PAMMILANGNGANG 11:17 - KITTA' MATANGKASA'

¹⁷ LanaungA' siagang la'bicara siagang ikau anjoreng ri tampaka, nampa anjo koasa Kupassareanga ri kau, laKupassareangi sipa'gang mae ri ke'nanga. Jari akkullei ke'nanga ambantuko ampisangi tanggong jawaka mae ri anne bansaya, sa'genna tenamo nakale-kalennu ampisangi.

PAMMILANGNGANG 11:17 ပူးပေါင်းရင်းမြစ်များ

PA'JARIANG 11:5

Nanaummo Batara untu' anciniki anjo kotaya siagang menara nabangunga rupataua.

PA'JARIANG 17:22

Le'baki akkana kamma, a'lampami Allata'ala ambokoi Abraham.

PA'JARIANG 17:3

Su'ju'mi Abram, nampa Nakanamo Allata'ala,

PA'JARIANG 18:33

Le'baki a'bicara Batara siagang Abraham, a'lampami Batara, nampa ammotere' tommo Abraham mae ri balla'na.

2 KARAENG-KARAENG 2:15

Anjo limampuloa na'bi naciniki anjo apa kajarianga, nampa nakana ke'nanga, “A'lette'mi koasana Elia mae ri Elisa!” Battumi ke'nanga mange ri Elisa nampa su'ju' ke'nanga ri dallekanna

2 KARAENG-KARAENG 2:9

Battuna anta'leang, nakanamo Elia ri Elisa, “Pala'mi apa nukaerokia ri nakke lalang tenanapa Naangkaka' Batara siagang kubokoiko!” Appialimi Elisa angkana, “Kipassareammi mae ri nakke kakoasanta bapa', sollangku akkulle ansambeangki'.”

NEHEMIA 9:20

Lalang koasa mabajitTa Kiajara' ke'nanga. Angnganrei manna siagang angnginung ke'nanga siganna'na.

KALAPPASSANG 18:18

Nuballassi kalennu punna kamma anjo batenu, siagang anjo taua nuballassi ngaseng tongi. Jai dudui anjo jamanga untu' se'rea tau.

KALAPPASSANG 18:22

Suroi ke'nanga a'jari haking mae ri anne bansaya, massing-massing mae ri kalompo'na ke'nanga. Anjo tugasaka musti ta'atoroki batena ke'nanga anggaukangi. Sikamma parkara parallu lompoa akkullei naerang ke'nanga mae ri kau, mingka punna passisala-salang ca'diaja akkullei ke'nanga tommo alle'bakangi. Anjo kammaya akkulleko naringangngi lanri amminawang tongi ke'nanga ampisangi battala'na.

KALAPPASSANG 19:11

Ammembara' musti sadia ngasemmi ke'nanga. Ri anjo alloa lanaungA' ri coppo'na Moncong Sinai, tampa' akkullea nacini' ngasengA' taua.

KALAPPASSANG 19:20

Naungi Batara ri coppo'na Moncong Sinai, siagang Nakio'mi Musa sollanna nai' ri coppo'na anjo monconga. Jari angngambi'mi Musa,

KALAPPASSANG 34:5

Na naummo Batara lalang ri rammanga; ammentengi siagang Musa ri anjo tampaka, nampa Napau areng matangkasa'Na, iamintu Batara.

YESAYA 44:3

Saba' laKupaturungi bosia ri butta kalotoroka, Kupasolongi binanga-binangaya ri butta rosoka. LaKusarei koasaKu turungannu, siagang Kubarakkaki ana' cucunnu.

YESAYA 63:11

Nampa angngu'rangimo ke'nanga ri rewasa' allaloa, ri jammanna Musa, atanNa Batara. Akkuta'nangi ke'nanga angkana, “Kemae Batara, anrurungangai sikamma pamimpinna umma'Na allalo ri tamparanga? Kemae Batara ampassareangai koasaNa mae ri ke'nanga?

