PAMMILANGNGANG 10:33 - KITTA' MATANGKASA'

³³ Le'ba'namo nabokoi bansa Israel Moncong Sinai, iamintu moncong pammantangnganNa Batara, a'jappami ke'nanga tallungallo. Patti ParjanjianNa Batara tuli nierangi ri dallekanna ke'nanga untu' a'boya tampa' pakkemaanna ke'nanga.

PAMMILANGNGANG 10:33 ပူးပေါင်းရင်းမြစ်များ

PAMMUJI 95:11

Jari assumpaMa' lalang larroKu, angkana talantamakkai ke'nanga ri anjo pa'rasanganga untu' anggappa pammari-mariang siagang iNakke.”

KALAPPASSANG 19:3

siagang nai'mi Musa ri anjo monconga untu' assibuntulu' siagang Allata'ala. A'bicarami Batara mae ri Musa battu ri anjo monconga siagang Nasuromi ampa'la'bangi napau mae ri tu Israel, jari-jarina Yakub, angkana,

KALAPPASSANG 3:1

Anjo wattua nakalawaki Musa sikamma gimbala'na siagang bembena Yitro, iamintu matoanna, imanga ri butta Midian. Ri wattunna naemba anjo olo'-olo' piaraya anta'leang ri parang lompoa, battumi mange ri Moncong Sinai, iamintu moncong matangkasaka.

YESAYA 11:10

Nia' sallang se're wattu nalabattu sitau karaeng turunganna Daud, a'jari tau niparhatikang ri sikontu bansaya. Labattui ke'nanga mae ri ia, siagang sanna' nipakalompona pammantanganna.

YESAYA 28:12

Napirarai ngasengko Batara tampa' pammari-mariang, mingka taerokako mappilangngeri ri Ia.

YESAYA 66:1

Nakana Batara, “Langika empoang kala'birangKu, na buttaya pattuppuang bangkengKu. Jari balla' antekammaya ero' nubangungangA' siagang tampa' apaya lanupa'jariangA' pammantangangKu?

YEREMIA 3:16

Nampa punna pila' katambammi jainu ri anne pa'rasanganga, tenamo nalanabicara pole taua ri passala'na Patti ParjanjiangKu. Tenamo nalanawa-nawa yareka nau'rangi ke'nanga, ba'lalo tenamo nalanaparalluangi yareka tenamo nalappare' pole ke'nanga Patti Parjanjiang maraeng.

YEREMIA 31:2

Ri parang lompoa Kupappicinikang pangngamaseangKu mae ri ke'nanga, ta'lappasaka battu ri kamateanga. Ri wattunna a'boya umma' Israel kasannangngang,

YEREMIA 6:16

Nakana Batara ri umma'Na, “Ammentengko ri sikamma panyingkulu'na aganga, siagang parhatikangi baji'-baji'! Pakkuta'nangngangi sikamma agang-agang riolo-rioloa, siagang kereanga kaminang baji' anjo aganga. Pinawammi anjo aganga, sollanna sannang katallassannu.” Mingka angkanai ke'nanga, “Tena, tena naero' ikambe ampinawangi anjo aganga!”

YEHEZKIEL 20:6

Anjo wattua assumpA' angkana laKuerangi ke'nanga assulu' battu ri Mesir mange ri pa'rasangang Kupilea untu' ke'nanga. Anjo pa'rasanganga kalumanynyangi siagang coppongi, butta kaminang bajika ri sikontu linoa.

PAMMILANGNGANG 10:12

Nampa a'le'basa'mo tu Israel a'lampa ambokoi parang lompona Sinai, nampa ammantang anjo rammanga ri wattunna battu ke'nanga ri parang lompona Paran.

PAOLE 1:33

Ia niaka a'jappa ri dallekannu ampa'boyangko tampa' untu' akkema. Ia anjo'jokangko oloang punna bangngi lalang rupa benteng pepe', siagang a'rupa benteng rammang punna allo.”

PAOLE 31:26

“Allei anne kitta' HukkunNa Allata'ala, siagang boliki ri sa'rinna Patti ParjanjianNa Karaeng Allata'alanu, sollanna tuli nia'na anjoreng salaku sa'bi mae ri anjo bansaya.

PAOLE 9:9

Angngambikka' nai' ri anjo buluka untu' annarima batu parjanjiang Napareka Batara siagang ikau. Patampulo allo siagang patampulo bangngia' ammantang irate ri anjo monconga tangnganre tangnginung.

IBRANI 13:20

Napattallasa' poleammi Allata'ala Batarata Isa battu ri kamateanga. Lanri iaminjo kamateanNa nakamma-kamma anne a'jarimi Pakalawaki Mala'biri' mae ri katte, sanrapanga gimbala'Na ngaseng. Ia tomminjo kamateanNa ampattantui parjanjiang mannannungang Napareka Allata'ala siagang ikatte.

YOSUA 4:7

parallui nupauang ke'nanga angkanaya ammantangi a'lo'loro' je'ne'na Binanga Yordan ri wattunna nierang a'limbang Patti ParjanjianNa Batara ri anjo binangaya. Anjo batu-batua latuli ampiu'rangiangi bansa Israel mae ri apa kajarianga anrinni.”

HAKING-HAKING 20:27

Anjo wattua niaki Patti ParjanjianNa Allata'ala ri Betel, na Pinehas ana'na Eleazar, cucunna Harun, tugasa' a'jari imang. Jari akkuta'nammi umma' Israel mae ri Batara angkana, “O, Batara, maka musti a'lampaiji ikambe mange ambunduki anjo tu Benyamin, sari'battanna ikambe, yareka musti nipammarimi anne pa'bundukanga?” Appialimi Batara angkana, “Bunduki ke'nanga! Ammuko laKusareko pammetang.”

1 SAMUEL 4:3

Ri wattu ammotere'na anjo tantara tassesaya mange ri tampa' kemaya, nakanamo sikamma pamimpinna tu Israel, “Apa kutadeng saba'na naNalappassangki' Batara nibeta ri tu Filistin anne alloa? Umba nanialle Patti ParjanjianNa Batara battu ri Silo, na nierang mae anrinni, sollanna ero' Batara antulungki' siagang Napasalamakki' battu ri musua.”