PA'JARIANG 7:9 - KITTA' MATANGKASA'

⁹ antama' tommi ri anjo kappalaka siagang Nuh, situru' apa Napassuroanga Allata'ala.

PA'JARIANG 7:9 ပူးပေါင်းရင်းမြစ်များ

PA'JARIANG 2:19

Angngalle tommi sike'de' butta nampa Napare' sangka' rupa olo'-olo' niaka ri bontoa siagang niaka ri alla'. Na Naerang ngasemmo Allata'ala anjo sikammaya mae ri anjo taua sollanna nacini' angkanaya areng apa lanasareangi anjo sikamma olo'-oloka. Iaminjo assala'na olo'-olo' niaka ri tompo'na buttaya siagang olo'-olo' niaka ri alla', namassing nisare areng.

PA'JARIANG 6:22

Nagaukang ngasemmi Nuh anjo sikontu apa Napassuroanga Allata'ala mae ri ia.

PA'JARIANG 7:10

Narapiki tuju allo ribokoanganna, battumi a'ba lompoa antujui linoa.

PA'JARIANG 7:15

Massing tassikayu laki siagang gana yangasenna apa-apa attallasaka antamaki ri anjo kappalaka siagang Nuh,

PA'JARIANG 7:16

situru' apa Napassuroanga Allata'ala mae ri ia. Le'ba'namo antama' ngaseng, Natongko'mi Batara pakke'bu'na anjo kappalaka.

PA'JARIANG 7:8

Massing tassikayu laki siagang gana yangaseng rupanna jangang-janganga siagang olo'-olo' maraengannaya – ia hallalaka siagang ia haranga –

YESAYA 65:25

Serigalaya siagang gimbalaka lasiagangi sipa'rukukang; singaya angnganre rarame sangkamma sapi, siagang ularaka tenamo bahayana. Ri sikontu bulu' matangkasakKu, tenamo lappakarugi siagang a'gau' ja'dala'.”

YEREMIA 8:7

Manna kondoa naassenji nikanaya ammotere'; bukkuruka siagang jangang-jangang pinisika, kammayatompa pune-punea naassengi wattu pa'lettekanga battu ri tampa'na. Mingka ikau, ummakKu, tanuassengai hukkung-hukkung Kupassareanga mae ri kau.

GALATIA 3:28

Lalang ri kammana anjo tenamo nanipasimmaraengi tu Yahudia siagang bansa-bansa maraenga, yareka ataya siagang tau bebasaka, yareka tu bura'nea na tu bainea. A'jari se're ngaseng mako lanri Isa Almasi.

KOLOSE 3:11

Kale'bakkanna allanynya'mi sikontu passimmaraenganna tu Yahudia siagang bansa-bansa maraenga, yareka tu nisunnaka siagang tu tenaya nisunnaki; tenamo passimmaraengang ri bansa battu-battua siagang tau bambalaka; tenamo passimmaraengang ri tu a'jari ataya siagang tu bebasaka; nasaba' Almasimi a'jari yangaseng-ngasenna. Asse're ngasemmi ke'nanga lalang ri Almasi!