PA'JARIANG 50:15 - KITTA' MATANGKASA'

¹⁵ Ri matenamo manggena ke'nanga, nakanamo sikamma sari'battanna Yusuf, “Antekamma ebara' angkana napammoli'-molikangki' Yusuf nampa nabalasa' anjo kaja'dallanta pirangalloang?”

PA'JARIANG 50:15 ပူးပေါင်းရင်းမြစ်များ

PA'JARIANG 37:18

Battu bella nicini'mi Yusuf ri ke'nanga. Na ri tenanapa nabattu Yusuf mae ri ke'nanga, situru' ngasemmi ke'nanga ero' ambunoi Yusuf.

PA'JARIANG 37:28

Na ri wattunna nia' siapa are padanggang battu ri Midian allalo, nipasulu'mi Yusuf ri sikamma sari'battanna battu lalang ri anjo bungunga. Nampa nabalukang ke'nanga ri anjo tu Ismaelka. Na ia ballinna iamintu ruampulo doe' pera'. Nampa nierammo Yusuf ri anjo sikamma padangganga mange ri Mesir.

PA'JARIANG 42:17

Nampa nipantama ke'nanga ri balla' tarungkua tallungngallo sallona.

PA'JARIANG 50:14

Le'baki natarawang Yusuf anjo manggena, ammotere'mi mange ri Mesir siagang sikamma sari'battanna kammayatompa sikamma tau niaka amminawang untu' mange antarawangi anjo manggena.

PA'JARIANG 50:16

Lanri kammana, akkirimmi pasang ke'nanga mange ri Yusuf, angkana, “Ri tenanapa mamate manggeta,

PAMMUJI 14:5

Tau ja'dalaka lasanna' malla'na, saba' Nala'langi Allata'ala tu mannurukia ri Ia.

PAMMUJI 53:5

Nakana Batara, “Tenaka nangngu'rangi anjo sikamma tau ja'dalaka? Lalang tallasa'na narampasaki ke'nanga apa-apanna ummakKu siagang tena le'bakai appala' doang mae ri Nakke.”

PANGNGEBARANG 28:1

Tau ja'dalaka lari nampa tena angngondangi, mingka tau lambusuka, barani sanrapang singa.

KAIMANGNGANG 26:36

Sikamma taunnu ia niaka ri pammelakkang ri pa'rasangang maraenga, laKupa'jari teai sipato' malla'na, sa'genna manna sa'ra leko' kayu nairi'ja bawang anging nalangngere' nalarimo napakamma malla'. Lalariko sanrapang tau niondanga lalang ri pa'bundukanga, nampa tu'gurukko manna natenaja musu ri ampi'nu.

ROMA 2:15

Panggaukannami ke'nanga ampa'nassai angkanaya tattulisiki ri atinna ke'nanga anjo apa-apa napassuroanga anjo hukkung-hukkunga. Atinnami pole ke'nanga ampa'nassai anjo passalaka, nasaba' nia' wattunna nanipasala yareka nanipannaba ri pikkirang kalenna todong ke'nanga.