PAMMILANGNGANG 12:8 - KITTA' MATANGKASA'

⁸ Siagang iNakke a'bicarA' sidallekang siagang ia, a'nyatai siagang tena nasangkamma boto-botoang. Ba'lalo manna rupangKu le'ba'mi nacini'! Angngapa nubarani angngewai Musa, anjo atangKu?”

PAMMILANGNGANG 12:8 ပူးပေါင်းရင်းမြစ်များ

PA'JARIANG 32:30

Le'baki anjo nakanamo Yakub, “Le'ba'ma' assibuntulu' rupa siagang Allata'ala kunampa attallasa' ija.” Lanri kammana naaremmi anjo tampaka Pniel.

PAMMUJI 17:15

Mingka lamacconga' accini' mae ri Katte, lanri tena nakusala. Ri wattungku ambangung, kahaderanTa ampakarannui pa'maikku.

PAMMUJI 49:4

Lakupabattuangko kana-kana baji', pikkirang mailalang sikaliku.

KALAPPASSANG 19:19

Pila' sanna'mi lompona sa'ra tarompeka. A'bicarami Musa, nampa appiali Allata'ala siagang gunturu'.

KALAPPASSANG 20:4

Teako papparekkangi kalennu patung sanrapanga apa-apa niaka ri langi', ri butta, yareka lalang ri je'ne' irawanganna buttaya.

KALAPPASSANG 33:11

Assidallekammi a'bicara Batara siagang Musa, rapang tau a'bicaraya siagang aganna. Le'baki anjo ammotere'mi Musa mae ri pakkemaanga. Mingka Yosua ana'na Nun, turungka pambantuna Musa, tuli ammantanna lalang ri anjo Kemaya.

KALAPPASSANG 33:19

Appialimi Batara angkana, “LanumaloA' siagang sikontu kala'birangKu ri dallekannu, nampa Kupau areng matangkasakKu. INakkemi Batara, siagang laKupappicinikangi kalammoranna pa'maikKu siagang pangngamaseangKu mae ri sikamma tau le'baka Kupile.

KALAPPASSANG 33:23

Nampa laKubeso' limangKu sollanna akkulleA' nucini' battu ri boko, mingka rupangKu takkulleai lanucini'.”

KALAPPASSANG 34:30

Harun siagang sikontu ra'yaka naciniki angkanaya accayai rupanna Musa, siagang malla'mi ke'nanga anreppesi Musa.

PANGNGEBARANG 1:6

Lanri kammana nakkullemo naselangngi apa battuang taccokkona anjo pappakaingaka siagang napahang kana-kananna tau cara'deka kammayatompa sikamma passala' napakkuta'nangnganga ke'nanga.

YESAYA 40:18

Jari inai lanupasinrapangangi Allata'ala? Inai nukana Naagang sangkamma?

YESAYA 46:5

Inai lanupasinrapangangA'? Niakka akkulle nipasangkammangA'?

YEHEZKIEL 17:2

Kupabattua, iNakke Batara Kaminang Tinggia angkana: Nia' sikayu jangang-jangang rajawali sannaka lompona, ga'ga bulunna, siagang la'baki nakassa' ka'nyi'na. Anri'baki mange ri Moncong Libanon, annepo' cappa' poko' kayu camara,

YEHEZKIEL 20:49

Mingka iNakke, Yehezkiel, tena kusituju nakukana, “O Batara Kaminang Tinggia, teaKi' suroia' ampaui anjo kammaya! Sikontuna taua akkunrareng ngasemmi nasaba' le'ba'ma' a'bicara lalang pangngebarang, sa'genna sukkara' nipahang.”

HOSEA 12:13

Nampa lari Yakub, iamintu boe-boeta, mange ri Mesopotamia; siagang napa'jari atami kalenna a'jari pakalawaki gimbala' untu' anggappa baine battu ri ana'na anjo patannaya gimbala'.

PAMMILANGNGANG 14:14

siagang lanacaritai ke'nanga mae ri sikamma tau niaka anrinni angkanaya iKatte, Batara, anrurungangi ikambe. Le'ba' tommi nalangngere' ke'nanga angkanaya Kipappicinikangi KalenTa mae ri kambe ri wattunTa a'jappa ri dallekanna ikambe lalang ri benteng rammanga punna allo, siagang lalang ri benteng pepeka punna bangngi.

PAMMILANGNGANG 7:89

Sampang antamaki Musa ri KemaNa Batara untu' a'bicara siagang Batara, nalangngere'mi sa'ranNa Batara a'bicara mae ri ia battu rate ri pa'rangka'na Patti Parjanjianga ri alla'na anjo ruaya patung malaeka' akka'nyi'.

MATIUS 13:35

Lanri kammana, a'rupami apa le'baka napau na'bia angkana, “PungKu a'bicara ri ke'nanga pangngebarang Kupake Kupakasingara' ngasengi mae ri ke'nanga apa-apa taccokkoa battu ri uru kajarianna anne linoa.”

