PA'JARIANG 8:21 - KITTA' MATANGKASA'

²¹ Sannammi pa'mai'Na Batara angngaraki rasa mabau'na anjo koro'banga, na Nakanamo lalang ri pa'mai'Na, “Tenamo nalaKutunrai anne linoa lanri panggaukanna rupataua; Kuassengi angkanaya battu ri wattu lolonaiji naja'dala'mo pikkiranna anjo rupataua. Tenamo nalaKuancuru' pole sikontu apa-apa attallasaka sangkamma anne apa beru le'baka Kugaukang.

PA'JARIANG 8:21 ပူးပေါင်းရင်းမြစ်များ

PA'JARIANG 3:17

Nampa Nakana Karaeng Allata'ala mae ri anjo bura'nea, “Nupilangngeri kana-kananna bainennu nampa nukanre anjo rappo kayu le'baka Kupappisangkang angkana teako kanrei. Lanri anjo panggaukannu, nitunraimi buttaya. Musti anjama terasakko lalang sikontu tallasa'nu nanampa akkulle assare wassele' ganna' anne buttaya untu' kanrenu.

PA'JARIANG 4:12

Punna a'lamung-lamungko latena apa-apa wassele'na; la'lampako mange-mange siagang latena pammantangannu ri lino.”

PA'JARIANG 5:29

Nakanamo Lamekh, “Anne anaka lanasareki' karingangngang ri wattunta anjama terasa' anjamai butta le'baka Natunrai Batara.” Lanri kammana naaremmi Lamekh anjo anaka Nuh.

PA'JARIANG 6:13

Nakanamo Allata'ala ri Nuh, “Le'ba'mi Kupattantu angkana laKubuno ngasengi sikontu apa-apa attallasaka. LaKuancuru' ngasengi ke'nanga siagang apa niaka lalang lino, nasaba' anne linoa rassimi panggaukang palla' nagaukanga ke'nanga.

PA'JARIANG 6:17

LaKupabattui a'ba lompoa untu' angngancuruki sikamma apa attallasaka ri lino. Lamate ngasengi sikontu apa niaka ri lino,

PA'JARIANG 6:5

Naciniki Batara antekamma ja'dala'na sikamma rupataua ri lino. Tuli ja'dala'na ngaseng pikkiranna ke'nanga.

PA'JARIANG 6:7

sa'genna Nakana, “LaKuancuruki anjo rupatau le'baka Kupa'jari, kammayatompa sikamma jangang-jangang siagang olo'-olo' maraengannaya, lanri assesse' lalangKu ampa'jari ke'nanga.”

AYUB 14:4

Maka akkullei tau dorakaya appa'nia' apa sukku' baji'na?

PAMMUJI 51:5

Saba' kuakui sikamma kasalangku, tuli kuu'ranginna dosaku.

PAMMUJI 58:3

Tena, ikau apa ja'dala' nurancana ngaseng, siagang katerassang nugaukang ri anne pa'rasanganga.

PAMMUJI 58:4

Tau ja'dalaka lingu memammi baku' lalanna ri battang annipu memammi ke'nanga baku' nilassukanna.

KALAPPASSANG 29:18

Passareang kabusuki anjo gimbala' lakia irate ri tampa' pakkoro'bangnganga untu' a'jari koro'bang nitunu. Rasanna anjo koro'banga lanapakasannangi pa'maikKu.

KALAPPASSANG 29:25

Nampa allemi anjo rotia battu ri ke'nanga siagang tunui irate ri tampa' pakkoro'bangnganga. Rasanna anjo koro'banga lanapakasannangi pa'maikKu.

PANGNGEBARANG 20:9

Maka nia' tau akkulle angkana, “Tangkasaki atingku, ta'lappasaka' battu ri dosaya?”

KATO'BA 7:20

Tena tau sukku' baji'na ri linoa anne; tena tuli a'gau' baji' siagang tale'baka doraka.

