PAMMILANGNGANG 11:16 - KITTA' MATANGKASA'

¹⁶ Nampa Nakanamo Batara mae ri Musa, “Passe'rei battu ri bansa Israel tujupulo tau toa, ia niania salaku pamimpinna bansaya. Erangi ke'nanga battu mae ri dallekangKu ilalang ri KemaKu, nampa suroi ke'nanga ammenteng anjoreng ri sa'rinnu.

PAMMILANGNGANG 11:16 ပူးပေါင်းရင်းမြစ်များ

PA'JARIANG 46:27

Ana'-ana'na Yusuf, ia lassuka ri Mesir nia' rua tau, sa'genna sikontu kaluargana battua ri Mesir nia' tujupulo tau yangaseng.

KALAPPASSANG 18:25

Ammilemi siapa are tu cara'de' battu ri bansa Israel. Naangka'mi ke'nanga a'jari pamimping mae ri sisa'bu tau, sibilangngang tau, limampulo tau, siagang sampulo tau.

KALAPPASSANG 24:1

Nampa Nakana Batara ri Musa, “Naikko mae andallekang ri Nakke siagang Harun, Nadab, Abihu, siagang tujupulo pamimpinna bansaya, siagang su'jukko battu bella anynyomba mae ri Nakke.

KALAPPASSANG 24:9

Nampa nai'mo Musa, Harun, Nadab, Abihu siagang anjo tujupuloa pamimping angngambi' ri monconga.

KALAPPASSANG 4:29

Nampa a'lampamo Musa siagang Harun mange ri Mesir, na napasse're sikontu pamimpinna tu Israel.

YEREMIA 19:1

Nasuroa' Batara a'lampa ammalli bongki, nampa kukio' siapa are pamimpinna bansaya siagang siapa are imang-imang toaya,

YEHEZKIEL 8:11

Tujupulo pamimping tu Israel nia' anjoreng, kammayami Yaazanya ana'na Safan. Massing anna'galaki ke'nanga se're pa'dupang a'rumbua umbunna.

PAMMILANGNGANG 11:24

Jari assulu'mi Musa nampa napabattu mae ri anjo bansaya anjo apa le'baka Napau Batara. Appasse'remi Musa tujupulo pamimping nampa nasuro ke'nanga ammenteng ri tammulilina KemaNa Batara.

PAMMILANGNGANG 16:25

Nampa a'lampamo Musa nirurungang ri sikamma pamimping Israel mange ri tampa'na Datan siagang Abiram.

LUKAS 10:1

Le'baki anjo Napileimi pole Isa tujupulo ana' gurunNa, nampa Nasuro ke'nanga a'lampa ta'rua-rua. Nasuroi ke'nanga a'lampa riolo mange ri kota-kota siagang sikamma tampa' eroka Nakunjungi.

LUKAS 10:17

Ammotere'mi anjo tuju puloa ana'-ana' gurunNa Isa, le'baka Nasuro a'lampa. Rannu ngasemmi ke'nanga wattunna ammotere'. Nakana ke'nanga, “O Batara, amminawang turu' ngasengi setanga punna nibongkai ri kambe assala' arenTa nipau!”

PAOLE 1:15

Lanri kammana minjo nabattu ri sikamma anjo pamimping le'baka nupile, nia'mo siapa are jaina tucara'de' siagang tuniaka pangalamanna kualle nampa kuangka' untu' angkapalaiko. Nia' siapa are nipa'jari pamimping mae ri sisa'bua tau, nia' a'jari pamimping mae ri sibilangngang tau, siagang nia' todong a'jari pamimping mae ri sampulo tau. Nia' tommo kuangka' siapa are pamimping maraeng untu' angngurusuki massing suku-sukunu.

PAOLE 16:18

“Ri tunggala' kota Napassareanga Karaeng Allata'alanu mae ri kau, musti angngangkakko haking-haking siagang patugasa'-patugasa' maraengannaya untu' angngadeli kara-karana ra'yaka siagang adele'.

PAOLE 31:28

Kamma-kamma anne, suroi sikontu pamimpinna bansaya siagang komandanna tantaraya asse're ri dallekangku, sollanna akkulle kupabattu anne sikamma passalaka mae ri ke'nanga. Kukioki langika siagang buttaya salaku sa'bi mae ri ke'nanga.