PA'JARIANG 48:5 - KITTA' MATANGKASA'

⁵ Napannarrusu'mi kananna Yakub, nakana, “Yusuf, anjo ruaya ana'nu lassuka anrinni ri Mesir, ri tenanapa kubattu, iamintu Efraim siagang Manasye, kupasangkammai anakku, sangkamma Ruben siagang Simeon.

PA'JARIANG 48:5 ပူးပေါင်းရင်းမြစ်များ

PA'JARIANG 46:20

Ri Mesir anggappai rua ana' Yusuf, iamintu Manasye siagang Efraim, nilassukanga ri bainenna Yusuf niarenga Asnat, ana'na Potifera, a'jari imanga ri Heliopolis.

PA'JARIANG 48:1

Siapa are allo ribokoanganna nipabattuammi kabara' Yusuf angkana garring sannaki manggena. Jari a'lampami mange angkunjungi Yakub. Naerang tongi ruaya ana'na, iamintu Manasye siagang Efraim.

PA'JARIANG 48:6

Punna anggappako pole siapa-siapa ana', tena nalakupasangkamma anakku ke'nanga, mingka ana'numi. Warisi' lanagappaya ke'nanga iamintu battua ri Efraim siagang Manasye.

PAMMUJI 77:16

Lalang kagassinganTa naKipakabebasa' ummatTa, turunganna Yakub siagang Yusuf.

YESAYA 43:1

He, Israel, kammaminne kananNa Batara, “INakkemi ampa'jariko siagang amparekko, teako mallakki, mattantu Kupasalamakko! Le'ba' mako Kukio' situru' arennu, iNakke ampatangko.

YEHEZKIEL 47:13

Nakana Batara Kaminang Tinggia, “Iaminne pa'baeng-baenna butta lanibage-bagea mae ri sampuloa anrua suku Israel. Suku Yusuf annarimai rua bageang.

KAIMANGNGANG 20:26

Kusa'lakko battu ri alla'na bansa-bansa maraenga sollannu a'jari Kupatang. Musti matangkasakko lanri iNakke Batara, na iNakke matangkasakKa'.

MALEAKHI 3:17

Nakana Batara Kaminang Koasaya, “La'jari ke'nanga ummakKu. Ri wattungKu angngalle tindakang, la'jari ke'nanga umma' nisayangKu. Lakukamaseangi ke'nanga, rapang se'rea mangge ansayangi ana' mappakalompoa ri kalenna.

2 KORINTUS 6:18

La'jariMa' Manggenu, nula'jari ana'-anakKu, kammami anjo kananNa Batara Kaminang Makoasaya.”

EFESUS 1:5

le'ba' memammi Napattantu la'bi riolo, angkanaya laNaangka' maki' a'jari ana'-ana' KalenNa, tete ri Isa Almasi. Na memang iaminjo eroka Nagaukang.

IBRANI 11:21

Lanri tappa'na, na ri tenanapa namate Yakub, nabarakkakimi ana'-ana'na Yusuf, ri wattunna napatanjeng kalenna ri ulu takkanna nanynyomba ri Allata'ala.

YOSUA 13:7

Jari, kamma-kamma anne bage-bagemi anjo buttaya mae ri salapanga suku lalang ri bansa Israel, siagang mae ri bageruanna suku Manasye, sollanna a'jari butta pisakana ke'nanga.”