PA'JARIANG 47:6 - KITTA' MATANGKASA'

⁶ Pasangkammami anne pa'rasangang Mesir sangkamma pa'rasangang kalennu. Lappassammi ammantang ke'nanga ri Daera Gosyen, iamintu daera kaminang bajika anrinni ri pa'rasanganga. Siagang saremi tugasa' tau cara'deka anjama untu' angngurusuki olo'-olo' piaraku.”

PA'JARIANG 47:6 ပူးပေါင်းရင်းမြစ်များ

PA'JARIANG 13:10

Nacinikimi Lot anjo daeraya na nacini'mo angkanaya sikontu Lappara'na Yordan sa'genna mange ri kota Zoar jai je'ne'na, sangkamma kokona Batara, yareka sangkamma butta Mesir. (Kammaminjo kaadaanna ri wattu tenanapa niancuruki kota-kota Sodom siagang Gomora ri Batara.)

PA'JARIANG 13:9

Jari bajikangngangi punna assisa'lakki'. Pileimi bageang kereanga anne tampaka nungai. Punna a'lampa mangeko anjoreng, inakke a'lampa mangea' ri maraengannaya.”

PA'JARIANG 20:15

Nakanamo anjo karaenga ri Abraham, “Iaminne sikontu pa'rasangangku; ammantammako ri keremae tampa' nungaia.”

PA'JARIANG 34:10

Jari akkulle ngaseng mako ammantang siagang ikambe anrinni ri pa'rasanganga, ri tampa' nungaia. Akkulle mako bebasa' a'danggang siagang ammallaki pa'barang-barangngang.”

PA'JARIANG 45:10

Akkulleki' ammantang ri Daera Gosyen, ri ampi' pammantangangku. Battu maki bapa', siagang ana'-cucunta, sikamma gimbalatta, bembeta, sapita, siagang sikamma pa'barang-baranganta.

PA'JARIANG 46:34

pauammi angkana battu ri ca'dinu iji nummarakaimo olo'-olo' piara sangkamma boe-boenu. Lanri kammana, lanasuro ngaseng mako ammantang ri Daera Gosyen.” Akkana kammami anjo Yusuf, lanri tu Mesirka nakanai kalenna tuna assibengkoro' siagang sikamma pakalawakia.

PA'JARIANG 47:11

Nabantumi Yusuf anjo manggena siagang sikamma sari'battanna ammantang ri Mesir. Nasaremi ke'nanga tampa' untu' napatang ke'nanga ri bageang kaminang bajika ri anjo pa'rasanganga, iamintu ri ampi' kota Rameses, situru' parentana karaenga.

PA'JARIANG 47:16

Appialimi Yusuf angkana, “Punna la'busu'mo doe'nu, olo'-olo' piaranu nupassareang; nampako kusare apa lanukanrea.”

PA'JARIANG 47:4

Battui anne ikambe untu' ammantang anrinni ri pa'rasanganga, lanri sanna' sarrinna kacipuranga ri Kanaan, sa'genna tenamo ruku' untu' lanakanre sikamma bembena siagang gimbala'na ikambe. Kisaremi ikambe pangngellai untu' ammantang ri Daera Gosyen.”

PA'JARIANG 47:5

Nakanamo karaenga ri Yusuf, “Kamma-kamma anne nia'mi anrinni manggenu siagang sikamma sari'battannu.

1 KARAENG-KARAENG 11:28

anjama tongi Yerobeam anjoreng. Ri wattunna nacini' Salomo angkanaya cara'deki siagang rajengi anjo Yerobeam anjama, nasaremi tanggong jawa' untu' angngawasi tunjama nipassaya ri daera suku Manasye siagang Efraim.

2 PATTOTTORANG 26:10

Kammayatompa ambangungi menara-menara niaka pattahanganna ri daera paranga, siagang angngekei jai bungung, baji' ri tampa' tinggia kammayatompa ri tampa' rawaya ri bageang ilau'. Lanri naparhatikanna jama-jamang pamarria, jaimi tau napajama untu' appare' koko-koko anggoro' ri daera monconga, siagang najama buttaya ri daera-daera copponga.

KALAPPASSANG 18:21

Mingka pantaranganna anjo musti ammileko siapa are tu bura'ne cara'deka, nampa nuangka' ke'nanga a'jari pamimping mae ri sisa'bu tau, sibilangngang tau, limampulo tau, siagang sampulo tau. Anjo ke'nanga musti tau malla' siagang mannuruki ri Allata'ala, akkullei nipatappa' siagang taerokai annarima doe' pammuccu'.

KALAPPASSANG 18:25

Ammilemi siapa are tu cara'de' battu ri bansa Israel. Naangka'mi ke'nanga a'jari pamimping mae ri sisa'bu tau, sibilangngang tau, limampulo tau, siagang sampulo tau.

KALAPPASSANG 9:10

Nampa naallemo Musa siagang Harun anjo aua, na mange andallekang ri karaenga. Napakioro'mi Musa anjo aua nai'. Ammumbami lattanga ri kalenna taua siagang olo'-oloka, nampa reppe' a'jari bokka' a'nanaya.

KALAPPASSANG 9:21

Mingka maraenganga tanajampangiai anjo pappakaingaka, siagang naboli'ji sikamma atanna siagang olo'-olo' piarana ke'nanga ri paranga.

PANGNGEBARANG 21:1

Sanrapang batena Naatoro' Batara je'ne' binangaya sollanna a'lo'loro' situru' ero'Na, kammatommi anjo napimpingi pikkiranna karaenga.

PANGNGEBARANG 22:29

Le'bakko anciniki tau cara'deka anggaukangi jama-jamanna? Anjo taua lanisarei jama-jamang ri balla' lompona sikamma karaenga, teai balla' biasaya.

YEREMIA 40:4

Kamma-kamma anne kulappassangi anne passikkoka battu ri limannu siagang kupakabebasakko. Punna erokko, akkulleko amminawang mange ri Babel, siagang lakuparakaiko. Mingka punna teako, tena todong nangngapa-apa. Ri sikontu anne pa'rasanganga laluasako a'lampa manna kemae nukaerokia.”

YOHANES 17:2

Le'ba'mi Kipassareang mae ri AnatTa koasaya irateanna sikontu rupataua, sollanna akkulle Nasare katallassang mannannungang sikamma tau Kikellaia nisare.

1 SAMUEL 21:7

Kabutulangi, Doëg tu Edom, kapala pakalawakinna olo'-olo'na Saul, nia' tongi anjoreng anjo alloa, untu' ampapolei se'reang kawajibang agamana.)