PAMMILANGNGANG 13:31 - KITTA' MATANGKASA'

³¹ Mingka nakana ngasemmo anjo sikamma tau naaganga Kaleb ammotere', “Tena, tena pakkulleta ambunduki ke'nanga. Anjo pandudu'na pa'rasanganga bella kassa'na na ikatte.”

PAMMILANGNGANG 13:31 ပူးပေါင်းရင်းမြစ်များ

PAMMILANGNGANG 13:30

Mingka Kaleb napakajarreki pa'mai'na tau akkunrarenga ri Musa. Nakana Kaleb, “Anjo pa'rasanganga musti nibunduki nampa nialle memang kamma-kamma anne, lanri nia' kagassinganta untu' ambetai.”

PAMMILANGNGANG 32:7

Angngapa nalanupa'jari malla' bansa Israel allimbangi Binanga Yordan siagang antama' ri pa'rasangang Napassareanga Batara mae ri ke'nanga?

PAMMILANGNGANG 32:9

Anrapi'mi ke'nanga sa'genna ri Ka'bung Lappara' Eskol siagang nacini'mi ke'nanga anjo buttaya. Mingka ri wattunna ammotere' ke'nanga, napakamalla'mi bansa Israel untu' antama' ri butta Napassareanga Batara mae ri ke'nanga.

PAOLE 1:28

Jari apa matu-matunta mange anjoreng? Anjo tau nikiringa mange anjoreng napakamalla' maki' lanri nalaporo'na ke'nanga angkana anjo bansa niaka anjoreng la'bi kassakangngangi siagang la'bi baraniangngangi na ikatte, kammayatompa lalangi ke'nanga ammantang ri kota-kota nikallika tembo' kammaya langi' tinggina. Acciniki ke'nanga rassasa anjoreng!’

PAOLE 9:1

“Pilangngeri sikamma sari'battangku ngaseng! Anne alloa a'limbangko untu' ampantamakki daerana bansa-bansa la'bi lompoanganga siagang la'bi kassakkangnganga naikau. Kota-kotana ke'nanga lompo-lompo ngasengi, siagang tinggi tembo' pattahanganna sanrapang tinggina langika.

IBRANI 3:19

Kamma-kamma anne nipahammi angkanaya takkulleai ke'nanga antama', lanri tenana natappa' ke'nanga mae ri Allata'ala.

YOSUA 14:8

Sikamma tau kuaganga a'lampa, napakamalla'-mallaki umma' Israel. Mingka inakke tuli majarreka' mannuruki ri Karaeng Allata'alaku.

1 SAMUEL 17:33

Appialimi Saul angkana, “Teako! Antekamma olona ikau lattanding siagang ia? Ikau rungka dudu ijako, nampa tenapa nubiasa a'bundu' battu ri rungkanu.”