PA'JARIANG 8:17 - KITTA' MATANGKASA'

¹⁷ Erang ngasengi assulu' sikontu jangang-janganga siagang olo'-olo' maraengannaya, lompoa siagang ca'dia, sollanna akkulle a'bija-bija siagang a'la'bang ri sikontu linoa.”

PA'JARIANG 8:17 ပူးပေါင်းရင်းမြစ်များ

PA'JARIANG 1:22

Yangasenna anjo sikammaya Nabarakkakimi Allata'ala. Siagang Nasaremi parenta sikamma olo'-olo' attallasaka lalang je'ne' sollanna a'bija-bija siagang napirassi tamparanga, kammayatompa jangang-janganga sollanna pila' katambang.

PA'JARIANG 1:28

Nampa Nabarakkaki ke'nanga angkana, “Ammana'-mana' mako siagang accucu-cucu mako nu'jari jai, sollanna napammantangngi sossorannu sikontu buttaya siagang nanakoasai. Kusareko tugasa' untu' amparakai sikamma juku'-jukuka, jangang-janganga, siagang sikontu olo'-olo' maraenganga ia liaraka.

PA'JARIANG 8:16

“Assulu' mako battu ri kappalaka siagang bainennu, ana'-ana'nu kammayatompa massing bainenna ke'nanga.

PA'JARIANG 8:18

Assulu'mi Nuh battu ri anjo kappalaka siagang bainenna, ana'-ana'na, kammayatompa massing bainenna ke'nanga.

PA'JARIANG 9:1

Nabarakkakimi Allata'ala anjo Nuh siagang sikamma ana'na na Nakana, “Ammana'-manakko siagang accucu-cucuko nu'jari jai, sollanna akkulle sossorannu napammantangngi sikontu linoa.

PA'JARIANG 9:7

Jari, ikau musti ammana'-manakko siagang accucu-cucuko nu'jari jai, sollanna akkulle sossorannu napammantangngi sikontu linoa.”

PAMMUJI 107:38

Nisarei ri Batara ke'nanga jai ana', siagang olo'-olo' piarana ke'nanga pila' a'bija-bijai.