PA'JARIANG 48:16 - KITTA' MATANGKASA'

¹⁶ Iami malaeka' allappassanga' battu sikontu bahayaya. Poro Iaminjo Allata'ala ambarakkaki anne ana'-anaka. Poro attallasaki satunggu-tungguna arengku, arenna Abraham siagang arenna Ishak lanri anne ana'-anaka! Poro ammana'-accucui ke'nanga, namajai turunganna ke'nanga ri lino.”

PA'JARIANG 48:16 ပူးပေါင်းရင်းမြစ်များ

PA'JARIANG 22:11

Mingka akkio'mi malaeka'Na Batara battu ri langika mae ri ia angkana, “Abraham, Abraham!” Appialimi Abraham angkana, “Iye' Batara!”

PA'JARIANG 22:15

Sikalipi pole akkio' malaeka'Na Batara battu ri langika mae ri Abraham, angkana,

PA'JARIANG 32:28

Nakanamo anjo taua, “Teaimi Yakub arennu. Le'ba' mako a'laga siagang Allata'ala, kammayatompa siagang rupataua, nampa ikau ammeta. Lanri kammana, kamma-kamma anne a'jari arennu Israel.”

PA'JARIANG 46:3

Nakanamo Allata'ala, “INakkemi Allata'ala, Allata'alana manggenu. Teako mallakki untu' a'lampa mange ri Mesir. LaKupa'jari turungannu se're bansa lompo anjoreng.

PA'JARIANG 48:5

Napannarrusu'mi kananna Yakub, nakana, “Yusuf, anjo ruaya ana'nu lassuka anrinni ri Mesir, ri tenanapa kubattu, iamintu Efraim siagang Manasye, kupasangkammai anakku, sangkamma Ruben siagang Simeon.

PA'JARIANG 49:22

Yusuf rapangi keledai rungka, keledai liara' ri ampi' timbuseng je'ne', lari-laria rate ri moncong.

2 SAMUEL 4:9

Mingka appialimi Daud angkana, “Batara mattallasaka, le'baka ampasalamaka' battu ri sikontu balaya, Naassengi angkanaya annabai anne lakukananga.

1 KARAENG-KARAENG 1:29

Nampa nakanamo karaenga ri ia, “Memang le'ba'ma' a'janji ri kau, lanri arenNa Batara, Allata'alana Israel, angkanaya Salomo ana'nu lansambeanga' a'jari karaeng. Jari kamma-kamma anne a'janjia' ri kau, lanri Batara mattallasaka, Ia le'baka allappassanga' battu ri sikontu kasukkarrangku, angkanaya anne memang alloa nalakurupai janjingku mae ri kau.”

2 PATTOTTORANG 7:14

nampa napake arengKu anjo UmmakKu ampakatunai kalenna, siagang appala' doang kammayatompa battui mae ri Nakke na nabokoi panggaukang ja'dala'na ke'nanga, laKupilangngeri battu ri suruga pappala' doanna ke'nanga. LaKupammopporangi dosa-dosana ke'nanga siagang Kupa'jari coppongi pa'rasanganna ke'nanga ammotere'.

PAMMUJI 121:7

LaNajagaiko Batara battu ri bahayaya, laNajagaiko sollanna salama' tallasa'nu.

PAMMUJI 34:2

Erokka' appala' sukkuru' ri Batara lalang sikontu wattua, tena ammariku mammuji-muji mae ri Ia.

PAMMUJI 34:22

Tu ja'dalaka lamatei lanri kaja'dallanna, tu birisika mae ri tu bajika lanihukkungi.

PAMMUJI 34:7

Tu cilakaya akkioki siagang appialimi Batara, nilappassammi battu ri sikontu kasukkarranna.

PAMMUJI 34:8

Malaeka'Na Batara anjagai tau mappilangngeria, siagang nalappassang ke'nanga battu ri bahayaya.

KALAPPASSANG 1:7

Mingka anjo turunganna tu Israel a'bija-bijami a'jari sanna' jaina. Teai sipato' linta'na katambang jaina ke'nanga, sa'genna ero'mi rassi pa'rasangang Mesir napakamma ke'nanga.

YESAYA 47:4

Allata'ala matangkasa'na Israel allappassangki', arenNa Batara Kaminang Makoasaya.

