PA'JARIANG 47:7 - KITTA' MATANGKASA'

⁷ Napappiassengang tommi Yusuf anjo manggena mae ri karaenga. Nabarakkakimi Yakub anjo karaenga.

PA'JARIANG 47:7 ပူးပေါင်းရင်းမြစ်များ

PA'JARIANG 14:19

nampa nabarakkaki Abram nakana, “Poro Allata'ala Kaminang Tinggia, ampa'jariai langika siagang buttaya, ambarakkakiko Abram!

PA'JARIANG 35:27

Nampa battumi Yakub mange ri manggena, iamintu Ishak, ri tampa' pammantanganna ri Mamre ri ampi'na Hebron. (Toana, iamintu Abraham, anjoreng tongi riolo ammantang.)

PA'JARIANG 47:10

Le'baki anjo appala' kanami Yakub nampa assare barakka' passibokoi.

PA'JARIANG 47:8

Nampa akkuta'nammo karaenga ri ia angkana, “Siapa umurutta, Bapa'?”

2 SAMUEL 14:22

Su'ju'mi Yoab ri dallekanna Daud, nampa nakana, “Poro Nabarakkaki laloki' Allata'ala karaeng! Kamma-kamma anne naassemmi atanta angkanaya kingai anne atanta lanri kiturukinna pappala'na atanta.”

2 SAMUEL 19:39

Nampa a'limbammo Daud siagang sikontu ana' buana ri Binanga Yordan. Nampa nabau Daud anjo lapung Barzilai siagang appala' kana mae ri ia. Le'baki anjo ammotere'mi Barzilai mange ri balla'na.

2 SAMUEL 8:10

Jari nakirimmi ana' bura'nena niarenga Yoram untu' ampabattui sallanna mae ri Karaeng Daud siagang appabattu salama' lanri anjo pammetanna; lanri anjo Karaeng Hadadezer masarroi a'bundu' siagang Tou. Battui Yoram mange ri Daud siagang angngerangi hadia ga'ga iamintu bulaeng, pera' siagang tambaga.

1 KARAENG-KARAENG 1:47

Ba'lalo sikamma perwira tantarana karaenga a'lampa ngasemmi mange ampasalamaki Karaeng Daud. Nakana ke'nanga, ‘Tapporo Allata'alana karaeng ampa'jari Salomo la'bi masahoro' na ikatte; tapporo poreangngangi pamarentahanna Salomo na pamarentahanta.’ Nampa ri katinroanna su'ju'mi Karaeng Daud anynyomba ri Allata'ala,

1 KARAENG-KARAENG 8:66

Ri allo makasagantujuna, nasuromi Salomo taua ammotere'. Yangasenna ke'nanga mammujimi ri ia, nampa ammotere' mange ri balla'na ke'nanga siagang rannu pa'mai', lanri yangasenna anjo barakka' Napassareanga Batara mae ri atanNa Daud siagang mae ri umma'Na bansa Israel.

2 KARAENG-KARAENG 4:29

Assailemi Elisa mae ri Gehazi nampa nakana, “Lintakko! Allei takkangku nampa a'lampa memangko mange ri balla'na anne bainea. Teako ammantangngi untu' a'barisallang manna pole ri nai nusibuntulang ri aganga. Punna a'barisallang ri kau, teako pela'-pelakki wattunnu untu' ambalasaki bari sallanna. Punna battuko, lintakko padongkoki takkangku ri kalenna anjo anaka.”

KALAPPASSANG 12:32

Erang ngasemmi sikontu sapinu, gimbala'nu, siagang bembenu, siagang a'lampamako! Nampa pappalakkang tonga' barakka'.”

MATIUS 26:26

Ri wattu angnganre bangngina Isa, angngallemi roti nampa appala' sukkuru'. Nampa Napue-pue anjo rotia. Le'baki anjo Natawa-tawaimi ana'-ana' gurunNa, Nakana, “Allei, kanremi, iaminne tubuKu.”

LUKAS 22:19

Le'baki anjo angngallemi roti Isa. Na le'ba'na appala' sukkuru', Napue-puemi anjo rotia siagang limanNa, nampa Napassareang mae ri ke'nanga, na Nakana, “Iaminne batangkalengKu [nipassareanga untu' ikau ngaseng. Gaukammi anne kammaya, untu' a'jari pangngu'rangi mae ri Nakke.”

YOSUA 14:13

Jari nabarakkakimi Yosua anjo Kaleb ana'na Yefune, nampa napassareang mae ri ia kota Hebron a'jari butta pisakana.

YOSUA 22:6

Nampa napassareang barakka'na Yosua siagang nalappassang ke'nanga ammotere' mange ri daerana ke'nanga. Napasangi ke'nanga angkana, “Kamma-kamma anne kalumanynyang mako; angngerang mako ammotere' jai olo'-olo', pera', bulaeng, tambaga, bassi siagang pakeang. Bage-bage tongi anjo barang-barang nurampasaka lalang bundu' mange ri sikamma julu sukunu maraenga.” Jari nabokoimi suku Ruben, Gad siagang suku Manasye bageang irayaya anjo paranna tu Israel maraenga, nampa a'lampa battu ri Silo ri Kanaan mange ri butta kalenna ke'nanga ri daera Gilead. Napammantangngimi ke'nanga anjo buttaya situru' parentaNa Batara tete ri Musa. (Anjo bageruanna suku Manasye le'ba'mi natarima battu ri Musa butta niaka irayanganna Binanga Yordan, siagang bageruanna suku Manasye maraenga natarimai battu ri Yosua butta niaka ilaukanna Binanga Yordan sangkamma suku-suku maraenga.)

1 PETRUS 2:17

Anggara' baji' ngasengi taua, siagang kamaseangi sari'battang parannu tu Karisteng. Mallakko mae ri Allata'ala, siagang pakalompoi Kapala pamarentahanga.

1 SAMUEL 2:20

Nabarakkakimi Eli anjo Elkana siagang bainenna, na nakana ri Elkana, “Tapporo Nasare laloko pole ana'-ana' battu ri anne bainennu, untu' a'jari sambe ri ana' nupassareanga mae ri Batara.” Le'baki anjo ammotere'mi ke'nanga mange ri Rama.