PAMMILANGNGANG 11:20 - KITTA' MATANGKASA'

²⁰ mingka sibulangi lanukanre turus, sa'gennu a'jari garring siagang ta'langnge-langnge napakamma. Kammaminjo kajarianna lanri nutolla'na Batara niaka ri tangnga-tangnganu. Kammayatompa lanri angngarru'nu siagang akkunrarennu ri dallekanNa angkanaya nubokoimi Mesir.”

PAMMILANGNGANG 11:20 ပူးပေါင်းရင်းမြစ်များ

2 SAMUEL 12:10

Lanri tena numappilangngeri ri Nakke siagang lanri nuallena bainenna Uria, jari lalang tunggala' jari-jarinu tuli lania' lamate nibuno.

PAMMUJI 106:15

Nasarei apa napalaka ke'nanga, mingka Napitujui tongi ke'nanga garring.

KALAPPASSANG 16:13

Ri wattunna karueng battumi jangang-jangang puroa sa'genna sanna' jaina na natongko' sikontu pakkemaanna ke'nanga, siagang punna bari'basa' naummi saliuka ri tammulilina pakkemaanga.

KALAPPASSANG 16:3

Nakana ke'nanga, “Bajikangngangi ebara' angkana matemi ikambe nibuno ri Batara ri butta Mesir. Anjoreng kaminang sike'de'na akkullei ikambe ammempo angnganre dageng siagang roti sa'genna bassoro' ikambe. Mingka ikau sipa'rua nuerangi ikambe mae anrinni sollanna mate cipuru' ngaseng ikambe anrinni.”

KALAPPASSANG 16:8

LaNasareko Batara dageng punna karueng, siagang roti punna bari'basa' sa'gennu bassoro', lanri Nalangngere'mi Batara angkana a'larro-larro ngasengko ri Ia. Sitojenna punna a'larro-larroko mae ri kambe, Batara nukalarroi.”

PANGNGEBARANG 27:7

Punna bassoro' taua, manna bania nitolla' ngasengi; punna cipuruki taua, manna paika nyamang ngaseng kasia'na.

MALEAKHI 1:6

Nakana Batara Kaminang Koasaya mae ri sikamma imanga, “Se'rea ana' napakalompoi manggena, siagang se'rea palayang napakalompoi karaenna. INakke anne Manggenu ngaseng; mingka apa saba'na natena nupakalompoA'? INakke anne pinggawanu; mingka angngapa natena numalla' mae ri Nakke. Nuhina-hinaiA', mingka akkuta'nangko angkana, ‘Antekamma batena ikambe anghinaKi?’

PAMMILANGNGANG 11:13

Kicini'mi, antekamma tulusu' akkunrarenna ke'nanga appala' dageng. Nampa kemae musti kupa'boyang dageng tau sikammaya anjo jaina?

PAMMILANGNGANG 11:19

Tena nasialloja yareka ruangallo bawang lanukanre, yareka limang allo yareka sampulo allo, ba'lalo tena naruampulo allo bawang,

PAMMILANGNGANG 11:21

Nampa nakanamo Musa mae ri Batara, “Anne bansa kupimpinga nia' 600.000 tau jaina. Antekamma batena naKikana laKisarei ke'nanga dageng siganna'na lalang sibulang sallona?

PAMMILANGNGANG 14:3

Untu' apa naNaerangki' Batara mange anjoreng ri pa'rasanganga? Mateki' sallang lalang pa'bundukanga nampa nijakkala' sikamma bainenta siagang ana'-anatta. Sai bajikangngangi ammotereka mange ri Mesir!”

PAMMILANGNGANG 14:4

Nampa massing angkanamo para ia ke'nanga, “Umba kimmile sitau pamimping nampa ammoterekki' mange ri Mesir!”

PAMMILANGNGANG 16:13

Maka tagannakkapi nueranna ikambe assulu' battu ri butta Mesir copponga untu' ambunoi ikambe anrinni ri parang lompoa? Apaka musti ammarenta tongko mae ri kambe?

PAMMILANGNGANG 20:4

Angngapa nanuerangi ikambe mae anrinni ri parang lompoa? Sollanna namate ikambe siagang olo'-olo' piarana ikambe anrinni?

PAMMILANGNGANG 21:5

siagang a'moro-moromi ke'nanga mae ri Allata'ala siagang mae ri Musa. Angkanai ke'nanga, “Angngapa nanuerangi ikambe assulu' battu ri butta Mesir? Apaka erokko ambunoi ikambe ri anne parang lompoa? Anrinni tena kanre, siagang manna je'ne' tena todong. Ero'mi ta'langnge ikambe napakamma anne kanre la'baya!”

LAMPA-LAMPANA 13:41

‘Parhatikangi baji'-baji' ikau tau nungaia pahina-hina! La'jari lannasakko, nunampa mate! Nasaba' anne jammanga nia' apa-apa Kugaukang tenaya nalanupatappaki, manna nia' tau ampakasingaraki mae ri kau.’ ”

1 TESALONIKA 4:8

Lanri kammana, inai-nai taeroka antarimai anne pangngajaranga, teai rupataua tanatarimaya, passangalinna Allata'ala ampassareangai Roh matangkasa'Na mae ri kau ngaseng.

YOSUA 24:27

Le'baki anjo nakanamo Yosua mange ri yangasenna anjo taua, “Anne batua a'jari sa'bi mae ri katte. Sikontu kana-kana Napabattua Batara mae ri katte, le'ba'mi nipau ri dallekanna anne batua. Jari, iaminne batua la'jari sa'bi mae ri kau ngaseng, untu' ampiu'rangiangko sollanna tena nanuewai Allata'alanu.”

1 SAMUEL 10:19

Le'ba' mako Kupassulu' battu ri kapa'risanga siagang kasessanga, mingka kamma-kamma anne nusorongbokoMa' salaku Allata'alanu, lanri nupala'na sollanna Kujo'jokangko sitau karaeng untu' ikau ngaseng. Jari baji'mi, a'rappungang mako ri dallekangKu, anne Bataranu, massing-massing situru' sukunu siagang bija-bijannu.’ ”

1 SAMUEL 2:30

INakke, Karaeng Allata'alana Israel, riolo le'ba'Ma' a'janji angkanaya kaluarganu siagang turungannu la'jari palayang mae ri Nakke, salaku imang sa'genna satunggu-tungguna. Mingka kamma-kamma anne tenamo naKuero' ri anjo kammaya! Nasaba' inai-nai ampakala'biriKa' iami laKupakala'biri', na inai-nai anghina' iami laKuhina.