PAMMILANGNGANG 12:6 - KITTA' MATANGKASA'

⁶ na Nakanamo Batara, “Pilangngeri anne kana-kanangKu! Punna nia' battu ri kalase'rennu a'jari na'bi, Kupa'nyatai KalengKu mae ri ia lalang ri paccini'na siagang a'bicarA' siagang ia lalang so'na.

PAMMILANGNGANG 12:6 ပူးပေါင်းရင်းမြစ်များ

PA'JARIANG 15:1

Le'baki anjo, anggappami Abram pappiso'na siagang nalangngere'mi Batara angkana ri kalenna, “Teako mallakki Abram. LaKujagaiko battu ri balaya, siagang laKusareko pahala lompo.”

PA'JARIANG 20:7

Mingka kamma-kamma anne poterangi mae ri bura'nenna. Na'bi bura'nenna antu bainea, na lanapappala' doangangko sollanna tena numate. Mingka punna tena nanupoterangi, u'rangi angkanaya ikau siagang sikontu ra'ya'nu lamate ngasengko!”

PA'JARIANG 28:12

Nampa asso'namo lalang tinrona. Nia' nacini' tuka' ammenteng ri buttaya nampa cappa'na ta'rapiki ri langika. Siagang nia'mo malaeka' nai'-naung ri anjo tukaka.

PA'JARIANG 28:16

Ambangummi Yakub battu ri tinrona nampa nakana, “Niaki Batara anrinni, ri tampaka. Mingka nampami kuasseng kamma-kamma anne.”

PA'JARIANG 37:5

Ri se'reang bangngi asso'nami Yusuf. Na ri wattunna nacarita anjo so'nana mae ri sikamma daenna, pila' birisi'mi ke'nanga mae ri ia.

PA'JARIANG 37:9

Nampa asso'namo pole Yusuf, siagang nacaritami pole mae ri sikamma daenna angkana, “Asso'nama' pole. Kuciniki mataalloa, bulanga siagang sampulo asse're bintoeng su'ju' mae ri nakke.”

PA'JARIANG 46:2

Ri se'reang bangngi, lalang se're paccini', Nakanamo Allata'ala ri ia, “Yakub, Yakub!” Appialimi angkana, “Iye', Batara.”

2 SAMUEL 7:4

Mingka ri anjo bangngia Nakana Batara ri Natan,

1 KARAENG-KARAENG 3:15

Ambangunnamo Salomo, nasadarimi angkanaya le'baki a'bicara Allata'ala mae ri ia lalang so'na. Jari ammotere'mi mange ri Yerusalem nampa ammenteng ri dallekanna Patti ParjanjianNa Batara, siagang assaremi koro'bang nitunu kammayatompa koro'bang pappasiamakkang. Nampa appare'mo passua'-suarrang untu' sikontu pagawena.

1 KARAENG-KARAENG 3:5

Anjo bangngia napappicinikangi KalenNa Batara mae ri ia lalang so'na siagang nakana, “Salomo, pala'mi apa nukaerokia, nampa Kusareangko anjo apa nupalaka!”

AYUB 33:15

Kamanna nyamang tinrona taua ri wattu bangngia, A'bicarai Allata'ala lalang so'na siagang paccini'.

AYUB 4:13

Naricui tinroku na kunaganggu, sanrapang asso'na kodi ri lantang bangngia.

PAMMUJI 105:15

“Teako ganggui tunipileKu, teako a'gau' ja'dalli mae ri na'bi-na'biKu!”

PAMMUJI 89:19

Saba' tuma'jagana ikambe iamintu tunipileTa, o, Batara; karaenna ikambe iamintu Allata'ala Matangkasa'na Israel pata.

KALAPPASSANG 7:1

Nakanamo Batara ri Musa, “LaKupa'jariko sanrapang Allata'ala ri dallekanna karaenga, siagang sari'battannu Harun la'bicara mae ri ia salaku na'binu.

YEREMIA 23:25

Sikontu anjo apa napaua na'bi-na'bia Kuassemmi. ArengKu napake ke'nanga a'balle-balle angkanaya natarimai pasangKu ke'nanga lalang so'na.

