PAMMILANGNGANG 14:11 - KITTA' MATANGKASA'

¹¹ Nakanamo Batara mae ri Musa, “Siapapi sallona anne taua langngewA'? Sa'ge kemae ke'nanga taeroka tappa' ri Nakke, manna pole jaimi gau' malompo Kugaukang ri tangnga-tangngana ke'nanga?

PAMMILANGNGANG 14:11 ပူးပေါင်းရင်းမြစ်များ

PAMMUJI 106:24

Nampa natolla' ke'nanga anjo pa'rasangang ga'gaya lanri tena natappa' ri janjinNa Allata'ala.

PAMMUJI 78:22

saba' tena natappa' ke'nanga mae ri Allata'ala, mae ri koasaNa akkullea ampasalamaki ke'nanga.

PAMMUJI 78:32

Mingka manna nakamma tuli dorakana umma'Na, taerokai tappa' ke'nanga ri sikamma gau' appakalannasa'Na.

PAMMUJI 95:8

“Teako terassi ulunnu sangkamma boe-boenu ri Meriba, sangkamma wattunna ri Masa ke'nanga, ri parang lompoa.

KALAPPASSANG 10:3

Nampa a'lampami Musa siagang Harun mange andallekang ri karaenga na nakana ri ia, “Batara, Allata'alana bansa Ibrani, appasangi angkana, ‘Siapapi sallonu taeroka tundu' mae ri Nakke? Lappassammi ummakKu a'lampa, sollanna akkulle ke'nanga nagaukang ibadana mae ri Nakke.

KALAPPASSANG 16:28

Nakanamo Batara mae ri Musa, “Siapapi sallonu taeroka mannuruki ri sikamma parentaKu?

KALAPPASSANG 23:21

Parhatikangi siagang musti mannurukiko ri ia. Teako angngewai ri ia, lanri ia suroKu, siagang tena nalanapammopporang kasalannu.

KALAPPASSANG 32:9

Kuassengi angkanaya anjo bansaya sanna' kapala batuna.

PANGNGEBARANG 1:22

“He tau dongoka! Siapa sallonu tuli lakamma? Kerepi wattu nanupammari ambawang-bawangngangi pangngassenganga siagang ansorongbokoi pappilajaranga?

YEREMIA 13:10

Anne bansa ja'dalaka sanna' kapala batuna siagang taerokai mannuruki ri Nakke. Anynyombai siagang napa'jari atai kalenna ke'nanga mae ri rewata-rewata maraenga. Lanri kammana minjo nala'jari ke'nanga rapang anjo lipa' bodo tenaya matu-matunna.

YEREMIA 4:14

Yerusalem, pelaki kaja'dallanga battu ri atinnu sollannu nipasalama'. Siapapi sallona anjo pikkirang-pikkirang ja'dalaka lanuboli' ri atinnu?

YEHEZKIEL 20:13

Mingka anjoreng ri parang kassika angngewa tongi ke'nanga mae ri Nakke. Nadakkai ke'nanga parenta-parentaKu, siagang natollaki hukkung-hukkung ampattantuai angkanaya inai anturuki latuli attallasaki. Sanna' nara'massinna ke'nanga allo Pammari-marianga. Lanri kammana anjo, anjoreng ri parang kassika sadiaMa' ero' a'jallo' lanri larroKu mae ri ke'nanga siagang ampanraki ke'nanga.

HOSEA 8:5

BirisikKa' ri sapi bulaeng nisombaya ri pandudu'na kota Samaria. Larro duduA' mae ri ke'nanga. Kemaepi sa'genna ke'nanga latulusu' nara'massi kalenna anynyomba ri barhalaya?

ZAKHARIA 8:14

Nakana Batara Kaminang Koasaya, “Ri wattungKu napakalarro boe-boenu, Kupattantumi untu' anghukkung sannaki ke'nanga. Tena naKupinrai anjo kaputusangKu, passangalinna Kurupai tojengi.

PAMMILANGNGANG 14:23

Tena! Tena nalantama' ke'nanga ri anjo pa'rasanganga. Sikamma anjo tau angngewaya mae ri Nakke, tena manna sitau langngonjoki anjo pa'rasanganga.

PAMMILANGNGANG 14:27

“Kemae sa'genna anjo sikamma tau ja'dalaka tuli la'moro-moro mae ri Nakke? Sikontu kunrarenna ke'nanga Kulangngere' ngasemmi.

PAMMILANGNGANG 32:10

Jari larromi Batara anjo wattua sa'genna Nakana, ‘Tena namajarre' pa'mai'na mae ri Nakke anjo taua. Lanri kammana anjo assumpaMa' angkanaya sikamma tau umuru' ruampulo taunga sa'genna irateanganna battu ri anjo ke'nanga ri wattunna nabokoi Mesir, tena lakkulle antama' ri pa'rasangang Kupa'janjianga mae ri Abraham, Ishak siagang Yakub.’

MATIUS 17:17

Appialimi Isa angkana, “Teaiko anne sipato' ngaseng! Ma'nassa tau sala oloang ngasengko siagang tena ngaseng tappa'nu. Siapapi salloKu lammantang siagang lasa'bara' ri tangnga-tangnganu ngaseng? Erangi mae anjo anaka!”

MARKUS 9:19

Nakanamo Isa ri ke'nanga, “Teai ngasengko sipato' anne! Tau tena ngaseng tojeng tappa'nu. Siapapi salloKu lammantang anrurungangko siagang lasa'bara' ri kau ngaseng? Erangi mae antu anaka!”

YOHANES 10:38

Mingka lanri Kugaukammi, tappa' mako mae ri sikamma anjo apa le'baka Kugaukang, manna pole taerokako tappa' ri Nakke. Lalang kammana minjo nanuasseng siagang nupahang angkanaya tuli se'rena Manggea siagang iNakke, siagang tuli se'reKu siagang Manggea.”

YOHANES 12:37

Manna pole najaimo gau'-gau' appakalannasa' le'ba' Nagaukang Isa ri dallekanna ngaseng ke'nanga, mingka tena naero' tappa' ke'nanga ri Ia.

YOHANES 15:24

Ebara' angkana tenapa naKugaukangi apa-apa takkullea nagaukang tau maraenga ri tangnga-tangngana ke'nanga, tenaja nadoraka ke'nanga. Mingka kamma-kamma anne nacini'mi ke'nanga apa Kugaukanga, nanakabirisi ijA' siagang Manggea.

PAOLE 1:32

Mingka manna pole akkana kammama', tena tongija nuero' tappa' mae ri Karaeng, Allata'alanu,

IBRANI 3:16

Jari, inaika anjo tau allangngerekai sa'ranNa Allata'ala nampa nabali Allata'ala? Sai yangasemmi anjo tau le'baka napimping Musa assulu' battu ri butta Mesir?

IBRANI 3:18

Ri wattunna assumpa Allata'ala Nakana, “Talantamayai ke'nanga ri tampa' pammari-mariangKu, sipammari-mariang siagang iNakke,” maka inai nataba anjo kananNa Allata'ala? Sai iami anjo tau ambaliai Allata'ala nataba?

IBRANI 3:8

teako tamappilangngeri, sangkamma boe-boenu riolo, ri wattunna nabali siagang naso'ri ke'nanga Allata'ala ri parang lompoa.