PA'JARIANG 6:17 - KITTA' MATANGKASA'

¹⁷ LaKupabattui a'ba lompoa untu' angngancuruki sikamma apa attallasaka ri lino. Lamate ngasengi sikontu apa niaka ri lino,

PA'JARIANG 6:17 ပူးပေါင်းရင်းမြစ်များ

PA'JARIANG 2:7

Nampa angngalle Karaeng Allata'ala sike'de' butta, naNapare' a'jari se're tau, nampa natui' so'bolo' ka'murunna siagang nappasa' assarea katallassang; nattallasa'mo anjo taua.

PA'JARIANG 6:13

Nakanamo Allata'ala ri Nuh, “Le'ba'mi Kupattantu angkana laKubuno ngasengi sikontu apa-apa attallasaka. LaKuancuru' ngasengi ke'nanga siagang apa niaka lalang lino, nasaba' anne linoa rassimi panggaukang palla' nagaukanga ke'nanga.

PA'JARIANG 6:16

Parekangi pattongko' anjo kappalaka, siagang pareki 44 sentimetere' bellana anjo pattongkoka battu ri rinring-rinrinna. Pareki a'lonjo tallu pammantanganga ri anjo kappalaka, siagang sarei se're pakke'bu' ri sa'rinna.

PA'JARIANG 6:7

sa'genna Nakana, “LaKuancuruki anjo rupatau le'baka Kupa'jari, kammayatompa sikamma jangang-jangang siagang olo'-olo' maraengannaya, lanri assesse' lalangKu ampa'jari ke'nanga.”

PA'JARIANG 7:15

Massing tassikayu laki siagang gana yangasenna apa-apa attallasaka antamaki ri anjo kappalaka siagang Nuh,

PA'JARIANG 7:17

Battumi anjo a'ba lompo antujui linoa patampulo allo, nanai'mo a'jari tinggi je'neka battu ri buttaya, sa'genna akkullemo ammawang anjo kappalaka.

PA'JARIANG 7:4

Tuju allopi nalaKupaturung bosia, tenaya nammari-mari patampulo allo patampulo bangngi, sollanna ancuru' ngaseng sikamma apa attallasa' le'baka Kupa'jari.”

PA'JARIANG 9:9

“Kamma-kamma anne apparekKa' parjanjiang mae ri kau ngaseng siagang sossorannu,

AYUB 22:16

Niparuntangi ke'nanga ri tenanapa narapiki wattu kamateanna, na nianyukang ri je'ne' aba' antujuai.

PAMMUJI 107:34

Butta copponga Napa'jari parang ce'la buttana, lanri kaja'dallanna sikamma pandudu'na.

PAMMUJI 29:10

Makoasai Batara ri a'ba lompoa, makoasai salaku Karaeng sa'genna satunggu-tungguna.

KALAPPASSANG 14:17

LaKupa'jari kapala batui tu Mesir sa'genna naondang tulusu' tu Israel, nampa Kupappicinikang kakoasangKu mae ri Karaeng Mesir, mae ri pasukanna, sikamma karetana siagang sikamma tau niaka rate.

YESAYA 51:12

Nakana Batara, “INakkemi ansaleori ngasengko. Angngapa numalla' mae ri rupatau lamatea, mae ri rupatau nipelaka rapang ruku'?

YESAYA 54:9

“Sangkamma ri jammanna Nuh a'janjiA' angkanaya talanialleami linoa ri je'ne' a'ba, kamma tomminjo anne kamma a'janjiA' angkanaya talalarroaMa' yareka tenamo naKuancangko.

YEHEZKIEL 34:11

Nakana Batara Kaminang Tinggia, “KalengKu lamboyai sikamma gimbalakKu siagang amparakai ke'nanga,

YEHEZKIEL 34:20

Lanri kammana anjo, iNakke, Batara Kaminang Tinggia Kukana ri kau, he sikamma gimbala' co'moka, angkanaya labattuA' a'jari haking ri tangnga-tangngana gimbala' gassinga siagang gimbala' dodonga.

YEHEZKIEL 5:8

Jari iNakke, Batara Kaminang Tinggia, Kupa'nassai angkanaya iNakke musunnu. LaKuhukkungko ri dallekanna bansa-bansa maraenga.

