PAMMILANGNGANG 13:33 - KITTA' MATANGKASA'

³³ Ba'lalo nia' nacini' ikambe tau sangkamma rassasa, iamintu jari-jarina tu Enak. Punna nipasinrapangi siagang ke'nanga, ikambe rapang jaki' katimbang; siagang mattantu kammaminjo panggappana ke'nanga mae ri kambe.”

PAMMILANGNGANG 13:33 ပူးပေါင်းရင်းမြစ်များ

PA'JARIANG 6:4

Ri anjo jammanga siagang ri le'ba'na anjo, nia' tau sannaka lompona ngaseng kalenna ri lino. Anjo ke'nanga ana'-ana' battu ri sikamma anjo tulolo a'buntinga siagang rewata-rewataya. Anjo tau lompoa ngaseng kalenna masahoroki niasseng siagang iami pahlawang-pahlawang lompo ri jammang riolo.

1 PATTOTTORANG 11:23

Le'ba' tongi ammuno se're tu Mesir, ia sannaka lompona pakkaleanna; tinggina la'bi rua metere'. Sanjatana anjo taua iamintu poke sannaka lompona, mingka palu-paluji napake Benaya angngewai. Narampasaki anjo poke niaka ri limanna anjo tu Mesirka nampa napake ambunoi anjo taua.

YESAYA 40:22

Mappa'jarina ammempoi ri empoang kala'biranNa irate ri bundala'na linoa, pandudu'na buttaya ca'di nicini' rapang katimbang. Naka'rangi langika rapang kaeng, nampa Napasang rapang kema untu' nipammantangngi.

PAMMILANGNGANG 13:22

Uru-uruna a'lampai ke'nanga ri bageang timboranna anjo pa'rasanganga nampa battu mange ri kota Hebron, tampa' napammantangia tu Ahiman, Sesai siagang Talmai, jari-jarina Enak. Anjo kota Hebron tuju taungi le'ba'na nibangung nampa nibangung kota Zoan ri Mesir.

PAMMILANGNGANG 13:28

Mingka pandudu'na anjo pa'rasanganga kassa'-kassa' ngasengi. Kota-kotana ke'nanga lompo-lompo ngasengi siagang ammakei tembo' kalli' pattahangngang. Nampa pole, anjo tau nacinika ikambe anjoreng sangkammai jari-jarina tau lompo tinggia tinggi.

PAMMILANGNGANG 14:1

Kabusu'na bangngia ammarrang-marrang siagang angngarru'-arru' umma' Israel.

PAOLE 1:28

Jari apa matu-matunta mange anjoreng? Anjo tau nikiringa mange anjoreng napakamalla' maki' lanri nalaporo'na ke'nanga angkana anjo bansa niaka anjoreng la'bi kassakangngangi siagang la'bi baraniangngangi na ikatte, kammayatompa lalangi ke'nanga ammantang ri kota-kota nikallika tembo' kammaya langi' tinggina. Acciniki ke'nanga rassasa anjoreng!’

PAOLE 2:10

Anjo Ar riolo tu Emim ampammantangngi. Lompoi pakkaleanna ke'nanga, sangkammai tu Enak, kamma tongi ke'nanga bansa rassasa.

PAOLE 3:11

Anjo Karaeng Og iami karaeng kala'busanga ri tu Refaim. Patti maya'na iamintu batu nipare'; la'buna appa' metere' na sangkara'na a'biringi rua metere' situru' siagang ukkurang le'baka nipattantu. Sa'genna kamma-kamma anne akkulle iji nicini' ri Raba, kotana tu Amon.)

PAOLE 9:2

Taunna lompo ngasengi pakkaleanna; anjo ke'nanga rapangi rassasa, nampa nulangngere'mi angkanaya tena tau akkulle angngewai ke'nanga.

YOSUA 11:21

Iatommi anjo wattua na'lampa Yosua mange angngancuruki bansa Enak, iamintu bansa lompo tinggia ngaseng kalenna, niaka ammantang ri daera pa'moncongang – ri Hebron, Debir, Anab, siagang ri sikontu daera pa'monconganna Yehuda siagang Israel. Nibuno ngasengi ke'nanga ri Yosua, siagang niancuru' ngasengi kota-kotana ke'nanga.

YOSUA 14:12

Lanri kammana anjo, sareamma' kamma-kamma anne daera pa'moncongang Napa'janjianga Batara mae ri nakke ri wattungku ammotere' siagang sikamma tau kuaganga angngerang laporang. Anjo wattua kalennu allangngereki, angkanaya anjoreng nia' bansa lompo tinggia pakkaleanna, niarenga bansa Enak. Lalangi ke'nanga ri kota-kota lompo nitemboka tammulilina ammantang. LaNatulunga' kapang Batara, sa'genna akkulle kubongka ke'nanga, sangkamma Napaua Batara.”

YOSUA 15:14

Ia jari-jarina Enak iamintu Sesai, Ahiman, siagang Talmai. Nabongka ngasemmi Kaleb anjo ke'nanga battu ri Hebron.

1 SAMUEL 17:24

Nacini'na tu Israel anjo Goliat, lari memammi silalonna tu Israel napakamma malla'.

1 SAMUEL 17:42

Mingka nacini'na Daud nampa naparhatikang, ammakkala'mi Goliat ancau-caui Daud lanri rungka iji na ga'ga nacini'.