PA'JARIANG 48:15 - KITTA' MATANGKASA'

¹⁵ Le'baki anjo nabarakkakimi Yusuf, nakana, “Allata'ala, Iami Batara napakalompoa Abraham siagang Ishak, Iami anrurunganga' sa'genna kamma-kamma anne;

PA'JARIANG 48:15 ပူးပေါင်းရင်းမြစ်များ

PA'JARIANG 17:1

Ri wattunna salapampulo assalapang taung umuru'na Abram, Napappicinikammi KalenNa Batara mae ri ia na Nakana, “INakkemi Allata'ala Kaminang Koasaya. Turuki laloA' siagang tuli gaukangi erokKu.

PA'JARIANG 24:20

Nampa natumpa linta' anjo je'ne' niaka lalang ri bongkia antama' ri tampa' pangnginunganna untaya, nampa lari ammotere' mange ri bungunga untu' anynye'ro' jai-jai je'ne' sa'genna bassoro' ngaseng angnginung anjo olo'-oloka.

PA'JARIANG 24:40

Appialimi angkana, ‘Batara sangnging kuturukia, Iami lassuroi battu malaeka'Na untu' antulungko sollanna akkulle a'jari tugasa'nu. Lanugappai sitau baine untu' la'jari bainenna anakku, ia battua ri alla'na bija pammanakang kalengku, iamintu battua ri bijanna manggeku.

PA'JARIANG 27:27

Ri wattunna a'reppese' Yakub na nabau, naara'mi Ishak rasa bajunna Esau, nampa nabarakkakimo. Nakana Ishak, “Rasa bau'na anakku sangkammai rasa bau'na parang le'baka Nabarakkaki Batara.

PA'JARIANG 27:4

Bajiki palluna situru' pallu-pallu kungaia, nampa nuerang mae ri nakke. Punna le'baki kukanre, lakusareko barakka' lalang tenanapa kumate.”

PA'JARIANG 28:20

Nampa assumpamo Yakub angkana, “Punna Natulunga' siagang Najagaia' Batara lalang ri anne pa'lampangku, siagang Nasarea' kanre siagang pakeang,

PA'JARIANG 28:22

Nampa lakupassareang mae ri Batara bage sampulona sikontu apa Napassareanga Batara mae ri nakke. Anne batu pangngu'rangi kupaentenga la'jari tampa' panynyombang mange ri Batara.”

PA'JARIANG 28:3

Poro Allata'ala Kaminang Koasaya ambarakkaki pa'buntingannu siagang nasareko jai ana'-cucu, sa'gennu a'jari boena jaia bansa!

PA'JARIANG 48:16

Iami malaeka' allappassanga' battu sikontu bahayaya. Poro Iaminjo Allata'ala ambarakkaki anne ana'-anaka. Poro attallasaki satunggu-tungguna arengku, arenna Abraham siagang arenna Ishak lanri anne ana'-anaka! Poro ammana'-accucui ke'nanga, namajai turunganna ke'nanga ri lino.”

PA'JARIANG 49:22

Yusuf rapangi keledai rungka, keledai liara' ri ampi' timbuseng je'ne', lari-laria rate ri moncong.

PA'JARIANG 49:24

Mingka tuli kassa'na limanna, tuli jarre'na panana, lanri koasana Pakalawaki Magassing, Allata'alana Yakub, Pajagana Israel.

PA'JARIANG 49:28

Iaminjo sampuloa anrua suku Israel, siagang kana-kana kala'busang napaua manggena ke'nanga ri wattunna nasare barakka' passibokoi massing-massing ke'nanga.

PA'JARIANG 6:9

Iaminne riwaya'na Nuh. Nia' ana'na tallu bura'ne, iamintu Sem, Yafet siagang Ham. Tena nagaukangi Nuh panggaukang salaya, siagang kale-kalenna bawang tau baji' ri anjo jammanga. Sibajiki sikali siagang Allata'ala lalang tallasa'na.

1 KARAENG-KARAENG 3:6

Appialimi Salomo angkana, “O Batara, le'ba'mi Kipappicinikang angkanaya sanna' Kikamaseanna manggeku Daud, anjo atanTa. Ia bajiki, lambusuki, kammayatompa tamamminrayai mae ri Katte. Na salaku jaminang, angkanaya latuli Kikamaseanna, Kisaremi sitau ana' bura'ne ia ammarentaya kamma-kamma anne untu' ansambeangi.

1 PATTOTTORANG 5:1

Ruben iami ana' kaminang toana Yakub. Mingka lanri le'ba'na nagau' sala kalase'renna baine maraenna manggena, sa'genna niallemi anjo ha'na salaku ana' kaminang toa nampa nipassareang mae ri Yusuf. Mingka manna nakamma, ia kaminang kassaka battua ri turunganna Yakub teai suku Yusuf, passangalinna suku Yehuda. Ba'lalo ia uru-uru a'jaria karaeng mae ri sikontu umma' Israel iamintu tubattua ri anjo suku Yehuda.

