PAMMILANGNGANG 11:25 - KITTA' MATANGKASA'

²⁵ Nampa naummo Batara lalang ri rammanga siagang A'bicarami mae ri Musa. Naallemi Batara sipa'gang anjo koasa Napassareanga mae ri Musa nampa Napassareang mae ri anjo tujupuloa pamimping. Anjo wattua naummi RohNa Batara mae ri ke'nanga. Nappakkaramulamo ke'nanga a'gora sangkamma na'bi, mingka tena nasallo.

PAMMILANGNGANG 11:25 ပူးပေါင်းရင်းမြစ်များ

2 KARAENG-KARAENG 2:15

Anjo limampuloa na'bi naciniki anjo apa kajarianga, nampa nakana ke'nanga, “A'lette'mi koasana Elia mae ri Elisa!” Battumi ke'nanga mange ri Elisa nampa su'ju' ke'nanga ri dallekanna

NEHEMIA 9:20

Lalang koasa mabajitTa Kiajara' ke'nanga. Angnganrei manna siagang angnginung ke'nanga siganna'na.

PAMMUJI 99:7

Battu ri benteng rammanga Na'bicara mae ri ke'nanga, mannuruki ke'nanga ri sikontu hukkunTa siagang parentaTa.

KALAPPASSANG 32:32

Poro Kipammopporang laloi dosana ke'nanga; punna tena, lu'lu'mi arengku battu kitta'na sikamma tau attallasaka.”

KALAPPASSANG 34:5

Na naummo Batara lalang ri rammanga; ammentengi siagang Musa ri anjo tampaka, nampa Napau areng matangkasa'Na, iamintu Batara.

KALAPPASSANG 40:38

Lalang a'la'ba'na a'jappa bansa Israel, tuli niaki Batara ri anjo Kemaya, a'rupa rammang punna allo siagang a'rupa pepe' punna bangngi.

YESAYA 63:11

Nampa angngu'rangimo ke'nanga ri rewasa' allaloa, ri jammanna Musa, atanNa Batara. Akkuta'nangi ke'nanga angkana, “Kemae Batara, anrurungangai sikamma pamimpinna umma'Na allalo ri tamparanga? Kemae Batara ampassareangai koasaNa mae ri ke'nanga?

YEHEZKIEL 8:11

Tujupulo pamimping tu Israel nia' anjoreng, kammayami Yaazanya ana'na Safan. Massing anna'galaki ke'nanga se're pa'dupang a'rumbua umbunna.

PAMMILANGNGANG 11:17

LanaungA' siagang la'bicara siagang ikau anjoreng ri tampaka, nampa anjo koasa Kupassareanga ri kau, laKupassareangi sipa'gang mae ri ke'nanga. Jari akkullei ke'nanga ambantuko ampisangi tanggong jawaka mae ri anne bansaya, sa'genna tenamo nakale-kalennu ampisangi.

PAMMILANGNGANG 12:5

siagang naummi Batara lalang ri benteng rammanga. Ammentengi Batara ri pakke'bu' KemaNa siagang Nakio'mi Harun siagang Miryam. Majumi mange ri dallekang anjo tau ruaya,

PAMMILANGNGANG 16:25

Nampa a'lampamo Musa nirurungang ri sikamma pamimping Israel mange ri tampa'na Datan siagang Abiram.

PAMMILANGNGANG 24:2

na nacini' bansa Israel sitabang akkema a'gompo-gompo situru' massing suku-suku bansana. Nampa nikoasaimo Bileam ri RohNa Allata'ala,

PAMMILANGNGANG 27:18

Nakanamo Batara mae ri Musa, “Kioki Yosua, ana'na Nun. Anjo taua cara'deki. Padongkoki limannu irate ri tompo' ulunna.

LAMPA-LAMPANA 11:28

Kalase'renna ke'nanga niarengi Agabus. Lanri pangngajara'Na RohNa Allata'ala, natappu riolomi angkanaya lakajariangi sallang ri sikontu linoa kacipurang lompoa. (Na anjo napakkanaya kajariang tojemmi ri wattunna Karaeng Klaudius ammarenta.)

1 KORINTUS 14:32

Anjo passare battua ri RohNa Allata'ala untu' ampabattui biritta battua ri Allata'ala, akkullei niatoro' baji' ri anjo tau ampabattuai.

YAKOBUS 1:17

Sikontu passare bajika siagang hadia sukkuka, sangnging battu ngaseng ri suruga, nipaturunga ri Allata'ala, ampa'jariai sikontu apa-apa singaraka ri langika. Iami Allata'ala tamamminraya, tenaya Nammoli' bayang-bayang lanri pamminroanna apa-apaya.

2 PETRUS 1:21

Nasaba' tale'bakai nia' tau angkana battu ri ero' kalenna nakkulle napabattu biritta battua ri Allata'ala ri passala'na anjo apa-apa lakajarianga. Yangasenna anjo taua nikoasai ri Roh KalenNa Allata'ala ri wattunna Napabattu anjo biritta battua ri Allata'ala.

HAKING-HAKING 3:10

Anjo Otniel nipimpingi ri RohNa Batara sa'genna a'jarimo pamimping mae ri umma' Israel. A'lampami mange a'bundu'. Na nisaremo pakkulle sa'genna nabeta anjo karaeng battua ri Mesopotamia.

1 SAMUEL 10:10

Ri wattunna battu Saul siagang palayanna mange ri Gibea, assibuntulu'mi ke'nanga siagang sipa'rappungang na'bi. Anjo memang wattua nikoasaimi Saul ri RohNa Allata'ala, namminawang tommo a'joge' siagang akkiok-kio' siagang ngaseng anjo na'bi-na'bia.