PA'JARIANG 50:13 - KITTA' MATANGKASA'

¹³ Naangka'mi ke'nanga anjo maya'na mange ri Kanaan nampa natarawang lalang ri kali'bong Makhpela, irayanganna Mamre, ri koko le'baka naballi Abraham battu ri Efron, anjo tu Het, untu' nipa'jari pa'jerakkang.

PA'JARIANG 50:13 ပူးပေါင်းရင်းမြစ်များ

PA'JARIANG 23:20

Kammaminjo sa'genna anjo kokoa siagang kali'bonna, napatanga tu Het riolo, a'jarimi napatang Abraham untu' a'jari butta pa'jerakkang.

PA'JARIANG 23:9

sollanna ero' nabalukang ri nakke Kali'bong Makhpela ia niaka ri biring kokonna. Bajiki punna nabalukang anjo tampaka anrinni, napara kisa'bi ngaseng. Ia ballinna lakubayara' tabasikali, sollanna akkulle kupatang anjo tampaka.”

PA'JARIANG 25:9

Nitarawammi ri ana'-ana'na, iamintu Ishak siagang Ismael, lalang ri Kali'bong Makhpela, niaka ri kokoa ri bageang rayanganna Mamre. Anjo kokoa riolo Efron ana'na Zohar, tu Het pata.

PA'JARIANG 35:27

Nampa battumi Yakub mange ri manggena, iamintu Ishak, ri tampa' pammantanganna ri Mamre ri ampi'na Hebron. (Toana, iamintu Abraham, anjoreng tongi riolo ammantang.)

PA'JARIANG 46:4

LaKururungangko mange ri Mesir, siagang laKuerangi ammotere' mae anrinni ri pa'rasanganga turungannu. Laniaki Yusuf ri sa'rinnu punna lanarapi' a'jala'nu.”

PA'JARIANG 47:30

Erokka' nitarawang ri tampa'na boe-boeku; erangi mayakku battu anrinni ri pa'rasanganga nampa nueranga' mange nutarawang ri pa'jerakkanna ke'nanga.” Appialimi Yusuf angkana, “Iye', lakugaukammi antu kananta bapa'.”

PA'JARIANG 50:12

Kammaminjo nanagaukammo sikamma ana'-ana'na Yakub apa napappasangnganga mae ri ke'nanga.

PA'JARIANG 50:14

Le'baki natarawang Yusuf anjo manggena, ammotere'mi mange ri Mesir siagang sikamma sari'battanna kammayatompa sikamma tau niaka amminawang untu' mange antarawangi anjo manggena.

2 KARAENG-KARAENG 21:18

Matemi siagang nitarawammi Manasye ri koko balla' karaenga, iamintu koko Uza. Nampa ana' bura'nena niarenga Amon ansambeangi a'jari karaeng.

LAMPA-LAMPANA 7:16

Nampa ri bokoang allo nipalette'mi jera'na ammotere' mange ri Sikhem, iamintu jera' le'baka naballi riolo Abraham battu ri bansa Hemor ri Sikhem.