PAMMILANGNGANG 14:2 - KITTA' MATANGKASA'

² A'moro-moromi ke'nanga mae ri Musa siagang Harun angkana, “Bajikangngangi punna mateki' ri Mesir yareka anrinni ri parang lompoa! Lappassang maki' mate!

PAMMILANGNGANG 14:2 ပူးပေါင်းရင်းမြစ်များ

1 KARAENG-KARAENG 19:4

nampa a'jappa bangkeng ri parang lompoa siallo bujuru', nampa ammantang irawanganna se'rea poko' kayu copponga leko'na. Ammempomi anjoreng, naerokangngammi nasa'ring matea. Nakanamo ri Batara, “Tenamo kutahangi, Batara Kialle lalomi nyawaku. Tena na kubajikangngang naboe-boeku!”

AYUB 3:11

Angngapa kutamatea lalang ri battanna ammakku, yareka tappu' nyawaku ri wattungku nilassukang?

PAMMUJI 106:24

Nampa natolla' ke'nanga anjo pa'rasangang ga'gaya lanri tena natappa' ri janjinNa Allata'ala.

PAMMUJI 106:25

A'moro-moroi ke'nanga lalang ri kemana nataeroka ampilangngeri sa'ranNa Batara.

PAMMUJI 106:45

Lanri ke'nanga nau'rangi parjanjianNa Nakarimangngi ke'nanga lanri pangngamaseang malompoNa.

KALAPPASSANG 14:11

Nampa nakanamo ke'nanga ri Musa, “Tenaka jera' ri Mesir, sa'genna nuerang ikambe sollanna anrinni ri tampaka mate ngaseng ikambe? Cini'mi apa kajarianna anjo panggaukannu!

KALAPPASSANG 15:24

A'moro-moromi anjo taua mae ri Musa siagang akkuta'nammi ke'nanga ri ia angkana, “Apamo laniinung?”

KALAPPASSANG 17:3

Mingka sanna' ngaseng turerena ke'nanga siagang tuli a'moro'-moromi ke'nanga ri Musa. Nakana ke'nanga, “Angngapa nuerangi ikambe assulu' ri butta Mesir? Nukellai ikambe siagang ana'-ana'na ikambe kammayatompa olo'-olo'na ikambe mate napakamma turere?”

YUNUS 4:3

Kamma-kamma anne, o Batara, boli'ma' kamma mate, nasaba' bajikangnganga' matea naia attallasaka.”

YUNUS 4:8

Ri wattunna ammumbamo alloa, appabattumi Allata'ala anging bambang ammirika battu iraya. Sike'de' mami natenamo nangngu'rangi Yunus lanri nitujuna ri singara'na alloa, sangkammai angkanaya natunui ulunna. Tappu' panrannuammi siagang ero'mi mate. Nakana, “Bajikangngangi matea nattallasaka!”

PAMMILANGNGANG 11:1

Ri se'reang allo appakkaramulami bansa Israel akkunrareng mae ri Batara passabakkang sikamma kasukkarranna ke'nanga. Nalangngere'na kunrarenna ke'nanga, larromi Batara siagang appabattumi pepe' mae ri ke'nanga. Anjo pepeka a'lemere'mi ri tangnga-tangngana ke'nanga na nakanre sa'genna ammutung sipa'gang pakkemaanna ke'nanga.

PAMMILANGNGANG 11:15

Punna tuli nipakamma' anne Batara, Kikamaseanga'; bajikangngang bunoma' linta' sollanna tenamo nakukasiaki anne kasessang kammaya.”

PAMMILANGNGANG 11:5

Niu'rangi juku' nikanre bawang-bawanga ri Mesir, kammayatompa bonteka, boyo', perei, lasuna eja siagang lasuna kebo'.

PAMMILANGNGANG 14:1

Kabusu'na bangngia ammarrang-marrang siagang angngarru'-arru' umma' Israel.