YO"EL 2:28

“Le'baki anjo, sikontu taua laKupilumpai ngasengi siagang RohKu. Na sikamma ana'nu bura'ne baine lanapabattui pasang-pasangKu; tutoa-toa niaka ri alla'nu langgappai pappiso'na turungkaya bura'ne baine langgappai paccini'.

PAMMILANGNGANG 11:25

Nampa naummo Batara lalang ri rammanga siagang A'bicarami mae ri Musa. Naallemi Batara sipa'gang anjo koasa Napassareanga mae ri Musa nampa Napassareang mae ri anjo tujupuloa pamimping. Anjo wattua naummi RohNa Batara mae ri ke'nanga. Nappakkaramulamo ke'nanga a'gora sangkamma na'bi, mingka tena nasallo.

PAMMILANGNGANG 12:5

siagang naummi Batara lalang ri benteng rammanga. Ammentengi Batara ri pakke'bu' KemaNa siagang Nakio'mi Harun siagang Miryam. Majumi mange ri dallekang anjo tau ruaya,

PAMMILANGNGANG 12:8

Siagang iNakke a'bicarA' sidallekang siagang ia, a'nyatai siagang tena nasangkamma boto-botoang. Ba'lalo manna rupangKu le'ba'mi nacini'! Angngapa nubarani angngewai Musa, anjo atangKu?”

PAMMILANGNGANG 27:18

Nakanamo Batara mae ri Musa, “Kioki Yosua, ana'na Nun. Anjo taua cara'deki. Padongkoki limannu irate ri tompo' ulunna.

PAMMILANGNGANG 7:89

Sampang antamaki Musa ri KemaNa Batara untu' a'bicara siagang Batara, nalangngere'mi sa'ranNa Batara a'bicara mae ri ia battu rate ri pa'rangka'na Patti Parjanjianga ri alla'na anjo ruaya patung malaeka' akka'nyi'.

YOHANES 3:13

Tenanniakka tau le'ba' nai' ri suruga, pantaranganna Ia manurunga antama' ri linoa, iamintu Ana' Ma'rupataua.

YOHANES 7:39

RohNa Allata'ala anjo Nabicaraya Isa, lanatarimaya tau tappaka ri Ia. Nasaba' anjo wattua tenapa nipassareangi RohNa Allata'ala; lanri tenapa nanipakala'biriki Isa lanri kamateanNa.)

ROMA 8:9

Mingka ikau ngaseng teako mannuruki ri sipa'-sipa' rupataua lalang tallasa'nu. Punna mattantu RohNa Allata'ala angngatoroki kalennu, mattantu lamannurukiko ri RohNa Allata'ala lalang tallasa'nu. Inai-nai tena ri kalenna RohNa Almasi, anjo taua teai taunNa Almasi.

1 KORINTUS 2:12

Na ikatte anne teai roh battu ri anne linoa nisareangki', passangalinna Roh battu ri Allata'ala; sollanna niasseng ngaseng apa le'baka Napassareang Allata'ala mae ri katte ngaseng.

1 TESALONIKA 4:8

Lanri kammana, inai-nai taeroka antarimai anne pangngajaranga, teai rupataua tanatarimaya, passangalinna Allata'ala ampassareangai Roh matangkasa'Na mae ri kau ngaseng.

1 PETRUS 1:22

Lanri mappilangngerinnu mae ri pangngajaranNa Allata'ala, parallui nutangkasi kalennu siagang nukamaseang julu tappa'nu situlusu'na pa'mai'nu. Lanri kammana, paralluko massing sikamaseang lalang sikalepu pa'mai'nu,

YUDAS 1:19

Yangasemmi anne ke'nanga tau lappa'niaka passisala-salang siagang nikoasaia ri sipa'-sipa' ero' pakkalinoanga. Anjo ke'nanga tau tena ngaseng nanipantamai ri RohNa Allata'ala.

1 SAMUEL 10:6

Anjo memang wattua lanakoasaiko RohNa Batara siagang lamminawangko a'joge' kammayatompa lakkiok-kio' siagang ke'nanga, nampa laniberui sipa'nu a'jari tau maraeng.