PA'JARIANG 47:24 - KITTA' MATANGKASA'

²⁴ Punna wattu pakkattoang, musti nupassareangi bage limanna wassele'na mae ri karaenga. La'binnaya akkullei nupake untu' a'jari bine siagang untu' nukanre siagang kaluarganu.”

PA'JARIANG 47:24 ပူးပေါင်းရင်းမြစ်များ

PA'JARIANG 14:20

Nipujimi Allata'ala Kaminang Tinggia, assareako pammetang mae ri musunnu.” Le'baki anjo napassareammi Abram mange ri Melkisedek bage sampulona sikontu anjo barang le'baka nirampasa' nanaalle naerang ammotere'.

PA'JARIANG 14:21

Nampa nakanamo karaeng Sodom mae ri Abram, “Allemi anjo barang-barang le'baka nirampasa', mingka kupalaki nakipoterang mae ri nakke sikamma taungku.”

PA'JARIANG 28:22

Nampa lakupassareang mae ri Batara bage sampulona sikontu apa Napassareanga Batara mae ri nakke. Anne batu pangngu'rangi kupaentenga la'jari tampa' panynyombang mange ri Batara.”

PA'JARIANG 41:34

Musti kiangka' tongi pagawe-pagawe maraengannaya, nampa kisare koasa angngallei bage limanna battu ri sikontu wassele' kattoang gandunga lalang tujua taung sallona ri kala'bianna taua. Nampa kiboli' siagang kisuro jagai yangasenna anjo wasseleka lalang ri kota-kotaya.

PA'JARIANG 47:23

Nakanamo Yusuf ri anjo ra'yaka, “Cini'mi, ikau ngaseng siagang sikamma tampa'nu le'ba'mi kuballi untu' karaenga. Annemi bine akkullea nupakioro' ri kokonnu.

PA'JARIANG 47:25

Appialimi ke'nanga angkana, “Kipasalama'mi anne ikambe karaeng. Appala' sukkuru'mi ikambe. Rellami anne ikambe a'jari atanna karaenga.”

PAMMUJI 112:5

Mate'nei tau lammoro' pa'maika siagang tau nangaia appapiinrang kammayatompa tau lambusuka lalang sikontu urusang.

PAMMUJI 41:1

Untu' pamimping pakelong. Pammujina Daud.

KAIMANGNGANG 27:30

Bage sampulona sikontu wassele' buttaya, baji' nagandung yareka rappo-rappoang, untu' Batara.

KAIMANGNGANG 27:32

Tasse're battu ri sampuloa kayunna olo'-olo' iamintu Batara pata. Punna nirekengi anjo olo'-olo' piaraya, tunggala' tassikayu, iamintu makasampuloa battu ri anjo olo'-oloka, Batara pata.

PAMMILANGNGANG 18:21

Nakana Batara mae ri Harun, “Sikontu passare bagesampulona tu Israel Kupassareangi mae ri tu Lewi. Iaminjo bageang warisi'na ke'nanga untu' jama-jamanna ke'nanga ri KemaKu.

PAOLE 14:22

“Tunggala' taung musti nusa'laki bage sampulona sikontu wassele' buttanu.

PAOLE 26:12

Tunggala' taung makatallu, musti assareko passare bage sampulona panggappannu, iamintu bage sampulona wassele' kattoannu mae ri Imang Lewi, tubattu-battua, ana'-ana' kukanga siagang jandaya, sa'genna ri tunggala' kotaya anggappai ke'nanga kanre naparalluanga ke'nanga. Punna le'baki,