PA'JARIANG 49:25 - KITTA' MATANGKASA'

²⁵ Allata'alana manggenu antulungko; Kaminang Koasaya ambarakkakiko siagang je'ne' bosi battu ri langi' na je'ne' battu rawa ri butta. Siagang ana' kammayatompa sapi,

PA'JARIANG 49:25 ပူးပေါင်းရင်းမြစ်များ

PA'JARIANG 17:1

Ri wattunna salapampulo assalapang taung umuru'na Abram, Napappicinikammi KalenNa Batara mae ri ia na Nakana, “INakkemi Allata'ala Kaminang Koasaya. Turuki laloA' siagang tuli gaukangi erokKu.

PA'JARIANG 27:28

Poro Nasareko Allata'ala saliu' battu ri langi', nampa napa'jari coppong sikamma kokonnu! Poro Nasareko gandung siagang anggoro' alla'bi-la'bi!

PA'JARIANG 28:13

Na ri sa'rinna ammentemmi Batara siagang Nakana, “INakkemi Batara, Allata'ala napakalompoa Abraham siagang Ishak. LaKupassareangi mae ri kau siagang mae ri turungannu anne butta nupanra'baia.

PA'JARIANG 28:21

sa'gengku akkulle ammotere' mange ri balla'na manggeku siagang salama', Batarami la'jari Allata'alaku.

PA'JARIANG 28:3

Poro Allata'ala Kaminang Koasaya ambarakkaki pa'buntingannu siagang nasareko jai ana'-cucu, sa'gennu a'jari boena jaia bansa!

PA'JARIANG 32:9

Nampa appala' doammo Yakub nakana, “O, Allata'ala, Ia napakalompoa toaku Abraham, siagang manggeku Ishak, poro Kipilangngeri laloa'! IKattemi Batara assuroa' ammotere' mange ri pa'rasangangku siagang bija pammanakangku. Nampa Kijanjima' angkanaya iKatte langngatoroki sikontu-kontuna a'jari baji', untu' inakke.

PA'JARIANG 35:11

Nampa Nakana pole Allata'ala, “INakkemi Allata'ala Kaminang Koasaya. Ammana'-mana' mako siagang accucu-cucu mako jai. Ikaumi lanakabattui bansa-bansa siagang la'jari boena sikamma karaenga.

PA'JARIANG 43:23

Nakanamo anjo palayanga, “Teako mallakki. Teako bata-batai. Allata'ala, iamintu Allata'ala napakalompoa manggenu, iami ampantamaki anjo doeka ri karunnu. Le'ba'mi kutarima pa'bayara'nu untu' anjo gandunga.” Le'baki anjo naerammi Simeon mae ri ke'nanga.

PA'JARIANG 48:3

Nakanamo Yakub mae ri Yusuf, “Le'ba'mi Napappicinikang KalenNa Allata'ala Kaminang Koasaya mae ri nakke ri Lus, ri butta Kanaan, siagang le'ba'ma' Nabarakkaki.

PAMMUJI 84:11

Bajikangngangi sialloa ri BallatTa nasisa'bu allo ri tampa' maraenga. Kualleangangi a'jaria pajaga ri pakke'bu' lompona Balla'Na Allata'alaku naia ammantanga ri balla' tau ja'dalaka.

PAMMUJI 85:12

Lattimboi battu ri butta nyawa tamamminrana rupataua, lattoaki kaadelanNa Allata'ala battu ri langi'.

KALAPPASSANG 18:4

ana' makaruaya niarengi Eliezer, lanri nakanana Musa, “Allata'ala nipakalompoa ri boe-boeku le'ba' antulunga' siagang ampasalamaka' sa'gengku tanibunoa ri karaeng Mesir.”

MATIUS 6:33

Jari, boyami la'bi riolo antekamma nasollanna Allata'ala ammarenta lalang ri katallassannu, siagang nanugaukang ero'Na. Na sikontu anjo kaparalluannu maraenganga laNasare tonjako Allata'ala.

EFESUS 1:3

Nipujimi Allata'ala, ManggeNa Batarata Isa Almasi. Iami ambarakkakiki' siagang sikontu barakka' rohani lalang ri suruga, lanri a'jari se'reta siagang Almasi.

PAOLE 33:1

Lalang tenanapa namate, Musa, tunisuroNa Allata'ala, nabarakkaki bansa Israel siagang kana-kana kamma anne:

PAOLE 8:17

Jari tea sikaliko appikkiriki angkanaya lanri usaha kalennu siagang kagassingang kalennu nukkulle a'jari kalumanynyang.

FILIPI 4:19

Allata'ala kusombaya, allumpai kakalumanynyanganNa lalang ri Isa Almasi; na Iami lassareang ngasengko sikontu kaparalluannu.

1 TIMOTIUS 4:8

Anjo latihang tubua sike'de'ji matu-matunna; mingka latihang rohania a'matu-matui lalang sikontu-kontuna katallassanta, nasaba' akkimbolongi janji untu' katallassanta ri kamma-kammaya anne siagang katallassang labattua.