PAMMILANGNGANG 13:32 - KITTA' MATANGKASA'

³² Nampa appa'la'bammo ke'nanga carita balle-balle ri tangnga-tangngana tu Israel ri passala'na anjo pa'rasangang le'baka nasalidiki ke'nanga. Nakana ke'nanga, “Sanna' bahayana anjo pa'rasanganga, ba'lalo bahaya mae ri pandudu' kalenna. Anjo tau nacinika ikambe anjoreng sanna' lompona ngaseng pakkaleanna.

PAMMILANGNGANG 13:32 ပူးပေါင်းရင်းမြစ်များ

2 SAMUEL 21:20

Nakajariammo pole bunduka a'bali siagang tu Filistin ri Gat. Anjoreng nia' se're tau lompo kalenna sannaka nangaina a'bunduka. Karemeng limanna siagang karemeng bangkenna ta'annang kabusu'.

1 PATTOTTORANG 20:6

Lalang ri pa'bundukang maraengannaya ri Gat, nia' sitau sannaka lompona kalenna, ia annanga karemenna ri limanna siagang bangkenna. Ia turungang tu sanna' lompona battu ri jammang riolo.

PAMMUJI 106:24

Nampa natolla' ke'nanga anjo pa'rasangang ga'gaya lanri tena natappa' ri janjinNa Allata'ala.

YEHEZKIEL 36:12

UmmakKu Israel, laKuerangi ammotere' untu' mange ampammantangngi ammotere' pa'rasanganna. Anjo buttaya la'jari napatangi ke'nanga siagang tuli lanagappai ke'nanga wassele'na, sa'genna ana'-ana'na ke'nanga tena nalamate cipuru'.

AMOS 2:10

Le'ba' mako Kuerang assulu' battu ri Mesir, siagang Kururunganga allalo ri parang kassika patampulo taung sallona. Buttana tu Amori le'ba'mi Kupassareang mae ri kau a'jari pa'rasangannu.

AMOS 2:9

Mingka manna nakamma, he ummakKu, untu' ikaumi naKupanraki tu Amori tinggia kalenna rapang poko' camara siagang kassaka rapang poko' kayu terpentin.

PAMMILANGNGANG 13:28

Mingka pandudu'na anjo pa'rasanganga kassa'-kassa' ngasengi. Kota-kotana ke'nanga lompo-lompo ngasengi siagang ammakei tembo' kalli' pattahangngang. Nampa pole, anjo tau nacinika ikambe anjoreng sangkammai jari-jarina tau lompo tinggia tinggi.

MATIUS 23:13

Nakanamo pole Isa, “Cilaka ngaseng mako ikau guru-guru agamaya siagang tu Farisia, lanri nungaina assara-saraia. Ikau ngasemmi anrompai taua la'jari umma'Na Allata'ala. Ikau ngasenji tea a'jari umma'Na Allata'ala, nanurompai todong tau maraenga, eroka a'jari umma'Na Allata'ala. [

PAOLE 1:28

Jari apa matu-matunta mange anjoreng? Anjo tau nikiringa mange anjoreng napakamalla' maki' lanri nalaporo'na ke'nanga angkana anjo bansa niaka anjoreng la'bi kassakangngangi siagang la'bi baraniangngangi na ikatte, kammayatompa lalangi ke'nanga ammantang ri kota-kota nikallika tembo' kammaya langi' tinggina. Acciniki ke'nanga rassasa anjoreng!’