YEREMIA 23:28

Na'bi asso'naya musti angkanai, ‘Anne poro so'naji bawang.’ Mingka na'bi anggappaya pasang battu ri Nakke musti napabattui anjo pasanga siagang sitojennaya. Gandunga takkulleai nipasangkamma rarame.

YEHEZKIEL 1:1

Ri tanggala' lima bulang appa' taung makatallumpulo, lalang taung makalima baku' niengka'na Karaeng Yoyakhin mange ri butta pammelakkanga, inakke, Imang Yehezkiel ana'na Busi, niakka' ri birinna Binanga Kebar ri Babel siagang ngaseng tu Yahudi maraeng nipelaka. Ti'ring tassungkei langika nampa anggappama' paccini' ri sesena Allata'ala. Kulangngereki Batara a'bicara mae ri nakke, siagang kukasiaki antekamma kagassingang koasaNa.

DANIEL 10:8

Nabokoia' anjoreng kale-kalengku, amparhatikangi anjo paccini' appata'bangkaya. Tenamo kusa'ring kagassingangku siagang pi'lasa' sikalimi rupangku.

DANIEL 2:19

Anjo memang bangngia Napaumi Allata'ala rahasiana anjo so'naya mae ri Daniel lalang se're paccini'. Jari mammujimi Daniel mae ri Allata'ala niaka ri suruga,

DANIEL 7:1

Ri se'reang bangngi, ri taung makase're Belsyazar a'jari karaeng ri Babel, inakke, Daniel, asso'na' siagang anggappa' paccini'. Anjo so'naya kucataki siagang anjo apa kucinika kamma minne caritana: Anging sarroa ammiriki battu kere-keremae, sa'genna appabattu bombang lompo ri tamparang lompoa.

DANIEL 8:2

Lalang anjo paccinikku, kuciniki kalengku nia' ri propinsi Elam, ri Susan, ibukotana Persia. Ammentenga' ri ampi'na Binanga Ulai;

HOSEA 12:11

Le'ba'Ma' a'bicara mae ri na'bi-na'bia, siagang jaimi pappiso'na le'ba' Kupicinikiangi ke'nanga. Tete ri ke'nanga Kupaumi sikamma rancanaKu untu' ikau ngaseng, ummakKu,

YO"EL 3:1

Nakana Batara, “Anjo wattua laKupoterangi kacopponganna Yerusalem siagang Yehuda.

ZAKHARIA 1:8

kuciniki malaeka'Na Batara a'dongko' sikayu jarang eja. Ammantangi ri se'reang ka'bung lappara' ri alla'na poko'-poko' kayu mura'. Ri bokona nia' pirangkayu are jarang maraengannaya ammenteng, nia' eja tanja'na, nia' lango-lango siagang nia' todong kebo'.

PAMMILANGNGANG 24:4

le'baka allangngereki kana-kananNa Allata'ala siagang ancinikai apa Napappicinikanga Kaminang Koasaya, anra'bai, mingka tassungkei matanna.

MATIUS 1:20

Mingka lalang nanawa-nawana Yusuf eroka a'lampa, asso'nami ri wattunna tinro. Lalang asso'nana, nia'mo nacini' sitau malaeka'Na Batara battu mae ri ia angkana, “E, Yusuf, sossoranna Daud, teako mallakki a'nikka siagang Maria; nasaba' anjo ana' natiananganga, pa'jari battu ri gau' makoasaNa RohNa Allata'ala.

MATIUS 2:19

Ri wattunna matemo Herodes, ri nia'na ija Yusuf siagang anjo Anaka siagang amma'Na ri butta Mesir, nia'mi pole malaeka'Na Batara battu ampappicinikangi kalenna lalang so'na ri Yusuf.

MATIUS 23:31

Jari numangakuimi angkanaya sossoranna ngasengko tau ambunoai na'bi-na'bia!

MATIUS 23:34

Pilangngerimi baji'-baji': LaKusuroi battu ri kau na'bi-na'bia, tu cara'deka, siagang guru-gurua; na nia'mo ri ke'nanga nubuno, nia' tommo nusalli'. Nia' nusessa lalang ri balla' sambayanga, na nia' tommo nuondang mange-mange ri kota-kotaya.