YEHEZKIEL 6:3

Suroi ke'nanga ampilangngeri siagang amparhatikangi apa Kupaua, iNakke, Batara Kaminang Tinggia, mae ri anjo moncong-monconga, kammayatompa mae ri sikamma bontoa, sikamma tubirika siagang sikamma lappara'na ka'bunga. Tojeng, lappabattuA' pa'dang untu' angngancuruki tampa'-tampa' panynyombanga ri barhalaya.

HOSEA 5:14

Rapang singa a'bakkaya, kammami anjo bateKu lambakkai tu Israel siagang tu Yehuda. KalengKu langkae-kaei ke'nanga, nampa Kubokoi. Punna Kure'resang ke'nanga a'lampa, tena manna sitau akkulle allappassangi ke'nanga.

KAIMANGNGANG 26:28

la'jari larroMa' ampangngajariko, siagang laKuhukkungko pole a'lappi tuju la'bi battala'na na hukkungang rioloa.

AMOS 9:6

Nabangungi Balla'Na Batara bella nai' ri allaka, irateanna buttaya Natannangi langika salaku pa'rangka', siagang je'ne' battua ri tamparang Natumpai nai' ri bontoa, Ia anggaukanga kabusuki anjo sikammaya iamintu Batara arenNa.

MATIUS 24:39

Ri wattunna battumo a'ba lompoa antujui ke'nanga nampami naasseng ke'nanga apa kajarianga. Kamma tomminjo lampa-lampana sallang punna battu Ana' Ma'rupataua.

LUKAS 17:27

Langnganre angnginungi, siagang lasibunting-buntingi taua; iaminjo tuli nagaukang ke'nanga, sa'genna antama' Na'bi Nuh ri biseanga. Nabattumo a'ba lompoa, namate tallang ngasemmo ke'nanga.

ROMA 5:21

Jari sangkamma angkanaya musti mateki' passabakkang nigaukanna dosaya, sangkamma tomminjo Nasare maki' oloang Allata'ala sollanta assibajiki ammotere' siagang Ia, lanri mangngamaseanNa mae ri katte. Na lanri baji'mi ammotere' passisambunganta siagang Allata'ala, laNasare tommaki' katallassang mannannungang tete ri Isa Almasi, Batarata.

ROMA 6:23

Nasaba' pahalana dosaya iamintu kamateanga; mingka pangngamaseang Napassareang bawang-bawanga Allata'ala, iamintu katallassang sitojennaya siagang katallassang satunggu-tunggua lalang ri Isa Almasi, Batarata.

PAOLE 32:39

Ciniki, iNakke Allata'ala Tenaya Ruanna, pantaranganna iNakke tena maraeng. INakke ammuno siagang iNakke appakatallasa', allokoki siagang appamolle. PungKu angngalle tindakang, tena manna sitau akkulle angngewa.

IBRANI 11:7

Lanri tappa'na nanatarimamo Nuh pappakainga' Napassareanga Allata'ala mae ri ia; iamintu passala'na apa-apa lakajarianga tenaya nakkulle nacini' Nuh. Naturukimi Nuh kananNa Allata'ala. Jari appare'mi se're biseang lompo. Nama'nassa iaminjo biseang lompoa ampasalamaki kalenna siagang pole sikamma ana'na siagang tubai'-bainena. Jari nihukkummi linoa, mingka Nuh nipattojemmi ri Allata'ala nikana tau baji' lanri tappa'na.

1 PETRUS 3:20

iamintu rohna sikamma tau tenaya namappilangngeri mae ri Allata'ala ri jammang tallasa'na Nuh. Anjo wattua sa'baraki attayang Allata'ala lalang appare'na kappala' Nuh. Iaji bawang anjo tau niaka lalang ri kappalaka – nia' sagantuju tau – nipasalama' battu ri anjo a'ba lompoa.

2 PETRUS 2:5

Kammayatompa lino jammang rioloa, tena todong nalata'lappasa' battu ri hukkunganNa Allata'ala. Appabattui a'ba lompo Allata'ala antama' ri linona tau ja'dalaka anjo wattua. Nuh bawang siagang tuju tau maraengannaya nipasalama', lanri napa'la'banna Nuh biritta katallassang nipangngellaia ri atinNa Allata'ala.