PA'JARIANG 49:1 - KITTA' MATANGKASA'

¹ Nampa nakio'mi sikamma ana'na Yakub, nampa nakana, “A'rappungang mako anrinni, ri ampikku. Lakupauangko apa lakajarianga mae ri kalennu ri allo ri boko:

PA'JARIANG 49:1 ပူးပေါင်းရင်းမြစ်များ

PAMMUJI 105:15

“Teako ganggui tunipileKu, teako a'gau' ja'dalli mae ri na'bi-na'biKu!”

PAMMUJI 25:14

Batara belana tu mappilangngeria, Napappiassengangi ri ke'nanga apa Nakaerokia.

YESAYA 2:2

Ri allo-allo labattua bulu' tampa' Balla'Na Batara ammenteng tinggi nai' siagang ammenteng kassaki irate moncong-moncong siagang sikamma buluka. Sikontu bansaya a'balulungi mange anjoreng,

YESAYA 22:14

Napa'nyatai KalenNa Batara Kaminang Tinggia siagang Kaminang Makoasaya mae ri nakke, na nakana, “Tojeng, anjo kaja'dallanna ke'nanga tena nalaKupammopporang sa'genna mate ke'nanga. INakke, Batara, anne le'ba' akkana kamma.”

YESAYA 39:6

‘Nia' se're wattu sallang na sikontu barang-barang niaka lalang ri balla' lompoa, le'baka napasse're sikamma boe-boenu sa'genna kamma-kamma anne, laniangka' ngasengi nilaling mange ri Babel. Tena lammantang tassesa.

YESAYA 48:14

A'rappungang ngaseng mako siagang pilangngeri! Ri sikamma rewata-rewataya tena le'ba' antappu rioloi angkanaya lanibunduki Babel ri tunipileKu; lanagaukangi apa Kukaerokia.

YESAYA 53:1

Appiali anjo bansaya nakana, “Inai tappa' ri apa le'baka nalangngere' ikambe? Inai le'ba' nipa'nyatang koasaNa Batara?

YEREMIA 23:20

Talanaungai larroNa lalang tenanapa na'rupa ngaseng sikontu rancanaNa. Ri bokoangallo lanapahang bajiki umma'Na Batara anjo passalaka.”

DANIEL 10:1

Ri taung makatallu pamarentahanna Karaeng Koresy ri Persia, nia' se're pasang nipa'nyata mae ri Daniel niarenga todong Beltsazar. Kammatojengi anjo pasanga mingka sanna' sukkara'na nipahang. Ri wattunna naboya Daniel battuanna, anggappami kasingarang Daniel angkana apa battuanna anjo pasanga lalang se're paccini'.

DANIEL 10:14

Battua' untu' ampipahangngiangko apa lakajarianga sallang mae ri bansanu. Anne paccinika, iamintu passala'na allo labattua sallang.”

DANIEL 2:47

Nakana karaenga ri ia, “Tojeng, Daniel, anjo Allata'alanu kaminang malompo ri alla'na sikontu rewataya. Iami makoasa mae ri sikontu karaenga, siagang assungkeai sikontu rahasiaya. Kuassengi anjo passalaka nasaba' ikau akkulleko ampakasingaraki anne rahasiaya.”

AMOS 3:7

Tena le'bakai Batara Kaminang Tinggia anggaukang apa-apa punna tena Napa'nyatai rancanaNa mae ri sikamma na'bia, ata-atanNa.

MIKHA 4:1

Ri allo-allo labattua bonto, tampa' Balla'Na Batara, lammenteng kassaki nai' ri langika la'biangngangi nasikamma monconga siagang bonto-bontoa. Sikontu bansaya a'balulungi mange anjoreng

PAMMILANGNGANG 24:14

Nakana Bileam mae ri Balak, “Kamma-kamma anne erokka' ammotere' mange ri bansaku. Mingka lalang tenanapa ku'lampa, bajiki punna kupabattuangki' karaeng, apa lanagaukanga bansa Israel mae ri bansata ri allo ri boko.”

LUKAS 2:26

Na le'ba'mi nipauang ri Allata'ala angkanaya talamateapi punna tenapa naciniki Karaeng Mappasalamaka, le'baka Napa'janjiang Batara.

LAMPA-LAMPANA 2:17

Nakana Allata'ala, ‘Ri allo kala'busanna jammanga laKupaturungi RohKu mae ri sikamma taua. Lanapabattuangko ana'-ana' bura'nenu siagang ana'-ana' bainenu sikamma apa-apa le'baka Kupabattu mae ri ke'nanga. Lanaciniki tu rungkanu apa-apa Kupappicinikanga mae ri ke'nanga. Lasso'nai tu toa-toanu, iamintu so'na Kupabattua mae ri ke'nanga.

PAOLE 31:12

Suroi sikontu tu bura'nea, bai'-bainea siagang ana'-anaka, siagang bansa maraeng niaka ammantang ri kota-kotanu asse're untu' ampilangngeri anjo pambacanga, sollanna appilajara' ke'nanga ampakala'biriki Karaeng Allata'alanu, kammayatompa majarrekko mannuruki ri parenta-parentaNa.

PAOLE 4:30

Punna nitujuko ri yangasenna anjo balaya siagang punna niakko lalang ri kasukkaranga, lammoterekko mae ri Karaeng Allata'alanu siagang mannuruki ri Ia.

1 TIMOTIUS 4:1

Naterassimi Napau RohNa Allata'ala angkanaya ri jammang labattua sallang, nia' sipa'gang tau lambokoi siagang lansassali Almasi. Lamminawang turuki sallang ke'nanga mae ri roh-roh salaya, siagang lanapinawangi ajarang-ajarang setanga,

2 TIMOTIUS 3:1

U'rangi anne: Ri allo-allo kala'busanga sallang, lajai kasusaang battu.

IBRANI 1:2

Mingka anne ri kala'busang jammanga, a'bicarami mae ri katte tete ri Ana'Na. Tete ri Iami anne Ana'Na naNapa'nia' sikontu linoa siagang bonena. Siagang Napattantumi Allata'ala angkanaya Ia tommi anne Ana'Na siratang angkammai sikontu apa-apa niaka.

IBRANI 13:1

Paralluki' tuli sikamaseang salaku tu Karisteng assari'battanga.

PAPPICINI' 4:1

Le'baki anjo anggappama' pole paccini'. Accinikka' se're pakke'bu' tassungke ri suruga. Nampa kulangngere'mo pole anjo sa'ra le'baka kulangngere' a'bicara mae ri nakke, sangkammaya tarompe' sa'ranna. Nakana anjo sa'raya, “Naikko mae anrinni. Erokko Kupicinikiang apa lakajarianga sallang.”