng untu' nikanre-kanre!

PAMMILANGNGANG 12:1

Angngallemi Musa se're tubaine Kus nampa nabaineang; iaminjo napa'jari alasang Miryam siagang Harun untu' ancallai Musa.

PAMMILANGNGANG 14:11

Nakanamo Batara mae ri Musa, “Siapapi sallona anne taua langngewA'? Sa'ge kemae ke'nanga taeroka tappa' ri Nakke, manna pole jaimi gau' malompo Kugaukang ri tangnga-tangngana ke'nanga?

PAMMILANGNGANG 14:2

A'moro-moromi ke'nanga mae ri Musa siagang Harun angkana, “Bajikangngangi punna mateki' ri Mesir yareka anrinni ri parang lompoa! Lappassang maki' mate!

PAMMILANGNGANG 32:12

Kabusu'na anjo taua natabai hukkungang, pantaranganna Kaleb ana'na Yefune, tu Kenas, siagang Yosua ana'na Nun, lanri anjo ke'nanga tau ruaya tuli majarreki pa'mai'na mae ri Batara.

MATIUS 4:7

Appialimi Isa Nakana, “Mingka nia' todong tattulisi' lalang ri Kittaka angkanaya, ‘Teako so'ri-so'ri Karaeng Allata'alanu.’ ”

1 KORINTUS 10:5

Mingka manna nakamma mamo, jaiangangi ri ke'nanga taningaia ri Allata'ala; iaminjo saba'na nasanna' jaina maya'na ke'nanga attambung ri parang lompoa.

1 KORINTUS 10:9

Takkulleaki' anso'ri Batara sangkamma nagaukanga ke'nanga riolo, sa'genna mate nitotto' ke'nanga ri ulara'.

PAOLE 9:7

U'rangi antekamma batenu ampakalarroi Karaeng Allata'alanu ri parang lompoa. Baku' nubokoina Mesir sa'gennu battu mae anrinni, tena numannuruki mae ri Batara.

IBRANI 3:9

Nakana Allata'ala, ‘AnjoremMa' naso'ri siagang nauji boe-boenu, manna pole nacini'mi ke'nanga apa le'baka Kugaukang patampulo taung sallona.’