PA'JARIANG 49:9 - KITTA' MATANGKASA'

⁹ Yehuda sanrapangi singa rungka; punna le'baki ammuno, ammotereki mange ri ru'munna; anggilingi nampa attinro manna sitau tania' barani mange anronrongi.

PA'JARIANG 49:9 ပူးပေါင်းရင်းမြစ်များ

1 KARAENG-KARAENG 10:20

Ri massing cappa' kairina siagang cappa' kananna anjo baringang tukaka nia' patung singa – yangasenna nia' sampulo anrua jaina. Tenanniakka nale'ba' nia' empoang karaeng kammaya anjo manna pole na ri kakaraengang kemae.

2 PATTOTTORANG 9:18

Anjo kaderaya nia' panna'gallanna siagang appimbali sa'rinna nia' patung singa. Anjo kaderaya ammakei annang baringang siagang se're pattuppuang bangkeng nilapisika bulaeng. Anjo pattuppuang bangkenga assisambungi siagang kaderaya.

YEHEZKIEL 19:5

Sia-siai anronna antayangi ana'na; nampa naasseng angkana tenami panrannuanna. Jari ana'-ana'na maraenga nalatimi a'jari singa sekke' siagang pore.

HOSEA 5:14

Rapang singa a'bakkaya, kammami anjo bateKu lambakkai tu Israel siagang tu Yehuda. KalengKu langkae-kaei ke'nanga, nampa Kubokoi. Punna Kure'resang ke'nanga a'lampa, tena manna sitau akkulle allappassangi ke'nanga.

HOSEA 5:4

Lanri anjo kaja'dallang nagaukanga tu Israel natakkulleamo ke'nanga ammotere' mae ri Allata'alana ke'nanga. Tassikko'mi ke'nanga ri panynyombanga mae ri barhalaya, sa'genna tenamo najampangi ke'nanga Batara.

MIKHA 5:8

Israel lanabetai musu-musunna kammayatompa naancuru' kabusuki ke'nanga.

PAMMILANGNGANG 23:24

Ambangungi anjo bansaya rapang singa gana, nampa ammenteng kassa' rapang singa laki. Tanra'bayai punna tenapa nakanrei musunna siagang tanainunga cera'na koro'bang le'baka nakokko'.”

PAMMILANGNGANG 24:9

Anjo bansaya rapangi singa laki siagang singa gana, ammopanga siagang anra'baya. Inaika barani ampabangungi? Dasi-dasi nanibarakkaki tau ambarakkakiako, siagang nitunrai tau antunraiyako.”

1 KORINTUS 15:24

Le'baki anjo battumi kiamaka. Anjo wattua Napasomba ngasemmi Almasi sikontu pamarentahanga, sikontu kakoasanga, kammayatompa sikontu apa-apa magassinga; nampa Napassareang kakoasanNa salaku Karaeng, mae ri Allata'ala, Manggeta.

PAOLE 33:20

Ri sesena suku Gad nakana: “Nipujimi Allata'ala le'baka assarei Gad butta luaraka untu' napammantangngi. Attayangi Gad rapang sikayu singa eroka angkakkaraki salanggaya siagang ulua.

PAPPICINI' 5:5

Nampa nakanamo kalase'renna anjo pamimpinga mae ri nakke, “Teako angngarruki! Ciniki! Ammetami anjo singa battua ri suku Yehuda, sossorang lompona Daud. Akkullei Nareppe' anjo segeleka siagang Nasungke anjo kittaka.”