PAMMILANGNGANG 12:9 - KITTA' MATANGKASA'

⁹ Teaimi sipato' larroNa Batara mae ri ke'nanga sipa'rua, nampa a'lampa.

PAMMILANGNGANG 12:9 ပူးပေါင်းရင်းမြစ်များ

PA'JARIANG 17:22

Le'baki akkana kamma, a'lampami Allata'ala ambokoi Abraham.

PA'JARIANG 18:33

Le'baki a'bicara Batara siagang Abraham, a'lampami Batara, nampa ammotere' tommo Abraham mae ri balla'na.

HOSEA 5:15

LaKubokoi ummakKu sa'genna sukku'mo pa'risi'na ke'nanga lanri dosa-dosana, nampa battu ke'nanga amboyA'. Nakulle kapang lalang ri kapa'risanna ke'nanga nalappattujuammo amboyA'.”

PAMMILANGNGANG 11:1

Ri se'reang allo appakkaramulami bansa Israel akkunrareng mae ri Batara passabakkang sikamma kasukkarranna ke'nanga. Nalangngere'na kunrarenna ke'nanga, larromi Batara siagang appabattumi pepe' mae ri ke'nanga. Anjo pepeka a'lemere'mi ri tangnga-tangngana ke'nanga na nakanre sa'genna ammutung sipa'gang pakkemaanna ke'nanga.

PAMMILANGNGANG 11:10

Nalangngereki Musa anjo tu Israel a'moro-moro, a'gompo-gompo ri dallekang pakke'bu' kemana ke'nanga. Nampa a'rinramo larroNa Batara napakamma, sa'genna si'na nasa'ring pa'mai'na Musa.