PAMMUJI 16:8

Tuli mangngu'rangia' ri Batara; niaki ri sa'ringku, Iami saba' natena kuta'lengga.

PAMMUJI 23:1

Pammujina Daud. Batara sanrapang pakalawaki mae ri kalengku, tena kukakurangang.

PAMMUJI 37:3

Tappakko ri Batara, siagang gaukangi bajika, ammantang mako ri anjo pa'rasanganga siagang teako amminrai.

KALAPPASSANG 3:16

A'lampamako siagang passe'rei sikontu pamimpinna tu Israel. Pa'la'bangi pauang ke'nanga angkana iNakke, Batara, Allata'alana boe-boena ke'nanga, Allata'alana Abraham, Ishak siagang Yakub, le'ba'mi Kupappicinikang KalengKu mae ri kau. Pauangi ke'nanga angkanaya battuMa' mae ri ke'nanga siagang Kucini'mi antekamma batena nigau' ke'nanga ri bansa Mesir.

KALAPPASSANG 4:5

Nakana Batara, “Gaukammi anjo kammaya sollanna tappa' tu Israel angkanaya iNakke, Batara, Allata'alana boe-boena ke'nanga, Allata'alana Abraham, Ishak siagang Yakub, le'ba' ampappicinikangi KalenNa mae ri kau.”

KATO'BA 5:12

Nia' kucini' ri anne linoa sanna' appakasi'nana pa'mai': Nia' se're tau appatambung barang-barang untu' wattu kakurangang.

KATO'BA 5:18

Punna nia' sitau annarima kakalumanynyangngang siagang barang-barang battu ri Allata'ala, nampa nisare ising untu' ampinyamangngi anjo kakalumanynyangnganna, musti appala' sukkuruki siagang nakasia' baji' sikontu wassele' jama-jamanna. Anjo kammaya passareNa tonji bawang Allata'ala.

KATO'BA 6:7

Anjamai rupataua untu' angnganre, mingka tena le'bakai sukku' pakkasia'na.

YESAYA 30:21

Punna ammengkako battu ri oloanga, lanulangngereki battu ri boko sa'ranNa angkana, “Anne oloanga; anne nupinawang.”

YESAYA 33:16

Na lanijagai mako siagang laamang mako, rapang niakko lalang ri tembo' pattahangngang kassaka. Sadiai kanrea siagang inunganga untu' ikau.

YEREMIA 8:2

teai untu' nipasse're nampa nitarawang ammotere', passangalinna untu' nibalang parekang ri buttaya sangkamma loro. Sikamma buku-bukunna anjo taua latassiaraki ri dallekanna mataalloa, bulanga siagang sikamma bintoeng napareka rewata ke'nanga, nangaia, nalayania, nasombaya, siagang napappalakkia pitunju'.

LUKAS 1:6

Ningai ri Allata'ala katallassang pakkalabinianna ke'nanga. Nasaba' tutui ke'nanga anturuki ero'Na Allata'ala siagang sikamma atorang Napassareanga Allata'ala.

1 KORINTUS 10:31

Apa-apa mamo nugaukang – angnganreko yareka angnginungko – gaukammi anjo untu' ampakala'biriki Allata'ala.

2 KORINTUS 1:12

Lompomi pa'mai'na ikambe lanri tappa'na ikambe, angkanaya sikamma apa nagaukanga ikambe ri anne linoa, la'biangampa pole nagaukanga ikambe mae ri kau ngaseng, akkullemi nagaukang ikambe siagang lambusu' pa'mai' kammayatompa ati maci'nong. Yangasenna anjo nagaukangi ikambe, teai lanri kacara'dekanna ikambe, mingka lanri pakkulle Napassareanga Allata'ala mae ri kambe.

PAOLE 33:1

Lalang tenanapa namate, Musa, tunisuroNa Allata'ala, nabarakkaki bansa Israel siagang kana-kana kamma anne:

KOLOSE 2:6

Nutarimami Isa Almasi a'jari Bataranu. Lanri kammanami anjo paralluko asse're siagang Ia lalang ri katallassannu,

1 TESALONIKA 2:12

Kipakainga' mako, kipamajuko, siagang kikellai tojengko attallasa' situru' ero'Na Allata'ala, sa'genna nupakasannang atinNa. Nasaba' le'ba' mako Nakio' Allata'ala untu' a'jari umma'Na lalang ri Lino BeruNa siagang lalang ri kalompoanNa.

IBRANI 11:21

Lanri tappa'na, na ri tenanapa namate Yakub, nabarakkakimi ana'-ana'na Yusuf, ri wattunna napatanjeng kalenna ri ulu takkanna nanynyomba ri Allata'ala.