PA'JARIANG 6:14 - KITTA' MATANGKASA'

¹⁴ Appare'mako se're kappala' kayu ia kassaka pare'na. Apparekko kama'-kamara' lalang ri anjo kappalaka, nampa nulapisi' siagang tere' pantaranganna siagang lalanganna.

PA'JARIANG 6:14 ပူးပေါင်းရင်းမြစ်များ

PA'JARIANG 6:13

Nakanamo Allata'ala ri Nuh, “Le'ba'mi Kupattantu angkana laKubuno ngasengi sikontu apa-apa attallasaka. LaKuancuru' ngasengi ke'nanga siagang apa niaka lalang lino, nasaba' anne linoa rassimi panggaukang palla' nagaukanga ke'nanga.

PA'JARIANG 6:15

Anjo kappalaka pareki 133 metere' la'buna, 22 metere' sangkara'na, siagang 13 metere' tinggina.

KALAPPASSANG 2:3

Mingka takkulleai sallo dudu nacokko anjo anaka. Jari angngallemi amma'na se're karanjeng nampa nalapisi' siagang tere' sollanna tantamaya je'neka. Le'baki anjo napantama'mi anjo ana' loloa ri anjo karanjenga, nampa naerang mange ri Binanga Nil, nampa naboli' ri tangnga-tangngana ruku' tinggia ri birinna anjo binangaya.

MATIUS 24:38

Ri allo-allo tenanapa nabattu a'ba lompoa, angnganre-nganrei, angnginung-nginungi, siagang a'bunting-buntingi taua. Kammaminjo tuli nagaukanga taua, sa'genna antama' Na'bi Nuh ri biseang lompo napareka.

LUKAS 17:27

Langnganre angnginungi, siagang lasibunting-buntingi taua; iaminjo tuli nagaukang ke'nanga, sa'genna antama' Na'bi Nuh ri biseanga. Nabattumo a'ba lompoa, namate tallang ngasemmo ke'nanga.

1 PETRUS 3:20

iamintu rohna sikamma tau tenaya namappilangngeri mae ri Allata'ala ri jammang tallasa'na Nuh. Anjo wattua sa'baraki attayang Allata'ala lalang appare'na kappala' Nuh. Iaji bawang anjo tau niaka lalang ri kappalaka – nia' sagantuju tau – nipasalama' battu ri anjo a'ba lompoa.