PA'JARIANG 47:27 - KITTA' MATANGKASA'

²⁷ Kammaminjo lampa-lampana nammantammo tu Israel ri Mesir, ri Daera Gosyen. A'jari kalumanynyammi ke'nanga, siagang ammana'-mana' anjoreng.

PA'JARIANG 47:27 ပူးပေါင်းရင်းမြစ်များ

PA'JARIANG 13:16

LaKusareko turungang sannaka jaina, sa'genna manna sitau tania' akkulle ambilangi siapa jaina ke'nanga. Antekamma takkullena taua ambilangi siapa jaina kassi'na buttaya, sangkamma tomminjo takkullena lanibilang siapa jaina turungannu sallang.

PA'JARIANG 17:6

LaKusareko jai ana' cucu, siagang nia' battu ri ke'nanga la'jari karaeng sallang. Lasannaki jaina turungannu, sa'genna la'jari bansa-bansa ke'nanga.

PA'JARIANG 26:4

LaKusareko ana'-cucu sanrapang bintoenga ri langi' jaina, siagang sikontu anne daeraya laKupassareangi mae ri ke'nanga. Sikontu bansaya ri lino lappala' ngasengi ri kau sollanna Kubarakkaki ke'nanga sangkamma le'ba'na Kubarakkaki turungannu.

PA'JARIANG 28:14

Turungannu lasangkammai limbu'buka ri lino jaina. Lanapakaluaraki daerana ke'nanga mange ri kere-kere mae. Siagang tete ri kau siagang turungannu nalaKubarakkaki sikontu bansaya ri lino.

PA'JARIANG 34:10

Jari akkulle ngaseng mako ammantang siagang ikambe anrinni ri pa'rasanganga, ri tampa' nungaia. Akkulle mako bebasa' a'danggang siagang ammallaki pa'barang-barangngang.”

PA'JARIANG 35:11

Nampa Nakana pole Allata'ala, “INakkemi Allata'ala Kaminang Koasaya. Ammana'-mana' mako siagang accucu-cucu mako jai. Ikaumi lanakabattui bansa-bansa siagang la'jari boena sikamma karaenga.

PA'JARIANG 46:3

Nakanamo Allata'ala, “INakkemi Allata'ala, Allata'alana manggenu. Teako mallakki untu' a'lampa mange ri Mesir. LaKupa'jari turungannu se're bansa lompo anjoreng.

PA'JARIANG 47:11

Nabantumi Yusuf anjo manggena siagang sikamma sari'battanna ammantang ri Mesir. Nasaremi ke'nanga tampa' untu' napatang ke'nanga ri bageang kaminang bajika ri anjo pa'rasanganga, iamintu ri ampi' kota Rameses, situru' parentana karaenga.

PA'JARIANG 8:7

nalappassammi sikayu jangang-jangang kalaa'. Natenamo nammotere' anjo jangang-janganga, mingka anri'ba'mi turus ri kere-keremae sa'genna naung taba sikalimo je'ne' a'baya.

PA'JARIANG 8:9

Mingka lanri nitongko'iji ri je'ne' sikontu tompo'na buttaya, tenamo nanggappa pa'dongkokang anjo jangang-jangang bodobangkenga. Jari ammotere'mi mange ri kappalaka. Napajonjomi limanna Nuh nampa naerang antama'.

NEHEMIA 9:23

Kipa'jari turunganna ke'nanga sanrapang bintoeng ri langi' jaina, Kisarei butta ke'nanga untu' napammantangngi, butta le'baka Kipa'janjiang ri boena ke'nanga.

PAMMUJI 105:24

Napa'jari Batara pila' katambang jaina umma'Na, sa'genna la'bi kassa'mi nabalinna.

PAMMUJI 107:38

Nisarei ri Batara ke'nanga jai ana', siagang olo'-olo' piarana ke'nanga pila' a'bija-bijai.

KALAPPASSANG 1:12

Mingka pila' nijallakkangi ke'nanga ri tu Mesir, pila' katambangi jaina anjo tu Israel. Pila' a'la'bammi ke'nanga mae ri sikontu anjo pa'rasanganga, sa'genna a'jari malla'mo tu Mesir ri ke'nanga.

KALAPPASSANG 1:7

Mingka anjo turunganna tu Israel a'bija-bijami a'jari sanna' jaina. Teai sipato' linta'na katambang jaina ke'nanga, sa'genna ero'mi rassi pa'rasangang Mesir napakamma ke'nanga.

ZAKHARIA 10:8

LaKukioki ummakKu siagang Kupa'rappungi ke'nanga a'jari se're. LaKupakabebasaki ke'nanga siagang laKupa'jari jai sangkamma riolo jaina.

LAMPA-LAMPANA 7:17

Ri wattunna la'birimmo narapi' wattunna laNarupai janjinNa Allata'ala mae ri Abraham, pila' katambammi jaina bansata ri pa'rasangang Mesir.

PAOLE 10:22

Ri wattunna a'lampa boe-boenu mange ri Mesir, anjo jaina ke'nanga tuju puloji tau. Mingka Napa'jari jaimi Karaeng Allata'alanu anjo ke'nanga a'jari sanrapang bintoenga ri langika jaina.”

PAOLE 26:5

Nampa, ri dallekanNa Batara, musti nupaui anne kana-kana kammaya: ‘O, Batara, anjo boe-boeku tau a'lampa battu ri Aram. Naerangi kaluargana mange ri Mesir untu' ammantang anjoreng, a'jari tau battu-battu. Ri wattunna a'lampa ke'nanga mange anjoreng, sike'de'ji bilanna ke'nanga, mingka ri boko a'jari bansa lompomi siagang bansa kassa'mi ke'nanga.