PAMMILANGNGANG 14:22

angkanaya manna sitau anne sikamma taua tena lattallasa' untu' antama' ri pa'rasangang le'baka Kupa'janjiang mae ri boe-boena ke'nanga. Nasaba' taerokai ke'nanga mannuruki mae ri Nakke, siagang tulusu' ero'na ke'nanga ampaccoba-cobaiA'. Nampa le'ba'mi nacini' ke'nanga sioro'na cayaKu, siagang gau'-gau' malompo Kugaukanga ri Mesir siagang ri parang lompoa.

PAMMILANGNGANG 16:13

Maka tagannakkapi nueranna ikambe assulu' battu ri butta Mesir copponga untu' ambunoi ikambe anrinni ri parang lompoa? Apaka musti ammarenta tongko mae ri kambe?

PAMMILANGNGANG 16:41

Ammukona bari'basa' a'larro-larromi sikontu bansa Israel mae ri Musa siagang Harun. Nakana ke'nanga, “Le'ba'mi nubuno umma'Na Batara.”

PAMMILANGNGANG 17:6

Anjo passalaka napabattumi Musa mae ri tu Israel. Nampa sikamma pamimpinga massing napassareammi takkanna mae ri Musa, tasse're takkang untu' tunggala' pamimping sukua. Yangasenna nia' sampulo anrua, na nia' takkanna Harun ri alla'na anjo sikamma takkanga.

PAMMILANGNGANG 20:2

Ri se'reang wattu tenamo je'ne' ri tampa' pakkemaanna ke'nanga. Jari battumi sikamma anjo taua allipungi Musa siagang Harun,

PAMMILANGNGANG 20:3

nampa a'moro-moro angkana, “Bajikangngangi ebara' angkana matei ikambe siagang sikamma sari'battanna ikambe ri dallekanNa Batara.

PAMMILANGNGANG 20:4

Angngapa nanuerangi ikambe mae anrinni ri parang lompoa? Sollanna namate ikambe siagang olo'-olo' piarana ikambe anrinni?

PAMMILANGNGANG 21:5

siagang a'moro-moromi ke'nanga mae ri Allata'ala siagang mae ri Musa. Angkanai ke'nanga, “Angngapa nanuerangi ikambe assulu' battu ri butta Mesir? Apaka erokko ambunoi ikambe ri anne parang lompoa? Anrinni tena kanre, siagang manna je'ne' tena todong. Ero'mi ta'langnge ikambe napakamma anne kanre la'baya!”

1 KORINTUS 10:10

Takkullea tongki' a'moro-moro, akkunrareng; sangkamma nagaukanga ke'nanga riolo, sa'genna nibuno ke'nanga ri Malaeka'na Kamateanga.

PAOLE 1:27

A'moro-moroko angkana, ‘Birisiki Batara mae ri katte. Jari Naerang maki' assulu' battu ri Mesir untu' laNapassareang mae ri tu Amori, sollanna nabunoki' ke'nanga.

PAOLE 9:23

Nampa ri wattunnu nisuro ri Batara ambokoi Kades-Barnea untu' maju siagang mange ampammantangngi butta laNapassareanga mae ri kau, nutumpaki parentaNa Karaeng Allata'alanu; taerokako tappa' yareka mannuruki mae ri Ia.

IBRANI 3:16

Jari, inaika anjo tau allangngerekai sa'ranNa Allata'ala nampa nabali Allata'ala? Sai yangasemmi anjo tau le'baka napimping Musa assulu' battu ri butta Mesir?

YUDAS 1:16

Anjo taua tuli a'reku'na ngaseng giginna siagang tuli nasalakanna tau maraenga. Tuli naturukiangi ke'nanga apa nakaerokia pa'mai' dorakana ke'nanga. Napalecei kalenna ke'nanga, siagang a'bali' ballammi ke'nanga sollanna akkulle anggappa passawallang.