PA'JARIANG 46:5 - KITTA' MATANGKASA'

⁵ Nampa a'lampamo Yakub battu ri Bersyeba. Nipanai'mi Yakub ri karetaya ri ana'-ana'na. Kammayatompa massing bainenna sikamma ana'-ana'na nipanai' ngaseng tommi ri anjo kareta nakiringa karaeng Mesir.

PA'JARIANG 46:5 ပူးပေါင်းရင်းမြစ်များ

PA'JARIANG 21:14

Ammukona bari'basa', nasaremi Abraham kanre Hagar siagang se're pammoneang je'ne' untu' a'jari bokong ri lampana. Napadenge'mi anjo anaka ri dongko'na Hagar, nampa nasuro anjo bainea a'lampa. A'lampami Hagar mange ri parang lompona Bersyeba.

PA'JARIANG 45:19

Suro tommi ke'nanga angngerang siapa are kareta battu anrinni, sollanna akkulle naerang bainenna siagang ana'-ana' ca'dina ke'nanga, siagang naalle manggena ke'nanga.

PA'JARIANG 45:21

Nagaukammai sikamma ana'na Yakub anjo parentana karaenga. Nasaremi Yusuf ke'nanga siapa are kareta, situru' parentana karaenga, kammayatompa kanre bokong untu' pa'jappanna ke'nanga.

PA'JARIANG 45:27

Mingka le'ba'namo nacarita ngaseng ke'nanga apa napaua Yusuf mae ri ke'nanga, siagang nacini'namo kareta nakiringa Yusuf untu' angngallei siagang angngerangi mange ri Mesir, angngu'rangimi ri takkajannanna.

KALAPPASSANG 10:24

Jari nakio'mi Karaenga Musa na nakana, “Akkulle mako a'lampa mange anggaukangi ibadanu ri Bataranu. Sikamma bai'-bainea siagang ana'-anaka akkulle ngasengi a'lampa. Mingka sapinnu, gimbala'nu, siagang bembenu takkulleai nuerang.”

KALAPPASSANG 10:26

Sikontu olo'-olo' piarana ikambe musti naerangi ikambe; manna sikayu tania' lanaboli' ikambe. Iaminjo olo'-olo' piaraya lanapilei ikambe untu' napassareang ikambe mae ri Karaeng Allata'ala. Anjorempi nampa naasseng ikambe angkanaya olo'-olo' kereanga lanapassareang ikambe.”

LAMPA-LAMPANA 7:15

A'lette'mi Yakub mae ri Mesir. Nanjoremmo mate siagang boe-boeta.

1 SAMUEL 12:8

Ri wattunna battu Yakub siagang kaluargana mange ri Mesir, na nijallakkang ke'nanga ri tu Mesir, appala' tulungi boe-boenu mae ri Batara, nampa Nasuromo battu Musa siagang Harun. Iaminjo tau ruaya angngerangi boe-boenu assulu' battu ri Mesir, siagang antulungi ke'nanga ammantang ri anne buttaya.