PAMMILANGNGANG 11:13 - KITTA' MATANGKASA'

¹³ Kicini'mi, antekamma tulusu' akkunrarenna ke'nanga appala' dageng. Nampa kemae musti kupa'boyang dageng tau sikammaya anjo jaina?

PAMMILANGNGANG 11:13 ပူးပေါင်းရင်းမြစ်များ

2 KARAENG-KARAENG 4:43

mingka nakana anjo palayanga, “Tena olona langganna' untu' sibilangngang tau!” Appialimi Elisa angkana, “Bagemi mange sollanna angnganre ke'nanga, nasaba' Nakana Batara langnganrei ke'nanga nampa punna le'ba' ke'nanga angnganre lania' ija ammantang tassesa.”

2 KARAENG-KARAENG 7:2

Appialimi pambantuna karaenga angkana, “Kemae lakkulle! Tena nantama ri akkala' anjo kammaya, manna pole Nappaturung bosi lompo Batara battu ri langika ri kamma-kammaya anne!” Appialimi Elisa angkana, “Sinampe' nanuciniki kajariang anjo passalaka, mingka ikau tena nalanukasia' manna sike'de' anjo kanrea.”

PAMMILANGNGANG 11:20

mingka sibulangi lanukanre turus, sa'gennu a'jari garring siagang ta'langnge-langnge napakamma. Kammaminjo kajarianna lanri nutolla'na Batara niaka ri tangnga-tangnganu. Kammayatompa lanri angngarru'nu siagang akkunrarennu ri dallekanNa angkanaya nubokoimi Mesir.”

PAMMILANGNGANG 11:21

Nampa nakanamo Musa mae ri Batara, “Anne bansa kupimpinga nia' 600.000 tau jaina. Antekamma batena naKikana laKisarei ke'nanga dageng siganna'na lalang sibulang sallona?

PAMMILANGNGANG 11:22

Kemae nia' sapi yareka gimbala' kammaya anjo jaina musti nipolong untu' ampakabassoroki ke'nanga? Maka lagannaki sikontu jukuka ri tamparanga untu' nisareangi anne ke'nanga angkanrei?”

MATIUS 15:33

Akkuta'nammi ana'-ana' gurunNa ri Ia angkana, “Kemaeki' akkulle ampanggappangi kanre tau sikammaya anne jaina ri daera bella kammaya anne?”

MARKUS 8:4

Appialimi ana'-ana' gurunNa Isa nakana, “Kemae taua lakkulle anggappa kanre ri tampa' tassa'la' kammaya anne untu' tau sikammaya jaina?”

MARKUS 9:23

Appialimi Isa Nakana, “Apa kanannu? Punna akkulleKi'? Yangaseng-ngasenna akkullei, assala' tappa' taua!”