PA'JARIANG 47:29 - KITTA' MATANGKASA'

²⁹ Ri wattunna la'birimmo narapi' a'jala'na, nakio'mi anjo ana'na Yusuf, nampa nakana ri ia, “Padongkoki limannu anrinni ri alla'na bonggangku, nampa assumpamako angkanaya tena nalanutarawanga' anrinni ri Mesir.

PA'JARIANG 47:29 ပူးပေါင်းရင်းမြစ်များ

PA'JARIANG 24:2

Ri se'reang allo nakanamo Abraham ri surona kaminang toaya, ia angngurusukai sikontu pa'barang-baranganna, “Padongkoki limannu ri alla'na bonggangku.

PA'JARIANG 24:49

Kamma-kamma anne, punna ero' ngaseng jaki' anggaukangi bajika mae ri karaengku siagang anggaukangi apa siratanga mae ri ia kamma sari'battang, tulunga' nakipauanga'. Mingka punna tena, kipauang tomma', sollanna kuasseng angkana apa musti kugaukang.”

PA'JARIANG 27:2

Nakanamo Ishak, “Nuassemmi angkanaya toama' siagang tenamo kapang nakusallo attallasa'.

PA'JARIANG 3:19

Laballasakko anjama siagang lammattiki songo'nu nanampa nia' wassele'na anne buttaya, sa'gennu ammotere' poleang a'jari butta, nasaba' battu ri buttayako nipare'. Battu ri buttayako nipare', na nulammotere' a'jari butta.”

PA'JARIANG 47:9

Appialimi Yakub angkana, “Sibilangngammi antallumpulo taung attallasa' atanta, a'jari tupalampa mange-mange. Punna nipasinrapangi siagang umuru'na boe-boena atanta a'jaria tupalampa mange-mange, anne katallassanna atanta jai kasukkarranna siagang bodoji umuru'na.”

PA'JARIANG 48:21

Nampa nakanamo Yakub mae ri Yusuf, “Sangkamma nucinika, a'birimmi a'jalakku. Mingka laNatulung ngasengko Allata'ala siagang laNaerang ngasengko ammotere' mange ri pa'rasanganna boe-boenu.

PA'JARIANG 50:12

Kammaminjo nanagaukammo sikamma ana'-ana'na Yakub apa napappasangnganga mae ri ke'nanga.

PA'JARIANG 50:5

‘Ri wattu a'reppese'namo a'jala'na manggena atanta, nasuroi a'janji atanta ri ia, angkanaya lanatarawangi atanta ilalang ri jera' le'baka napasadia ri butta Kanaan. Lanri kammana, kisaremi pangngellai atanta a'lampa untu' antarawangi manggena atanta. Le'baki anjo lammotere'mi atanta.’ ”

2 SAMUEL 14:14

Ikatte lamate ngasengki'; ikatte anne rapangki' je'ne' tattumpaya naung ri buttaya siagang tenaya nakkulle nipasse're ammotere'. Manna Allata'ala tena todong nalaNapattallasa' ammotere' tau mateamo; lanri kammana anjo poro kiusahai laloi karaeng sollanna akkulle ammotere' poleang tau nipelaka.

2 SAMUEL 2:32

Le'baki anjo naangka'mi Yoab siagang ana' buana anjo maya'na Asael nampa natarawang lalang ri jera' kaluargana ri Betlehem. Nampa a'jappa ke'nanga sipattang bujuru' sa'genna battu mange ri Hebron ri wattu subu-subua.

2 SAMUEL 7:12

Sallang, punna narapi' a'jala'nu, na nunitarawang ri jera'na boe-boenu, nia' sitau battu ri ana' bura'nenu laKuangka' a'jari karaeng. Iami lambangungA' balla'. LaKupakajarreki kakaraenganna siagang nia' sitau jari-jarina lammarenta satunggu-tungguna salaku karaeng.

1 KARAENG-KARAENG 2:1

Ambaninamo narapi' a'jala'na Daud, nakio'mi Salomo, ana' bura'nena, nampa nasare pappasang-pappasang kala'busang. Nakana Daud,

AYUB 14:14

Saba', punna mate taua, maka akkullei attallasa' ammotere'? Allo pila' allo attayanga' sa'genna allalomo wattu pa'risikku.

AYUB 30:23

Kuassengi, angkana Kieranga' mange ri lino kamateanga, tampa'na nipasse're sikamma apa attallasaka.

AYUB 7:1

Rupataua sangkammai tau nipassa barjuang; susai katallassanna sangkamma tau angnganre gaji;

PAMMUJI 49:7

Anjo ke'nanga kakalumanynyangnganna napattoang, siagang napattampo-tampoang pa'barang-baranganna.

PAMMUJI 49:9

Manna apa nasareangi talagannaki; ta'lalo ka'jala'na lanipasulukangi nyawana,

PAMMUJI 6:5

Battu poleang maKi', Batara, naKilappassanga', Kipasalamaka' lanri pangngamaseanTa.

PAMMUJI 89:48

Kiu'rangi laloi antekamma bodona anne tallasakku, Kipa'jari rupataua a'jari tau lamate.

PAOLE 31:14

Nampa Nakana Batara mae ri Musa, “Tenamo nusallo attallasa'. Jari, kioki Yosua, siagang erangi mae ri KemaKu, sollanna akkulle Kusare siapa are pangngunju'.” Jari a'lampami Musa siagang Yosua mange ri anjo Kemaya,

PAOLE 31:16

Nakana Batara mae ri Musa, “A'reppese'mi a'jala'nu. Punna a'boko mako, lamamminrami nyawana bansa Israel mae ri Nakke siagang takkaluppami ri parjanjiang Kupareka siagang ke'nanga. LanabokoiA' ke'nanga untu' a'lampa mange anynyomba ri rewata-rewata nisombaya ri pa'rasangang tenayamo nasallo nanupantamakki.

IBRANI 11:22

Lanri tappa'na, na ri wattunna la'birimmo mate Yusuf, nanapau riolomo angkanaya lassulu'mi ammotere' umma' Israel battu ri butta Mesir; kammayatompa ammoli'mi pasang angkanaya lanipaanteikamma sallang maya'na punna matei.

IBRANI 9:27

Le'ba'mi Napattantu Allata'ala angkanaya sikaliji bawang mate rupataua. Le'baki anjo niadelimi ri Allata'ala.

YOSUA 2:14

Appialimi anjo tau ruaya angkana, “A'janji ikambe angkana punna Napassareang Batara anne pa'rasanganga mae ri kambe, lanagau' bajikko ikambe, assala' tena nanucaritai manna pole ri nai anne passala'na ikambe. Nitunrai ikambe ri Batara punna tanarupaia ikambe anjo janjinna ikambe.”

YOSUA 23:14

Kamma-kamma anne narapi'mi wattungku lamate. Ikau ngaseng, massing baji' ngaseng nuassenna angkanaya Batara Allata'alanu le'ba' assareko sikontu apa baji' Napa'janjianga. Sikontu janjinNa le'ba' ngasemmi Narupai, tena manna se're taNarupai.

1 SAMUEL 26:10

Lanri Batara mattallasaka, kuassengi angkanaya sallang KalenNa Batara lambunoi Saul, punna narapi'mo a'jala'na, yareka punna matei lalang bundu'.