PA'JARIANG 48:17 - KITTA' MATANGKASA'

¹⁷ Tena nasannang nyawana Yusuf ri wattunna nacini' manggena ampadongkoki lima kananna irate ri ulunna Efraim. Jari nata'gala'mi limanna manggena nampa ero' napalette' battu ri tompo' ulunna Efraim mae ri tompo' ulunna Manasye.

PA'JARIANG 48:17 ပူးပေါင်းရင်းမြစ်များ

PA'JARIANG 28:8

Jari napahammi Esau, angkanaya anjo Ishak manggena, tanangaiyai tubaine Kanaan;

PA'JARIANG 38:10

Larromi Batara lanri kammana anjo, sa'genna nibuno tommi ri Batara.

PA'JARIANG 48:18

Nakana ri manggena, “Teaki' kamma anjo bapa'. Iaminne ana' bungasaka. Kipadongko'mi limanta irate ri tompo' ulunna.”

1 KARAENG-KARAENG 16:25

Omri jai panggaukang dosa lompoangngang nanagaukanga karaeng-karaeng ammarentaya rioloanganna.

1 PATTOTTORANG 21:7

Tena Nasannang Allata'ala ri anjo bilanga siagang Nahukkummi tu Israel.

PANGNGEBARANG 24:18

Saba', mattantu laNaciniki Batara anjo panggaukannu siagang Nabilang ja'dalaki, nampa tenamo Nahukkungi anjo musunnu.

PAMMILANGNGANG 11:1

Ri se'reang allo appakkaramulami bansa Israel akkunrareng mae ri Batara passabakkang sikamma kasukkarranna ke'nanga. Nalangngere'na kunrarenna ke'nanga, larromi Batara siagang appabattumi pepe' mae ri ke'nanga. Anjo pepeka a'lemere'mi ri tangnga-tangngana ke'nanga na nakanre sa'genna ammutung sipa'gang pakkemaanna ke'nanga.

PAMMILANGNGANG 22:34

Appialimi Bileam angkana, “Dorakama'. Tena kuassengi angkana ikatte ammenteng ri tangngana aganga untu' anrompai ikambe. Mingka kamma-kamma anne, punna turu' ri panggappata tabajikai punna kupatulusuki anne pa'lampangku, lammoterekka'.”

ROMA 9:11

Ri wattu tenanapa nanilassukangi anjo ana' ruaya, le'ba' memammi Napattantu Allata'ala ana' lanipilea sallang. Anjo pammileNa Allata'ala tena nabattu ri panggaukanna rupataua, passangalinna battu ri ero' pakkio'Na bawang Allata'ala. Nasaba' ri wattunna tenapa nangngasseng a'gau' baji' yareka a'gau' kodi anjo ruaya ana'na Ribka,

YOSUA 17:1

Siapa are bageang ri bageang laukanna Binanga Yordan nipassareangi mae ri bageruanna kaluarga-kaluarga Manasye, ana' toana Yusuf. Makhir, manggena Gilead, iami ana' toana Manasye. Nasaba' ia se'rei tantara pejuang, jari daera Gilead siagang Basan niaka irayanganna Binanga Yordan nipassareang mae ri ia.

1 SAMUEL 16:7

Mingka Nakana Batara ri Samuel, “Teako lanri ga'gana tanja'na siagang tinggina pakkaleanna nupacciniki. Teai anjo Kukaerokia. Tena Kusangkamma rupataua angnganggara'. Rupataua accini' tanjaki, mingka iNakke atinna Kuciniki.”