YESAYA 47:12

Na'na' mako bawang siagang sikontu baca-bacanu na pangngissengannu, ambattalliako appakkaramula ri ca'dinu. Inai angngassengi, gassingka nia' matu-matunna mae ri kalennu, untu' ampakamalla'-mallaki sikamma musunnu.

YESAYA 47:15

Iaminjo matu-matunna pacinika mae ri kau ambattalliako appakkaramula ri ca'dinu; massing a'lampai ambokoiko; tena nia' battu untu' antulungko.”

YESAYA 48:8

Kuassengi angkanaya takkulleako nipatappa', battu rioloji numasahoro' angkana tunungai doraka. Lanri kammana minjo na tanuassenga, tena manna sibuku kana battu mae ri tolinnu.

YESAYA 53:6

Ikatte sala oloang ngaseng maki' rapang gimbala' massing naboya kalennai oloanna. Iami Napitujui Batara sikontu kaja'dallanta ngaseng.

YESAYA 65:6

Hukkunganna ke'nanga le'ba'mi tattulisi' ri dallekangKu. Tojeng, tena Kulammantang a'mereki. LaKubalasaki kaja'dallanna ke'nanga

YEREMIA 17:9

Atinna rupataua takkulleai nikira-kira kaminang cara'de' ri yangasenna niaka siagang sanna' sikalia garrinna.

YEREMIA 18:12

Mingka lappiali ke'nanga angkana, ‘Apa matu-matunna? Tuli lamannuruki ikambe ri ero' kalenna ikambe! Ikambe massing nagaukangi apa nakaerokia pa'mai'na ikambe ja'dalaka!’ ”

YEREMIA 8:6

Kupilangngerimi baji'-baji', mingka tena nu'bicara ri siratannaya. Tena manna sitau battu ri kau assesse' lalang lanri panggaukang ja'dala'na. Tena nia' angkana, ‘Apa kasalangku?’ Yangasengko poro amminawangko ri oloang pangngainnu rapang jarang a'bakkaya antama' ri pa'bundukanga.

YEHEZKIEL 20:41

Punna le'bakko Kuerang assulu' battu ri pa'rasangang-pa'rasangang tampa'nu nipasisa'la'-sa'la', laKupasse'reko nampa Kutarima sikamma koro'bang nitununu. Nampa naassemmo sikontu bansaya angkanaya iNakke anne Allata'ala Kaminang Matangkasaka.

KAIMANGNGANG 1:13

Nampa anjo taua musti nabissai bone parru'na siagang bongganna anjo olo'-oloka. Nampa musti napassareang ngaseng imanga mae ri Batara, na natunu irate ri tampa' pakkoro'bangnganga. Rasanna anjo koro'bang nitunua lanapakasannangi nyawaNa Batara.

KAIMANGNGANG 1:17

Nampa musti nikekke' ri poko' ka'nyi'na, mingka takkulleai sa'genna tassa'la' anjo ka'nyi'na. Nampa musti nitunu anjo jangang-janganga irate ri tampa' pakkoro'bangnganga. Rasanna anjo koro'bang nitunua lanapakasannangi nyawaNa Batara.

KAIMANGNGANG 1:9

Anjo taua musti nabissai bone parru'na siagang bongganna anjo sapia; nampa imang tugasaka musti natunu ngasengi anjo ri tampa' pakkoro'banga. Rasanna anjo koro'banga lanapakasannangi nyawaNa Batara.

KAIMANGNGANG 26:31

naKuancuru' kota-kotanu, tampa'-tampa' panynyombannu, siagang tena naKutarimai sikamma koro'bannu.

KAIMANGNGANG 4:31

Sikontu jannana anjo olo'-oloka musti niallei sangkamma todong nigaukanga ri koro'bang passiamakkanga. Anjo jannaya musti natunui imanga irate ri tampa' pakkoro'bangnganga, sollanna rasanna napakasannangi nyawaNa Batara. Kammaminjo carana imanga ampassareangi koro'banga untu' dosana se'rea ra'ya' biasa, na nipammopporammo dosana anjo taua ri Batara.