MATIUS 23:37

“O Yerusalem, O Yerusalem! Kau ambunoi na'bi-na'bia. Nusambilai batu sikamma tunisuroNa Allata'ala sa'genna mate. A'mole-moleMa' ero' anraka' ngasengko sanrapang anrong janganga ancokkoi ana'-ana'na irawangang ka'nyi'na. Mingka tena ngaseng nuero'!

MATIUS 27:19

Ri wattunna ammempo Pilatus anjoreng ri kantoro' pangadelanga nia'mi battu pappasanna bainenna angkana, “Tea' laloko pantama'-tamakki kara-karana antu tau tenaya salana. Nasaba' lanri Iami nakunggappa so'na appakamalla'-malla' dudua, anne alloa.”

LUKAS 1:11

Anjo wattua battumi malaeka'Na Allata'ala ampappicinikangi kalenna mae ri Zakharia. Ammentemmi anjo malaekaka ri sa'ri kananna mejang pa'dongkokanna kamanynyang nitunua.

LUKAS 1:22

Na ri wattunna assulu'mo Zakharia, takkulleami a'bicara ri ke'nanga. Limanna mami tuli napagio' punna ero' a'bicara, nasaba' a'jari pepemi. Jari naassemmi taua angkana nia'mo apa-apa nacini' lalang ri Balla'Na Batara.

LUKAS 20:6

Mingka punna nikana, ‘Pangngellai battu ri rupataua,’ ma'nassa lanasambilaki' taua batu, lanri tappa' ngasengi ke'nanga angkanaya na'bi anjo Yohanes.”

LAMPA-LAMPANA 10:11

Tassungkei nacini' langika, nampa nia' nacini' kaeng la'ba' nioloro' naung ri linoa, ta'gentung ri appaka panynyingkulu'.

LAMPA-LAMPANA 10:17

Lippumi nawa-nawana Petrus ampikkiriki angkana apa battuanna anjo pappiso'naya. Lalang appikkiri'na Petrus, nibuntulu'mi balla'na Simon ri anjo tunisuroa ri Kornelius. Nia'mi ke'nanga ri dallekanna pakke'buka.

EFESUS 4:11

Iami “assarei sikamma passarea mae ri rupataua”; nia' Nasare pangngellai a'jari tunisuro, na maraenganga Nasare pangngellai a'jari na'bi; maraengannaya pole Nasarei pangngellai a'jari paerang Kabara' Baji'; na maraengannaya pole Nasarei pangngellai a'jari tummarakai jama'ah siagang a'jari guru.

PAOLE 18:15

Kabalekanna lakkiringi tau battu ri bansata tonji sitau na'bi kammaya anne inakke battu mae ri kau, siagang musti mannurukiko mae ri ia.

PAOLE 18:18

Battu ri bansana tonji ke'nanga laKukiring sitau na'bi sangkammaya ikau mae ri ke'nanga. LaKupaui mae ri ia apa mustia napau, nampa napabattu mae ri anjo bansaya sikontu apa Kuparentakanga.

IBRANI 1:1

Ri jammang riolo, a'mole-molemi a'bicara Allata'ala mae ri boe-boeta. A'bicarami tete ri na'bi-na'bia, siagang a'rupa-rupami cara Napake a'bicara.

PAPPICINI' 11:10

Lamarannui tuma'buttaya ri lino lanri matena anjo ruaya sa'bi. Lassua'-suaraki ke'nanga siagang massing lasikiringi ke'nanga hadia, lanri iaminjo ruaya na'bi le'ba' angngerang passessa mae ri sikontu rupataua ri lino.

PAPPICINI' 11:3

LaKusuroi rua sa'bingKu ammakeang tau kamateanga, na lanapa'la'bang biritta battua ri Allata'ala 1260 allo sallona.”

1 SAMUEL 28:6

Nampa appala'mo pitunju' mae ri Batara, mingka tena nipiali ri Batara, baji' lalang so'na, baji' lalang ammake Urim siagang Tumim yareka tete ri sikamma na'bia.

1 SAMUEL 3:15

Le'baki anjo attinromi pole Samuel. Na ri wattu bari'basa'na ambangummi siagang nasungkemi sikamma pakke'bu' Balla'Na Batara. Mallaki ampauangi Eli anjo apa le'baka nacini'.