YESAYA 63:9

Ia KalenNa nituju ri kasusaanna ke'nanga. Tena Nakkiring Batara tunisuro yareka tunisare koasa; Ia KalenNa allappassangi ke'nanga lanri pangngamaseanNa siagang pangngarimanginNa. Tuli Naparakai ke'nanga battu riolo.

YEREMIA 14:9

Angngapa Kisangkamma tau lingu; rapang tubarani tenaya nakkulle annulung? Mingka, mattantu niakKi' ri tangnga-tangngana ikambe, o Batara! Ikambe ummatTa, teaKi' bokoi!’ ”

YEREMIA 15:21

LaKulappasangko battu ri kakoasanna sikamma tau ja'dalaka siagang pallaka. INakke, Batara, anne akkana.”

AMOS 9:12

Tu Israel lanakoasai pa'rasangang Edom niaka ija tassesa kammayatompa sikontu bansa Kupatanga riolo. INakke, Batara, anne a'bicara siagang iNakke langgaukangi anjo passalaka.”

MALEAKHI 3:1

Appiali Batara Kaminang Koasaya, “LaKukiringi battu tunisuroKu untu' ampasadiai oloangKu. NaKuti'ring lania' battu, iNakke Batara nuboyaya, mae ri BallakKu. Labattui anjo suroKu nukanakkukanga na napa'la'bang parjanjiangKu.”

MATIUS 6:13

TeaKi' balang parekangi ikambe nibeta ri paccobaya passangalinna Kipakabellai ikambe battu ri maja'dalaka [IKattemi Karaeng makoasaya siagang kaminang mala'birika satunggu-tungguna. Aming!]’

YOHANES 17:15

Tena naKupalaki ri Katte sollanna Kiallei ke'nanga battu ri anne linoa, mingka Kupalaki ri Katte sollanna Kijagai ke'nanga battu ri Kaja'dallanga.

LAMPA-LAMPANA 15:17

sollanna sikamma anjo tau niaka tassesa naboyai Batara, assama-samai bansa maraenga, Kukioka a'jari ummakKu.’ Kammaminjo kananNa Batara,

ROMA 8:23

Ba'lalo teai linoa bawang akkunrareng; passangalinna manna ikatte akkunrareng tongi lalang atinta. Le'ba'mi nitarima RohNa Allata'ala. Iaminjo passare uru-uruNa Allata'ala. Mingka attayangijaki', sollanna nilappassang todong sikontu batangkalenta ri Allata'ala siagang Napa'jariki' ana'-ana'Na.

1 KORINTUS 10:4

siagang para angnginummi ke'nanga je'ne' inung rohani sangkammaya. Angnginung ngasemmi ke'nanga battu ri je'ne' assuluka ri bulu' batu rohani niaka anrurungangi ke'nanga; anjo bulu' batua iamintu KalenNa Almasi.

1 KORINTUS 10:9

Takkulleaki' anso'ri Batara sangkamma nagaukanga ke'nanga riolo, sa'genna mate nitotto' ke'nanga ri ulara'.

PAOLE 28:10

Jari sikontu bansaya ri anne linoa lanaciniki angkanaya ikaumi bansa Napilea Batara, siagang langngali'mi ke'nanga mae ri kau.

PAOLE 33:17

Rapangi sapi romanga kassa'na Yusuf, assa'bu tu Manasye siagang Efraim a'jari tanru'na. Naulaki bansa-bansaya naondang ke'nanga sa'genna cappa'na linoa.”

2 TIMOTIUS 4:18

Memang, tuli laNalappassanga' Batara battu ri sikontu usaha ja'dalaka mae ri kalengku. LaNaeranga' siagang salama' antama' ri KakaraenganNa ri suruga. Poro nipakala'biriki sa'genna satunggu-tungguna! Aming.

TITUS 2:14

Le'ba'mi Nakoro'bangkang KalenNa untu' kasalamakkanta battu ri sikontu kaja'dallanga, na Napa'jariki' umma'Na matangkasaka, siagang rajenga a'gau' baji'.

IBRANI 11:21

Lanri tappa'na, na ri tenanapa namate Yakub, nabarakkakimi ana'-ana'na Yusuf, ri wattunna napatanjeng kalenna ri ulu takkanna nanynyomba ri Allata'ala.

YOSUA 17:17

Jari nakanamo Yosua mae ri suku Efraim siagang mae ri anjo suku Manasye ammantanga ri bageang ilau', “Kammatojengi, ikau jai duduko siagang sanna' kassa'nu, jari siratangko nisare la'bi jaiangngang butta.