PA'JARIANG 6:8 - KITTA' MATANGKASA'

⁸ Mingka sannangi pa'mai'Na Batara mae ri Nuh.

PA'JARIANG 6:8 ပူးပေါင်းရင်းမြစ်များ

PA'JARIANG 19:19

Memang, sanna'mi bateta antulunga' siagang kipasalama'mi nyawaku Karaeng. Mingka anjo monconga teai sipato' bellana. Gassingka narapikanga' anjo balaya nakumatemo lalang tenanapa kunrapi' mange anjoreng.

PAMMUJI 145:20

Najagai sikontu tau mangngaia mae ri Ia, mingka tau ja'dalaka napossoki.

PAMMUJI 84:11

Bajikangngangi sialloa ri BallatTa nasisa'bu allo ri tampa' maraenga. Kualleangangi a'jaria pajaga ri pakke'bu' lompona Balla'Na Allata'alaku naia ammantanga ri balla' tau ja'dalaka.

PANGNGEBARANG 12:2

Tau bajika ningai ri Batara, mingka tau a'rancanga kaja'dallang langgappai hukkungang.

PANGNGEBARANG 3:4

sollannu ningai siagang nipakala'biri' ri Allata'ala siagang ri rupataua.

PANGNGEBARANG 8:35

Inai ambuntulukka', anggappai katallassang, mangngellai Batara mae ri ia.

YEREMIA 31:2

Ri parang lompoa Kupappicinikang pangngamaseangKu mae ri ke'nanga, ta'lappasaka battu ri kamateanga. Ri wattunna a'boya umma' Israel kasannangngang,

YEHEZKIEL 14:14

Manna pole nania' Nuh, Danel siagang Ayub ammantang anjoreng ri tampaka, anjo kabajikanna tau tallua poro nyawa kalenna tonji ke'nanga lasalama'. INakke, Batara Kaminang Tinggia anne akkana.

MATIUS 24:37

Punna sallang battu Ana' Ma'rupataua, lakammai lampa-lampana ri jammanna Na'bi Nuh.

LUKAS 1:30

Jari nakanamo pole anjo malaekaka, “Teako mallakki Maria, nasaba' ikau tu nipangngellaiko ri pa'mai'Na Allata'ala.

LUKAS 17:26

Mingka ri allo nipa'nyatana Ana' Ma'rupataua sallang, lakammai lampa-lampana ri wattu jammanna Na'bi Nuh.

LAMPA-LAMPANA 7:46

Nipakasannammi atinNa Allata'ala ri Daud siagang napala'mi sollanna nikellai appare' se're Balla' Sambayang untu' Allata'ala, nisombaya ri Yakub.

ROMA 11:6

Napilei Allata'ala ke'nanga lanri pangngamaseanNa bawang, jari teai lanri panggaukanna ke'nanga. Nasaba' punna lanri panggaukang baji'na naNapilei Allata'ala rupataua, teaimi pangngamaseang tojeng-tojeng anjo pangngamaseanNa Allata'ala.

ROMA 4:4

Inai-nai anjama, annarimai gaji; na anjo gajina teai passare, passangalinna ha'na memang todong.

1 KORINTUS 15:10

Mingka lanri pangngamaseanNa Allata'ala, nakunipa'jarimo sangkamma anne ri kamma-kammaya anne. Siagang tena nasia-sia pammopporanNa Allata'ala mae ri nakke. Ba'lalo inakkemi kaminang anjama terasa' ri sikamma tunisuroa. Mingka sikontutojenna anjo sikammaya teai usahaku; anjo usahaNa Allata'ala, mangngamaseanga mae ri nakke, siagang niaka angngaganga' sipanjamang.

GALATIA 1:15

Mingka lanri baji' atiNa Allata'ala, Napile memamma' ri wattu tenanapa nakunilassukang. Siagang Nakio'ma' untu' a'jari palayang mae ri Ia.

2 TIMOTIUS 1:18

Siagang ri wattungku ri Efesus jai sikalimi natulunganga'. Yangasenna anne nuasseng ngasemmi. Poro Napappicinikang laloi pangngamaseanNa Batara mae ri ia, ri allo niadelina ngaseng sikontu rupataua ri Batara.

TITUS 2:11

Nasaba' Napappicinikammi lammoro' pangngamaseanNa Allata'ala, sollanna Napasalama' sikontu rupataua.

TITUS 3:7

sollanna lanri lammoro' pangngamaseanNa Isa nakiakkullemo assibajiki ammotere' siagang Allata'ala kammayatompa nakigappamo katallassang sitojennaya siagang katallassang mannannungang niminasaia.

IBRANI 4:16

Lanri kammana, mae mako nakipa'baraniang kalenta andallekang ri Allata'ala, baji' pa'maika ammarenta. LaNakamaseangki' siagang laNabarakkakiki' Allata'ala sollanta akkulle anggappa pannulung ri sitabanna le'ba' wattunna.

1 PETRUS 3:20

iamintu rohna sikamma tau tenaya namappilangngeri mae ri Allata'ala ri jammang tallasa'na Nuh. Anjo wattua sa'baraki attayang Allata'ala lalang appare'na kappala' Nuh. Iaji bawang anjo tau niaka lalang ri kappalaka – nia' sagantuju tau – nipasalama' battu ri anjo a'ba lompoa.

2 PETRUS 2:5

Kammayatompa lino jammang rioloa, tena todong nalata'lappasa' battu ri hukkunganNa Allata'ala. Appabattui a'ba lompo Allata'ala antama' ri linona tau ja'dalaka anjo wattua. Nuh bawang siagang tuju tau maraengannaya nipasalama', lanri napa'la'banna Nuh biritta katallassang nipangngellaia ri atinNa Allata'ala.