PAMMILANGNGANG 12:7 - KITTA' MATANGKASA'

⁷ Mingka tena nakamma anjo mae ri atangKu Musa. Iami tau majarre' pa'maika ri alla'na ummakKu.

PAMMILANGNGANG 12:7 ပူးပေါင်းရင်းမြစ်များ

AYUB 1:8

Nakanamo Batara, “Apaka nuparhatikangi atangKu Ayub? Ri sikontu linoa, tena tau sangkammanna baji' pa'mai' siagang majarre'na tappa'na. Anynyombai mae ri Nakke, siagang tena sikali na'gau' kodi.”

PAMMUJI 105:26

Nampa Nasuro Musa atanNa siagang Harun tunipileNa.

KALAPPASSANG 33:11

Assidallekammi a'bicara Batara siagang Musa, rapang tau a'bicaraya siagang aganna. Le'baki anjo ammotere'mi Musa mae ri pakkemaanga. Mingka Yosua ana'na Nun, turungka pambantuna Musa, tuli ammantanna lalang ri anjo Kemaya.

MATIUS 11:11

U'rangi laloi anne! Tenanniakka tau le'ba' nia' ri lino lompoanganga na Yohanes Paje'ne'. Mingka manna nakamma mamo, inai-nai kaminang tuna ri umma'Na Allata'ala, lalompoangangi na Yohanes.

MATIUS 11:9

Jari angngapa nu'lampa mange ri parang lompoa? Erokko mange accini' na'bi? Annabai, ba'lalo la'biangampa na na'bia.

LAMPA-LAMPANA 7:31

Lannasa'mi Musa anciniki anjo apa kajarianga. A'reppese'mi mange anjoreng ero' angngassengi anjo apa kajarianga. Nampa nia'mo nalangngere' sa'ranNa Batara angkana,

1 KORINTUS 4:2

Uru-uruna nituntu' ri anjo palayang kammaya iamintu tamalanrea mae ri karaenna.

PAOLE 18:18

Battu ri bansana tonji ke'nanga laKukiring sitau na'bi sangkammaya ikau mae ri ke'nanga. LaKupaui mae ri ia apa mustia napau, nampa napabattu mae ri anjo bansaya sikontu apa Kuparentakanga.

PAOLE 34:5

Nampa matemo Musa, anjo atanNa Batara, ri butta Moab, sangkamma le'baka Napau riolo Batara.

1 TIMOTIUS 3:15

sollanna punna tenapa nakulinta' battu, nuasseng memammi angkana antekamma bateta musti attallasa' salaku ana'-ana'Na Allata'ala, iamintu jama'aNa Allata'ala mattallasaka. Iaminne jama'aka a'jari sanrapang benteng panjarrekinna siagang pattumpa'na katojengang battua ri Allata'ala.

YOSUA 1:1

Ri matenamo Musa, iamintu atanNa Batara, a'bicarami Batara mae ri wakkele'na Musa, iamintu Yosua ana'na Nun.

YOSUA 1:2

Nakana Batara, “Matemi atangKu Musa. Jari baji'mi punna apparuru mako siagang sikontu umma' Israel kamma-kamma anne, untu' a'limbang ri Binanga Yordan, siagang ampantamakki pa'rasangang Kupassareanga mae ri ke'nanga.