PA'JARIANG 46:2 - KITTA' MATANGKASA'

² Ri se'reang bangngi, lalang se're paccini', Nakanamo Allata'ala ri ia, “Yakub, Yakub!” Appialimi angkana, “Iye', Batara.”

PA'JARIANG 46:2 ပူးပေါင်းရင်းမြစ်များ

PA'JARIANG 15:1

Le'baki anjo, anggappami Abram pappiso'na siagang nalangngere'mi Batara angkana ri kalenna, “Teako mallakki Abram. LaKujagaiko battu ri balaya, siagang laKusareko pahala lompo.”

PA'JARIANG 15:13

Nakanamo Batara ri ia, “U'rangi, angkanaya la'jari tubattu-battui turungannu ri se'reang pa'rasangang maraeng; la'jari atai ke'nanga anjoreng siagang lanijallakkangi patambilangngang taung sallona.

PA'JARIANG 20:3

Ri se'reang bangngi Napappicinikammi KalenNa Allata'ala mae ri anjo karaenga lalang so'na, na Nakana, “Lamateko, lanri nuallena anjo bainea, lanri nia'mo bura'nenna.”

PA'JARIANG 22:1

Siapa are wattu ribokoanganna Naso'rimi Allata'ala kajarrekanna tappa'na Abraham. Nakio'mi Allata'ala anjo Abraham angkana, “Abraham!” Appialimi Abraham angkana, “Iye' Batara.”

PA'JARIANG 22:11

Mingka akkio'mi malaeka'Na Batara battu ri langika mae ri ia angkana, “Abraham, Abraham!” Appialimi Abraham angkana, “Iye' Batara!”

PA'JARIANG 31:11

Siagang nia'mi Allata'ala a'rupa malaeka' a'bicara ri nakke lalang anjo so'naku, angkana, ‘Yakub!’ Appialima' angkana, ‘Iye'’.

2 PATTOTTORANG 26:5

Zakharia a'jari gurunna ri passala' katappakkanna mae ri Batara. Lalang attallasa'na ija Zakharia, majarreki tappa'na Uzia siagang anynyombai ri Batara sa'genna nibarakkaki ri Batara.

AYUB 4:13

Naricui tinroku na kunaganggu, sanrapang asso'na kodi ri lantang bangngia.

DANIEL 2:19

Anjo memang bangngia Napaumi Allata'ala rahasiana anjo so'naya mae ri Daniel lalang se're paccini'. Jari mammujimi Daniel mae ri Allata'ala niaka ri suruga,

ZAKHARIA 1:8

kuciniki malaeka'Na Batara a'dongko' sikayu jarang eja. Ammantangi ri se'reang ka'bung lappara' ri alla'na poko'-poko' kayu mura'. Ri bokona nia' pirangkayu are jarang maraengannaya ammenteng, nia' eja tanja'na, nia' lango-lango siagang nia' todong kebo'.

PAMMILANGNGANG 12:6

na Nakanamo Batara, “Pilangngeri anne kana-kanangKu! Punna nia' battu ri kalase'rennu a'jari na'bi, Kupa'nyatai KalengKu mae ri ia lalang ri paccini'na siagang a'bicarA' siagang ia lalang so'na.

PAMMILANGNGANG 24:4

le'baka allangngereki kana-kananNa Allata'ala siagang ancinikai apa Napappicinikanga Kaminang Koasaya, anra'bai, mingka tassungkei matanna.

LAMPA-LAMPANA 10:13

Nampa nia'mo sa'ra angkana ri ia, “Petrus, ambangungko! Samballei, nampa nukanre!”

LAMPA-LAMPANA 10:3

Ri se'reang allo, kira-kira tette' tallu ri karuenga, nia'mo nacini' a'nyata sikali lalang pappiso'na, sitau malaeka'Na Allata'ala battu angkioki nakana, “Kornelius!”

LAMPA-LAMPANA 16:9

Ri wattunna bangngi ri Troas, nabattuimi Paulus pappiso'na. Lalang pappiso'nana, nia' nacini' se're tau battu ri daera Makedonia ammenteng ri dallekanna. Napala' dudumi anjo taua sollanna a'lampa Paulus mange ri Makedonia antulungi ke'nanga.

LAMPA-LAMPANA 9:10

Anjoreng ri Damsyik nia' se're tau tappa' ri Isa, niarenga Ananias. Battumi Batara a'bicara mae ri ia ilalang pappiso'na. Nakana Batara ri ia, “Ananias!” Appialimi Ananias nakana, “Iye', Batara.”

LAMPA-LAMPANA 9:4

Tu'guru'mi Saulus naung ri buttaya, nampa nia' sa'ra nalangngere' angkana ri ia, “O Saulus, Saulus! Apa saba'na nanusessa kamma duduA'?”

HAKING-HAKING 7:2

Nakanamo Batara ri Gideon, “Jai dudui taunnu. Tena Kuero' assarei pammetang mae ri tu Midianga. Nasaba' nakana sallang ke'nanga, ammetai lanri kagassingang kalenna ke'nanga, sa'genna teaimi Nakke napakalompo.

HAKING-HAKING 7:9

Anjo bangngia Nakanamo Batara ri Gideon, “Ambangung mako Gideon! Mange mako ambunduki tu Midian ri kemana. Kusareko pammetang mae ri ke'nanga.

1 SAMUEL 3:10

Nampa battumo Batara, ammenteng ri anjo tampaka siagang akkio' angkana, “Samuel, Samuel!” Nappialimo Samuel angkana, “Appau maKi' Batara, nappilangngeri atanTa.”

1 SAMUEL 3:4

nikio'mi Samuel ri Batara. Nampa appialimi Samuel angkana, “Iye' bapa'!”