PA'JARIANG 7:14 - KITTA' MATANGKASA'

¹⁴ Sikontua rupanna jangang-janganga siagang olo'-olo' maraengannaya, ia annabaya siagang liaraka, lompoa siagang ca'dia, antama' tommi siagang ke'nanga.

PA'JARIANG 7:14 ပူးပေါင်းရင်းမြစ်များ

PA'JARIANG 1:21

Na Napa'jarimo Allata'ala olo'-olo' lompoa lalang ri tamparanga siagang sikamma apa-apa attallasaka ilalang je'ne', kammayatompa sangka' rupaya jangang-jangang. Nasannammo nyawaNa Allata'ala anciniki anjo passalaka.

PA'JARIANG 1:24

Nampa Nakana Allata'ala, “Kuerokangi nia' ri buttaya sangka' rupa olo'-olo' ri bontoa, ia annabaya siagang liaraka, ia lompoa siagang ca'dia.” Nakajariammo anjo passalaka.

PA'JARIANG 6:19

Angngerangko antama' ri anjo kappalaka massing tassikayu laki siagang gana battu ri sikontu rupanna jangang-janganga kammayatompa olo'-olo' maraengannaya, sollanna tena namminawang ancuru' ke'nanga.

PA'JARIANG 7:13

Anjo alloa antama' memammi Nuh siagang bainenna ri anjo kappalaka, siagang tallua ana'na, iamintu Sem, Yafet siagang Ham kammayatompa massing ana'-ana'na ke'nanga.

PA'JARIANG 7:15

Massing tassikayu laki siagang gana yangasenna apa-apa attallasaka antamaki ri anjo kappalaka siagang Nuh,