PAMMILANGNGANG 12:1 - KITTA' MATANGKASA'

¹ Angngallemi Musa se're tubaine Kus nampa nabaineang; iaminjo napa'jari alasang Miryam siagang Harun untu' ancallai Musa.

PAMMILANGNGANG 12:1 ပူးပေါင်းရင်းမြစ်များ

PA'JARIANG 24:3

Assumpamako lanri Batara, Allata'ala makoasaya ri langika siagang ri buttaya, angkanaya tena nalanupa'boyang baine anakku Ishak battu ri alla'na anne sikamma tu Kanaan.

PA'JARIANG 24:37

Nasuroma' a'janji siagang assumpa sollanna kuturuki parentana. Nakana, ‘Teako ammilei baine untu' anakku battu ri alla'na sikamma tulolo niaka anrinni ri butta Kanaan,

PA'JARIANG 27:46

Nakanamo Ribka ri Ishak, “Lanrema' siagang birisi'ma' anciniki anjo sikamma bainenna Esau battua ri bansa maraeng. Punna a'bunting todong Yakub siagang tulolo battua ri bansa Het, bajikangngang mate mama'.”

PA'JARIANG 41:45

Nampa nisaremo areng Mesir ri karaenga anjo Yusuf, iamintu niarengi Zafnat-Paaneah. Nisare tommi sitau baine niarenga Asnat, ana'na Potifera, a'jari imanga ri kota Heliopolis. Umuru'na Yusuf tallumpulo taung ri wattunna appakkaramula anjama untu' karaeng Mesir. Jari a'lampami Yusuf battu ri balla' kakaraenganga mange angkulilingi najappai sikontu pa'rasanganga.

KALAPPASSANG 2:21

Ero'mi Musa ammantang anjoreng. Nampa napa'bunting Yitro ana'na niarenga Zipora siagang Musa.

KALAPPASSANG 34:16

Punna a'bunting ana'-ana'nu siagang bai'-baine bansa maraeng, laninyonyoki ke'nanga ri anjo bai'-bainea untu' ambokoiA' nampa anynyomba ri rewata-rewatana ke'nanga.

PAMMILANGNGANG 14:22

angkanaya manna sitau anne sikamma taua tena lattallasa' untu' antama' ri pa'rasangang le'baka Kupa'janjiang mae ri boe-boena ke'nanga. Nasaba' taerokai ke'nanga mannuruki mae ri Nakke, siagang tulusu' ero'na ke'nanga ampaccoba-cobaiA'. Nampa le'ba'mi nacini' ke'nanga sioro'na cayaKu, siagang gau'-gau' malompo Kugaukanga ri Mesir siagang ri parang lompoa.

PAMMILANGNGANG 26:59

Amram a'buntingi siagang Yokhebed, ana'na Lewi. Yokhebed anjorengi ri Mesir lassu'. Amram siagang Yokhebed nia' rua ana'na bura'ne, iamintu: Harun siagang Musa, kammayatompa sitau baine, iamintu Miryam.

MATIUS 10:36

Jari tau lalang ballaka tonji sallang la'jari bali lompo.

MATIUS 12:48

Appialimi Isa Nakana, “Inaika ammakKu? Siagang inaika sari'battangKu?”

YOHANES 15:20

U'rangi apa le'baka Kupau mae ri kau, angkanaya, ‘Tena nalompoangang se'rea ata na karaenna.’ Punna iNakke nasessaMa' ke'nanga, lanasessa ngaseng tommako ke'nanga. Punna naturuki ke'nanga ajarangKu, lanaturuki tongi ke'nanga ajarannu.

YOHANES 7:5

Nasaba' manna sari'battang KalenNa ngaseng tena natappa' ri Ia.)

GALATIA 4:16

Maka nucini' kammama' musu ri kamma-kammaya anne, lanri kupa'nassana apa tojenga mae ri kau?