PA'JARIANG 47:1 - KITTA' MATANGKASA'

^1-2 Nampa naerammi Yusuf lima tau battu ri sari'battanna mange andallekang ri karaenga. Nakanamo ri karaenga, “Manggena siagang sikamma sari'battanna atanta nia'mi battu ri Kanaan. Battumi ke'nanga mae anrinni siagang bembena, gimbala'na, kammayatompa sikontu pa'barang-baranganna ke'nanga. Kamma-kamma anne niaki ke'nanga ri Daera Gosyen.” Nampa napappiassengammo anjo sikamma sari'battanna mae ri karaenga.

PA'JARIANG 47:1 ပူးပေါင်းရင်းမြစ်များ

PA'JARIANG 45:10

Akkulleki' ammantang ri Daera Gosyen, ri ampi' pammantangangku. Battu maki bapa', siagang ana'-cucunta, sikamma gimbalatta, bembeta, sapita, siagang sikamma pa'barang-baranganta.

PA'JARIANG 45:16

Ri wattunna kalangngerang ri balla'na karaenga angkanaya battui sikamma sari'battanna Yusuf, sannang tommi pa'mai'na karaenga siagang sikontu pagawena.

PA'JARIANG 46:28

Nasuromi Yakub anjo Yehuda a'jappa riolo untu' angkioki Yusuf sollanna nia' ambuntuli ri Gosyen. Ri wattunna battu ke'nanga mange ri Gosyen,

PA'JARIANG 46:31

Nampa nakanamo Yusuf mae ri sikamma sari'battanna siagang ri sikamma bija pammanakanna maraenga, “Musti a'lampa' mange ri karaenga ampauangi angkanaya nia'mi battu sikamma sari'battangku siagang sikamma bija pammanakanna ammantanga ri Kanaan.

PA'JARIANG 46:34

pauammi angkana battu ri ca'dinu iji nummarakaimo olo'-olo' piara sangkamma boe-boenu. Lanri kammana, lanasuro ngaseng mako ammantang ri Daera Gosyen.” Akkana kammami anjo Yusuf, lanri tu Mesirka nakanai kalenna tuna assibengkoro' siagang sikamma pakalawakia.

KALAPPASSANG 8:22

Mingka pantaranganna anjo, daera Gosyen tena nalanituju, lanri anjo pammantanganna ummakKu. Anjoreng tena nalania' katingalo, sollanna nuasseng ngaseng angkanaya iNakke, Batara, anggaukangi anjo kammaya.

KALAPPASSANG 9:26

Poro daera Gosyen bawang, iamintu tampa' pammantangnganna tu Israel, tena nitujui ri anjo bosi eska.

IBRANI 2:11

Isa antangkasi rupataua battu ri dosa-dosana ke'nanga; na Ia annangkasia, kammayatompa anjo ke'nanga nitangkasia, se'reji Mangge napa'jului. Iaminjo natasiri'-sirika Isa angngakui ke'nanga a'jari sari'battanNa.