PA'JARIANG 47:17 - KITTA' MATANGKASA'

¹⁷ Nampa napassareammo olo'-olo'na ke'nanga mae ri Yusuf. Nisaremi ri Yusuf ke'nanga apa-apa lanakanrea, iamintu napassambea jarang, gimbala', bembe, siagang keledaina ke'nanga. Anjo taunga nisarei ri Yusuf apa-apa lanakanrea ke'nanga, nampa a'bayara' ke'nanga siagang olo'-olo' piara.

PA'JARIANG 47:17 ပူးပေါင်းရင်းမြစ်များ

PA'JARIANG 47:16

Appialimi Yusuf angkana, “Punna la'busu'mo doe'nu, olo'-olo' piaranu nupassareang; nampako kusare apa lanukanrea.”

PA'JARIANG 47:18

Ri taung poleanna battumi pole ke'nanga mae ri ia nampa nakana, “Nilambusiang maki' mae karaeng, angkanaya cappu'mi doe'na ikambe, nampa olo'-olo' piarana ikambe ikatte ngasemmi pata. Tenamo apa-apanna ikambe akkullea nipassareang mae ri katte, pantaranganna kalenna ikambe siagang tampa'na ikambe.

1 KARAENG-KARAENG 10:28

Tete ri padanggang-padangganna karaenga, nipabattui jaranga battu ri Mesir siagang Kilikia,

AYUB 2:4

Mingka appialimi lapung Panggoda angkana, “Nyawana siagang pakkamalena tubua la'bi lompoangngangi anggaranna na pa'barang-barangnganga. Rellai rupataua angkoro'bangkangi sikontu apa-apanna, assala' akkullei tulusu' attallasa'.

KALAPPASSANG 9:3

lappabattuA' garring lompo mae ri sikontu olo'-olo' piaranu, kammayami jaranga, keledaia, untaya, sapia, gimbalaka, siagang bembea.

YESAYA 31:1

Cilakai tau a'lampaya mange ri Mesir appala' bantuang! Napattoangi ke'nanga kagassinganna tantarana tu Mesir siagang pasukang padongko' jaranna, kammayatompa kassa'na ngaseng jaranna siagang jaina kareta bundu'na. Mingka tena natappa' ke'nanga ri Batara, Allata'ala matangkasa'na Israel, siagang tena nappala' bantuanNa.

MATIUS 6:24

“Takkulleai se'rea tau ampa'jari atai kalenna mae ri ruaya karaeng. Nasaba' nia' lanangai, nania' latanajampangia kananna. Yareka la'bi a'dakkikangngangi mae ri se'reanga na maraengannaya. Ikau kamma tommako anjo. Takkulleako lampa'jari atai kalennu mae ri Allata'ala, punna nupa'jari ata todong kalennu mae ri pa'barang-baranganga.