PAMMILANGNGANG 13:17 - KITTA' MATANGKASA'

¹⁷ Ri wattunna nasuro Musa a'lampa ke'nanga, appasangi mae ri ke'nanga angkana, “A'jappa a'lampa warakko, mange ri bageang timboranna butta Kanaan, nampa turusko mange ri daera a'bontoa.

PAMMILANGNGANG 13:17 ပူးပေါင်းရင်းမြစ်များ

PA'JARIANG 12:9

Nampa napatulusu' pole jappana battu ri anjo tampaka mange ri tampa' maraengannaya, ri bageang timboranna butta Kanaan.

PA'JARIANG 13:1

Nabokoimi Abram Mesir nampa a'lampa wara', mange ri bageang timboranna Kanaan, a'lampa siagang bainenna kammayatompa sikamma barang-baranna. Namminawang todong Lot.

PA'JARIANG 13:17

Kamma-kamma anne, jappaimi anne sikontu pa'rasanganga, nasaba' laKupassareangi anne mae ri kau.”

PA'JARIANG 13:3

A'lampami mange-mange, battu ri se'reang tampa' mange ri tampa' maraengannaya, sa'genna mange ri Betel. Battu mange ri daera niaka ri alla'na Betel siagang Ai, ri tampa' karama', iamintu tampa' le'baka napakkemai pirangalloang,

PA'JARIANG 14:10

Anjo lapparaka rassi siagang bungung tere'. Na ri wattunna lari karaeng-karaeng battua ri Sodom siagang Gomora ambokoi anjo pa'bundukanga, tu'guru'mi ke'nanga naung ri anjo sikamma bungunga. Anjo tallua karaeng maraenga, lappasaki ke'nanga nampa lari nai' ri monconga.

PAMMILANGNGANG 13:18

Salidiki antekamma kaadaanna anjo pa'rasanganga, apaka jai pandudu'na yareka sike'de', apaka kassaki ke'nanga yareka lammai.

PAMMILANGNGANG 13:29

Tu Amalek ammantang ri bageang timboro'na anjo pa'rasanganga; tu Het, tu Yebus siagang tu Amori ammantang ri daera a'bontoa; nampa tu Kanaan ammantang ri daera sikontu biring tamparanga siagang sikontu birinna Binanga Yordan.”

PAMMILANGNGANG 14:40

Ammukona bari'basa' dudu, apparurumi ke'nanga ero' nai' ri coppo' buluka. Nakana ke'nanga, “Memang dorakami ikambe. Mingka kamma-kamma anne sadiami ikambe untu' a'lampa mange ri tampa' Najo'joka Batara.”

PAOLE 1:44

Nampa assulu'mo tu Amori niaka ammantang ri anjo daera monconga untu' angngewako. Anjo ke'nanga teai sipato' jaina, sanrapangi bania jaina. Naondang mako sa'genna mae ri Horma bellana, nampa nibetako ri ke'nanga ri daera moncong Edom.

YOSUA 10:40

Sikontu anjo pa'rasanganga nibeta ngasemmi ri Yosua. Nabetai anjo sikamma karaenga ri daera pa'monconganga, ri pungku'na bulu'-bulu' irayaya, ri bangkenna moncong-moncong bageang ilauka, kammayatompa ri parang-parang bageang timboroka. Tena manna sitau nalappassang attallasa'; nibuno kabusuki. Anjo kammaya situruki parenta battua ri Batara, Allata'alana Israel.

YOSUA 15:3

tulusu' timboro' allalo ri pungku'-pungku'na monconga ri Akrabim sa'genna mange ri Zin. Nampa allalo ri timboranna Kades-Barnea, tulusu' allalo ri Hezron, nai' ri Adar, nampa a'lekko mange ri Karka.

YOSUA 2:1

Nampa battu ri pakkemaanga ri Sitim, nasuromi Yosua rua mata-mata a'lampa mange ri Kanaan. Naparentakangi anjo ruaya tau untu' accokko-cokko ansalidiki Kanaan, lomoro' se'rea iamintu kota Yerikho. Jari a'lampami ke'nanga mange ri anjo kotaya, nampa a'bangngi ri se'reang balla' baine pagau' bawang, niarenga Rahab.

HAKING-HAKING 1:15

Appialimi Akhsa angkana, “Erokka' siapa are jaina timbuseng je'ne' nasaba' anjo tampa' napassareanga manggeku mae ri nakke, niaki ri daera kalotoroka buttana.” Jari nisaremi ri Kaleb timbuseng je'ne' niaka ri cappa' ratena binanga siagang timbuseng je'ne' niaka ri cappa' rawana binangaya.

HAKING-HAKING 1:9

Le'baki anjo a'lampami pole ke'nanga ambunduki tu Kanaan, ia ammantanga ri daera monconga siagang ri bulu'-buluka, kammayatompa nabunduki tommi tuniaka ammantang ri daera kalotoroka buttana ri timborangang,