KAIMANGNGANG 8:28

Le'baki anjo naallemi Musa anjo kanrea battu ri ke'nanga nampa natunu irate ri tampa' pakkoro'bangnganga, siagang koro'bang nitunu untu' koro'bang pallantikang. Rasanna anjo koro'bang kanre-kanreanga napakasannangi nyawaNa Batara.

PAMMILANGNGANG 15:3

Untu' koro'bang nitunu yareka koro'bang pa'bayara' tinja', yareka koro'bang ero' kalennu; yareka koro'bang ri sikamma allo lompo biasaya, akkulleko assare mae ri Batara iamintu: sapi laki, gimbala' laki, yareka bembe, yareka gimbala'. Rasanna anjo sikamma koro'banga napakasannangi nyawaNa Batara.

MATIUS 15:19

Nasaba' battu lalammi ri atia ammumba pikkirang-pikkirang ja'dalaka, a'jaria saba' nammuno taua, a'gau' salimara', a'gau' bawang, a'lukka', siagang appitina.

YOHANES 3:6

Battu ri lahere'na rupataua, tau toana allassukangi, mingka battu ri rohna rupataua, RohNa Allata'ala allassukangi.

ROMA 1:21

Naassengi rupataua Allata'ala, mingka taerokai rupataua ampakala'biriki salaku Allata'ala, siagang tena todong nappala' sukkuru' ri Ia. Ba'lalo apa-apa tenayaji matu-matunna nanawa-nawa rupataua; a'jari sassammi nawa-nawanna ke'nanga.

ROMA 3:23

sikontu rupataua doraka ngasemmi siagang bellami battu ri Allata'ala, akkullea ampasalamaki ke'nanga.

2 KORINTUS 2:15

Nasaba' ikambemi sanrapang kamanynyang mabauka rasanna, nitunua ri Almasi untu' mae ri Allata'ala. Ri tau a'jappa mangea ri possoka, ikambe anne sanrapangki' a'rasa botto' angngeranga kamateang; mingka ri tau nieranga mange ri kasalamakkanga, sanrapangki' rasa mabau' angngeranga katallassang. Jari, maka inai akkulle anggaukangi anne jamanga?

EFESUS 5:2

Paralluko attallasa' lalang ri pangngamaseanga, sangkamma todong Almasi mangngamaseangi mae ri katte. Nakoro'bangkangi KalenNa untu' ikatte, a'jari passare siagang koro'bang mabau', Nakarannuanga atinNa Allata'ala.

FILIPI 4:18

Inakke le'ba'mi kutarima ngaseng – ba'lalo la'bimi ri gannaka! Sikamma anjo passare le'baka nukiring mae ri nakke, kutarima ngasemmi battu ri Epafroditus. Kamma-kamma anne nia' ngasemmi ri nakke apa kukaparalluanga. Anjo passarenu ngaseng, sanrapangi passare mabauka rasanna, battu ri koro'bang nipassareanga mae ri Allata'ala iamintu koro'bang nitarimaya siagang Nakarannuanga pa'mai'Na Allata'ala.

1 YOHANES 5:19

Niassemmi angkanaya ikatte anne tau battuki' ri Allata'ala, manna pole nanikoasaimo sikontu linoa ri I Ja'dala'.

1 SAMUEL 26:19

O, karaeng, kipilangngeri sai sombanna anne atanta. Ebara' angkana Batara assuroi karaengku angngewai atanta, akkullei passare koro'banga ampanaungi pangngalarroinNa mae ri atanta. Mingka ebara' angkana rupatau ansuroi karaengku, tapporo nihukkung laloi ke'nanga ri Batara! Nasaba' lanri panggaukanna anjo ke'nanga nanibongkamo atanta battu ri buttaNa Batara, siagang tarpassa musti a'lampai mange ri pa'rasangang maraeng namusti anynyomba anjoreng atanta mae ri rewata-rewata tenaya niassengi.