PA'JARIANG 49:28 - KITTA' MATANGKASA'

²⁸ Iaminjo sampuloa anrua suku Israel, siagang kana-kana kala'busang napaua manggena ke'nanga ri wattunna nasare barakka' passibokoi massing-massing ke'nanga.

PA'JARIANG 49:28 ပူးပေါင်းရင်းမြစ်များ

PA'JARIANG 35:22

Lalang nia'na ke'nanga ri anjo tampaka, assikatinroammi Bilha siagang Ruben, anjo baine piarana manggena. Anne passalaka nalangngereki Yakub, siagang sanna'mi larrona napakamma. Nia' sampulo anrua ana' bura'nena Yakub.

PA'JARIANG 49:27

Benyamin, iami rapang serigala sekke'. Anjakkalaki kanrena ri bari'basa'na. Ri bangngina nabage-bagei.”

PA'JARIANG 49:29

Nampa appasammo Yakub mae ri ana'-ana'na nakana, “Sinampe' mami nakuammoterammo sangkamma boe-boeku. Tarawanga' sallang lalang ri kali'bong Makhpela ri sa'rinna ke'nanga, rayanganna Mamre ri butta Kanaan. Le'ba'mi naballi Abraham anjo kali'bonga siagang koko niaka ri tammulilina. Naballi battu ri Efron, anjo tu Het, untu' nipare' pa'jerakkang.

1 KARAENG-KARAENG 18:31

Angngallei sampulo anrua batu. Massing tasse'rea batu nawakkeli kalase'renna sampuloa anrua suku turunganna Yakub, iamintu tu nisarea areng Israel ri Batara.

ESTER 8:11

Bonena anjo suraka iamintu angkanaya nisarei ising tu Yahudia ri sikontu kotaya untu' ampasse'rei kalenna siagang najagai kalenna. Punna nibunduki ke'nanga ri tau niaka sanjatana, manna pole battu ri bansa kemae yareka manna pole battu ri propinsi kemae. Akkullei ke'nanga angngewa siagang ambunoi anjo tau battua ambunduki. Manna ana'na siagang bainenna ke'nanga akkullei nabuno. Akkullei nabuno ke'nanga anjo sikontu musunna sa'genna la'busu' siagang akkullei narampasa' pa'barang-baranganna.

ESTER 8:7

Nakanamo Karaeng Ahasyweros mae ri Ratu Ester siagang Mordekhai, “Memang, le'ba'mi kugentung Haman lanri ero'na naputta tu Yahudia. Siagang le'ba' tommi kupassareang barang-baranna mae ri Ester.

ESTER 8:9

Anjo memang alloa, iamintu ri tanggala' 23 bulang tallu, iamintu niarenga bulang Siwan, nakio'mi Mordekhai sikamma jurutulisi'na karaenga. Nampa naparentakang ke'nanga annulisi' sura' mange ri sikamma guburnur, bupati, siagang tumalompoa ri anjo 127 propinsi, appakkaramula battu ri India sa'genna mange ri Sudan. Anjo sura'-suraka ngaseng nitulisiki lalang bicara siagang tulisang niaka ri massing-massing propinsia. Nakiring tommi anjo suraka mange ri tu Yahudia, lalang bahasana siagang lalang tulisanna tu Yahudia.

KALAPPASSANG 28:21

Ri tunggala' paramataya musti niukiriki massing arenna tasse'rea suku battu ri anjo sampuloa anrua ana'na Yakub, untu' a'jari pammatei siagang pappiu'rangi mae ri suku-suku Israel.

PAMMILANGNGANG 23:24

Ambangungi anjo bansaya rapang singa gana, nampa ammenteng kassa' rapang singa laki. Tanra'bayai punna tenapa nakanrei musunna siagang tanainunga cera'na koro'bang le'baka nakokko'.”

LAMPA-LAMPANA 26:7

Ia tomminjo janjia le'ba' naminasai dudu sampuloa anrua suku bansa Israel. Sa'genna assambayang ke'nanga ri Allata'ala allo bangngi. Na lanri tappakku mae ri anjo janjia, Karaeng Tunipakala'birika, iaminjo nakunapassala mamo tu Yahudia.

PAOLE 33:1

Lalang tenanapa namate, Musa, tunisuroNa Allata'ala, nabarakkaki bansa Israel siagang kana-kana kamma anne:

YAKOBUS 1:1

Natarimai sikontu Umma'Na Allata'ala, ia niaka tassiara' ri sikontu linoa. Sallang battu ri nakke Yakobus, atanNaya Allata'ala siagang Batara Isa Almasi.

PAPPICINI' 7:4

Nampa nipauamma' angkanaya nia' 144.000 jaina tau nisare pammatei segele' battu ri Allata'ala ri kanynyinna ke'nanga. Anjo taua niallei battu ri sampuloa anrua suku bansa Israel;