PA'JARIANG 6:7 - KITTA' MATANGKASA'

⁷ sa'genna Nakana, “LaKuancuruki anjo rupatau le'baka Kupa'jari, kammayatompa sikamma jangang-jangang siagang olo'-olo' maraengannaya, lanri assesse' lalangKu ampa'jari ke'nanga.”

PA'JARIANG 6:7 ပူးပေါင်းရင်းမြစ်များ

PA'JARIANG 6:6

Assesse'lalammi lanri Napa'jarina ke'nanga siagang Naboli'na ammantang ri lino. La'ba sikalimi nyawaNa,

PA'JARIANG 7:21

Naancuru' ngasemmi Batara sikontu apa attallasaka ri lino, iamintu: rupataua, jangang-jangang siagang olo'-olo' niaka ri tompo'na buttaya, ia ca'dia siagang lompoa. Ia tenaya naancuru' iamintu Nuh bawang siagang sikontu niaka naagang lalang ri anjo kappalaka.

PA'JARIANG 7:4

Tuju allopi nalaKupaturung bosia, tenaya nammari-mari patampulo allo patampulo bangngi, sollanna ancuru' ngaseng sikamma apa attallasa' le'baka Kupa'jari.”

PA'JARIANG 8:21

Sannammi pa'mai'Na Batara angngaraki rasa mabau'na anjo koro'banga, na Nakanamo lalang ri pa'mai'Na, “Tenamo nalaKutunrai anne linoa lanri panggaukanna rupataua; Kuassengi angkanaya battu ri wattu lolonaiji naja'dala'mo pikkiranna anjo rupataua. Tenamo nalaKuancuru' pole sikontu apa-apa attallasaka sangkamma anne apa beru le'baka Kugaukang.

PAMMUJI 37:20

Mingka tu ja'dalaka lapossoki, musunNa Batara lalanynyaki sanrapang bunga ri paranga, lalanynyaki ke'nanga lalang umbua.

PANGNGEBARANG 10:27

Pakalompoi Batara, nanusallo lattallasa'; tau ja'dalaka mate taria'jala'nai.

PANGNGEBARANG 16:4

Sikontu apa Napareka Batara nia' natuju; na natujua tau ja'dalaka iamintu kapanrakang.

YESAYA 27:11

Punna kalotoro'mo siagang tepo'mo anjo tangke-tangke kayua, battumi bai'-bainea angngalle nampa napa'jari kayu tunuang. Anjo bansaya tena apa-apa napahang, jari tena nalanisayang yareka tena nalanikamaseang ke'nanga ri Allata'ala Mappa'jarina.

HOSEA 4:3

Lanri kammana anjo anne pa'rasanganga la'jari kalotoroki, siagang sikontu apa attallasaka anjoreng lamate kabusuki. Sikontu rupanna olo'-olo' niaka ri allaka, ri buttaya siagang ri tamparanga lapanra' kabusuki.”

AMOS 7:3

Napinrami rancanaNa Batara siagang Nakana, “Anjo apa nucinika tena nalakajariang.”

AMOS 7:6

Napinrami pole rancanaNa Batara siagang Nakana, “Anne pole tena todong nalakajariang.”

ZEFANYA 1:18

Ri anjo wattu allo hebaka, laNapa'nyatai larroNa Batara, na sikontu bulaenna siagang pera'na ke'nanga takkulleai ampasalamaki kalenna ke'nanga. Sikontu buttaya laancuruki assolong, nitunu ri pepe' kalarroanNa. Ti'ring laNabi'buki sikontu nyawa niaka ri tompo'na anne buttaya.

ZEFANYA 1:2

Nakana Batara, “LaKuputtai sikontu-kontuna apa niaka ri tompo'na buttaya:

ZEFANYA 1:3

sikontu rupataua siagang olo'-oloka kammayatompa jangang-janganga siagang juku'-jukuka. Tau ja'dalaka laKupaccappuki. Sikontu rupataua laKupanraki. Manna sitau tania' laKukellai attallasa'. INakke, Batara, anne akkana.

PAOLE 28:63

Sangkamma sannanna nyawaNa Batara assareko kakalumanynyangngang siagang ampa'jari jai bilannu, lasannang tongi ampanrakiko siagang ampaccappukko. Lanialleko battu ri pa'rasangang tenayamo nasallo nanupammantangngi.

PAOLE 29:20

Tena nalanipammopporang ri Batara tau kammaya anjo. Kabalekanna, lanitabai ri pangngalarroi lompoNa Batara, siagang sikontu anjo bala niaka tattulisi' lalang ri anne kittaka labattui antujui, sa'genna nipanraki ri Batara.

1 SAMUEL 15:11

“Assesse'lalangA' angngangkakko a'jari karaeng, nasaba' a'bokoko battu ri Nakke, siagang tena nugaukangi apa Kuparentakanga.” Si'nami nyawana Samuel, siagang sila'busu' bangngimi akkunrareng mae ri Batara.