PA'JARIANG 49:4 - KITTA' MATANGKASA'

⁴ Lu'mukko ta'goccang sanrapang je'ne', sa'genna teai mako makase're; saba' attinroko siagang baine piaraku, nura'massi katinroanna manggenu.

PA'JARIANG 49:4 ပူးပေါင်းရင်းမြစ်များ

PA'JARIANG 35:22

Lalang nia'na ke'nanga ri anjo tampaka, assikatinroammi Bilha siagang Ruben, anjo baine piarana manggena. Anne passalaka nalangngereki Yakub, siagang sanna'mi larrona napakamma. Nia' sampulo anrua ana' bura'nena Yakub.

PA'JARIANG 46:8

Ia anggota-anggota kaluargana Yakub amminawanga mange ri Mesir, iamintu:

1 PATTOTTORANG 5:1

Ruben iami ana' kaminang toana Yakub. Mingka lanri le'ba'na nagau' sala kalase'renna baine maraenna manggena, sa'genna niallemi anjo ha'na salaku ana' kaminang toa nampa nipassareang mae ri Yusuf. Mingka manna nakamma, ia kaminang kassaka battua ri turunganna Yakub teai suku Yusuf, passangalinna suku Yehuda. Ba'lalo ia uru-uru a'jaria karaeng mae ri sikontu umma' Israel iamintu tubattua ri anjo suku Yehuda.

1 KORINTUS 5:1

Sikontutojenna battumi mae ri nakke kabara'na angkanaya nia' tau ta'liwa'-liwa' batena a'gau' bawang ri tangnga-tangnganu; nia' tau assalimara' siagang amma' aona. Manna tau kapereka ta'gau' kammayai!

PAOLE 27:20

‘Nitunrai tau anghinayai manggena lanri assikatinroanna siagang kalase'renna bainenna manggena.’ ‘Aming!’

PAOLE 33:6

Ri sesena suku Ruben, nakana Musa, “Dasi-dasi tenanniakka napanra' suku Ruben, manna nasike'de'ja taunna.”

PAOLE 5:21

Teako kacinnai barang-baranna parannu tau: kammaya balla'na, buttana, bainenna, ata-atanna, olo'-olo'na, keledaina yareka manna apa-apa mamo napatanga parannu tau.’

2 PETRUS 2:14

Nasaba' tenamo lanrena ke'nanga a'gau' dosa, sa'genna ia mami pangngainna ke'nanga iamintu ancinikia tojengi baine pagau' bawanga. Na nanyonyo'mo tau beru tappaka siagang tau tenaya najarre' tappa'na. Le'ba' a'jari biasami atinna ke'nanga ri kangoanga. Anjo ke'nanga sangnging tau langgappa pangngalarroi!

2 PETRUS 3:16

Anjo passalaka tuli napauna Paulus lalang ri sikamma sura' natulisika. Memang, nia' siapa are passala' anjo napaua lalang ri sura'na sukkara' nipahang. Na anjo tau tenaya napahangi siagang tenaya najarre' tappa'na, naputara' bale'mi anjo apa natulisika Paulus. Anjo ri kammaya tena niparallu lannasa'. Lanri kamma tomminjo panggaukanna ke'nanga mae ri bageang maraengannaya bonena Kittaka. Anjo panggaukang kammaya poro kapanrakang bawang wassele'na mae ri kalenna ke'nanga.