LUKAS 10:16

Nampa Nakana Isa mae ri ana'-ana' gurunNa, “Inai-nai ampilangngeri kanannu, iNakke mintu napilangngeri. Inai-nai ansorongbokoko, iNakke mintu nasorongboko. Na inai-nai ansorongbokoA', nasorongboko tommi Allata'ala assuroA'.”

YOHANES 1:18

Tenanniakka le'ba' anciniki Allata'ala, pantaranganna Ana' sitau-tauNa Manggea, sangkammaya siagang Manggea, na majarreka ri KalenNa. Iami ampa'nyatai Manggea ri Katte.

YOHANES 15:15

Tenamo naKukio' atako nasaba' se'rea ata tanaassengai apa nagaukanga karaenna. Kukio' sari'battang mako, nasaba' sikontu apa Kulangngereka battu ri Manggea Kupabattui mae ri kau.

YOHANES 15:24

Ebara' angkana tenapa naKugaukangi apa-apa takkullea nagaukang tau maraenga ri tangnga-tangngana ke'nanga, tenaja nadoraka ke'nanga. Mingka kamma-kamma anne nacini'mi ke'nanga apa Kugaukanga, nanakabirisi ijA' siagang Manggea.

1 KORINTUS 13:12

Anne apa nicinika ri kamma-kammaya anne, sanrapangi apa-apa nicinika lalang ri carammeng tenaya natangkasa'. Mingka sallang, lasingara' ngasengi nicini'na. Kamma-kamma anne tenapa kuasseng ngasengi apa-apaya; mingka sallang lasukkuki kuassenna, sangkamma sukku' Naassengku Allata'ala.

2 KORINTUS 3:18

Kamma-kamma anne tenamo nanitongkoki bongong rupanta. Sanrapang maki' tau angngeranga caya malompoNa Batara Isa. Na lanri kammana minjo nakituli pila' nipinramo a'jari sangkamma KalenNa; pila' sallo pila' accaya maki'. Anjo caya malompoa, caya battu ri RohNa Batara.

PAOLE 18:15

Kabalekanna lakkiringi tau battu ri bansata tonji sitau na'bi kammaya anne inakke battu mae ri kau, siagang musti mannurukiko mae ri ia.

PAOLE 34:10

Ri Israel tenamo na'bi sangkamma Musa a'bicaraya sidallekang rupa siagang Batara.

PAOLE 4:15

“U'rangi baji'-baji'! Ri wattunna a'bicara Batara mae ri kau lalang pepe' ri Moncong Sinai, tena apa-apa nucini'.

PAOLE 5:8

Teako appareki patung sangkammaya apa-apa ri langika, ri buttaya yareka lalang ri je'neka irawanganna buttaya.

KOLOSE 1:15

Iaminjo Almasi rupa ma'nyataNa Allata'ala tenaya nakacinikang; iaminjo Almasi ana' bungasa', mala'bianganga na sikontu apa-apa nipa'niaka.

1 TESALONIKA 4:8

Lanri kammana, inai-nai taeroka antarimai anne pangngajaranga, teai rupataua tanatarimaya, passangalinna Allata'ala ampassareangai Roh matangkasa'Na mae ri kau ngaseng.

1 TIMOTIUS 6:16

Iaji bawang takkullea nikoasai ri kamateanga; Iami ammantang lalang ri singara' tenaya nakkulle nireppesi ri manna pole inai. Tena manna sitau le'ba' anciniki, yareka akkulle anciniki. Untu' Iami kala'biranga siagang kakoasanga sa'genna satunggu-tungguna! Aming!

IBRANI 1:1

Ri jammang riolo, a'mole-molemi a'bicara Allata'ala mae ri boe-boeta. A'bicarami tete ri na'bi-na'bia, siagang a'rupa-rupami cara Napake a'bicara.

IBRANI 1:3

Iami ampaccayai lalang ri KalenNa singara' kalompoanNa Allata'ala; Iami rupa ma'nyataNa battu ri KalenNa Allata'ala. Iatommi angkatutui kajarrekanna anne linoa, siagang sanna' makoasana kana Napaua. Ri le'ba'namo Nasare oloang rupataua untu' nilappassang battu ri dosa-dosana, mangemi ammempo ri empoang kala'biranNa ri suruga, ammarenta siagang Allata'ala, anna'galaka koasa kaminang tinggi.

2 PETRUS 2:10

la'biangang sikamma tau anturukiai kaerokang kalenna sannaka ra'masa'na siagang anghinayai kakoasanNa Allata'ala. Antekamma baranina siagang tampona anjo guru-guru takontutojenga, sa'genna manna apa attallasa' mala'birika ri suruga tamangngalika tongi ke'nanga anghinai!

YUDAS 1:8

Kammatommi anjo tau a'rupa-rupa dudua nanawa-nawa, sa'genna a'gau' dosamo ri batangkalenna tonji ke'nanga. Nacini' rawai kakoasanNa Allata'ala siagang nahinai sikamma apa-apa attallasaka siagang mala'birika ri suruga.